صرخت بقهر ...حقيير. اهئئئ اهئئئ
لزمت تلفوني خابرت عليه مره مرتين ثلاثه ماكو
ضليت كل دقيقه اخابره وهو مايجاوب ومشغول
قلبي يقول اللي بالصوره كذب..بس مبين حقيقه
ضليت ابجي الا ان نمت ودموعي ماجفن من خدودي
كعدت ثاني يوم وراسي يوجعني من البجي وعيوني مورمه وخشمي احمر دم كمت سبحت وحطيت كحله لعيوني علمود لا احد يشك بيه نزلت جوه وكلت.. صباح الخير
ماما...صباح النور
بستها من رأسها وكلت..لعد وينه بابا
ماما..ابوج عنده شغل شوي ويجي
كلت..هممم طيب وزوز وينها
ماما..زهراء بعدها نايمه خطيه البارحه مانامت
كلت...خير شبيها
ماما..شوي مصخنه خطيه ومستبرده
كلت..لعد خل اروح اشوفها
رحت لغرفتها ودخلت شفتها نايمه
تقربت منها وبستها من رأسها وخدها
ضليت اباوع عليها واني مبتسمه ....تنهدت وكمت
رحت للمطبخ حميت الچاي وسويت حليب وكعدت اشرب
خلصت كمت غسلت المواعين الباقيه وعزلت المطبخ ورحت رتبت البيت وعطرته ورجعت للمطبخ شفت ماما تطبخ بالغداء. سألتها..ماما شتسوين غدا
ماما..ابوج مشتهي مركه عدس وكلت اسويها اله
كلت ..هممم ما اريد
ماما..لعد شتردين
كلت..من يجي بابا اكله يجيبلي اندومي
ماما...عندنه اندومي فتحت الكاونتر وتلكين
كلت..منو جايبه
ماما...ابوج البارحه جاب كال ادري بالبنات يحبنه
هزيت راسي وصعدت لغرفتي وضليت اباوع عالتلفزيون وشويه اباوع عالتلفون وانشر واعلق وسوالف ..وضليت على هالحالة الا ان أذن كمت صليت الضهر والعصر ونزلت شفت بابا يصلي وماما همين رحت حميت الاكل وحضرت المواعين وبعدها اجت ماما وكمنا نصب بالاكل وكعدنا نأكل ومن خلصنا لميت المواعين وكمت غسلتهن ورجعت لغرفتي ومر اليوم نفس الروتين
وبعدها ثاني يوم رحت ويه ماما وكمنا نحضر لعرسي وزوز راحت لبيت خالتي بمنطقه اسمها (زويريجات) واحنا همين مناك نروح الهم ونبات هناك. طبعاً هاي خالتي مو دائماً تجينا (لان اكيد تستغربون ماجايبه طاريها او حتى بالخطوبه ما ذكرتها لو بالعزايم بس اني حبيت من هسه ادخلها بالقصه /انتم بس تعرفون عندها خال اللي هو ابو مهدي /
رحنا للسوق وضلينا نفتر ومرينا ب(فوازير) اشترينا كم شغله وهمين طلعنا ورحنا للملابس النوم وهاي السوالف
أنت تقرأ
احببت معذبي {باللهجه العراقيه}.
Humorالقصه. خياليه ومن تأليفي انا ♥ رقيه : لاااااااااااااا. حرررااام عليككك لاااا
