احببت معذبي {باللهجه العراقيه}.

البارت التاسع

اصلاً ماجان على بالي انو مهدي هو اللي يجي يأخذني من الصالون للقاعه ..جنت اتمنى انو يجي اي واحد من الولد يأخذني الا هو...اخر من اتمنى اشوفه مهدي..اكره ..واموت منه..اتمنى اقتله واخلص منه ومن شره..خلال هذيج الايام هواي يدز رسائل من جميع مواقع التواصل ويهدد بيه بس اني احضره وما ارد عليه بس هو مدري منين يجيب رقمي ويبحث عني ...كل ما اشوفه اتذكر اليوم اللي راد يعتدي عليه ويأخذ شرفي ..لو ما سمعو صوتي جان هسه اني بحال لا يعلمه احد ...وصلنا للبيت. ودخلنا..شفت شوي نسوان وبنات موجودات رحت للغرفه نزعت الصايه وعدلت مكياجي وفستاني وبعدها طلعت وبدن النسوان يسلمن عليه وشويه وجان يشغلن الديجي واني هنا فقدت .كومنْي البنات وكمت اركص وياهن وذبيت لحم ...ومرت نص ساعه وجان ماما تكول راح يجون اهل العريس..عاد اني هنا رجعت لمكاني بالكوشه وعدلت نفسي وضليت بس ابتسم وبداخلي فرحه ماتنوصف ..شويه وجان  يدخلن اهل العريس ونسوان يهلهلن ودخلن وهنه يركصن واني بس ابتسم وقلبي طاير من الفرح ...وجان اجن ويكومن يسلمن عليه ..ام وليد ..هلا بعروستنا الحلوه هلا بزوجه وليد

رقية..هلا بيج خاله.

ام وليد..تجننين عين الله عليج.

رقية..تسلمين خاله ..ههه

اجت نونه وضلت تبوس بيه وهي فرحانه واخذت وياي كم صوره وضلت كاعده يمي وشوي وجان يكومني البنات وركصنا وبعد مرور نص ساعه كالو راح يعقدولكم ..حطو كرسي ورا باب الهول اللي كاعدين بيه والرجال كلهم بالصالة..كعدت عليه وغطو راسي ولزمت القرآن ..وفتحت ماما الباب شوي علمود اسمع صوت الشيخ...وبدأ يعقد النا...وقال ...قولي نعم وانت وكيلي...

رددت وراه وقلت نعم واشتعلت الهلاهل مال نسوان ..سدت الباب ماما بعد ماخلصنا ورجعت لمكاني شوي والرجال كلهم طلعو واحنا رحنا للصالة لان جبيره ...كعدت هناك بالصالة وجان ينفتح الباب ويدخل فارس احلامي وحبيبي وخطيبي بكامل اناقته ورزته...

اني هنا تعالو دوروني متت احس قلبي يدق يدق يدق بسرعه بسرعه ...فرحه ماتنوصف. 

وليد /

اليوم خطوبتي ..طبعاً ما اسولفلكم ...البيت مكلوب كلاب والكل يصيح عرس الغالي وعرس الغالي وهذا يجيب وهذا يودي كلبو البيت فوق تحت ..ليكول عرسي مو خطوبتي ..البارحه الخميس الصبح اجينا للكوت واجرنا بيت وهمين عمامي وخالاتي والاقارب كلهم اجو للكوت...لمار بس سمعت الخبر..تخبلت وضلت تبجي وتصيح وتكول ..خنتني ياوليد وين الوعد وينه ليش ماوفيت بوعدك..اني حزنان اكثر منها ...جنت باني آمال واحلام ويه لمار ..بس شكل الاحلام عمرها ماراح تتحقق...رحت للحلاق وعدلت ورضيت بآمري وكلت اتزوجها وكم شهر واطلكها واخذ حب حياتي لمار ..وبعدها اشتريت قاط وهاي السوالف .....ورحنا لبيت ابو رقية واني ما ادري لمار موجوده لو لا ...واجى الشيخ وعقد النا ووافقت هيه اكيد وخلصنا من العقد وطلعنا كلنا والرجال يسلمون عليه ويباوكون ...وبعدها رجعت دخلت للصاله علمود البس رقية الذهب ونقطع الكيك وهاي السوالف التعبانه اللي مامنها فايده.....من دخلت شفت كومه نسوان ماشاء الله اشكال الوان مدري منين ما منين وبزران كومه ونسوان كبار ...اقتربت مني ماما وباستني وتبارك اليه ودموعها بعيونها واني ابتسم الها ...مشيت اني وياها لرقية اللي وقفت وهي خجلانه...ياربي شنو هالجمال والاناقه...شنو هالرشاقه ..يربي احلا من لمار بهواي ..بس شنو اسوي القلب يحب لمار..وصلت يمها وحطيت ايدي على كتفها واني احسها تنتفض من الخجل..بستها من راسها وبعدت عنها وكعدنا جنب بعض