اساطير مرعبة

الكابوس

كل يوم كنت بصحى على كابوس مرعب اووي ومخيف ببقى دايما واقف فى مكان ضلمة ومرعب اووى ،بسمع اصوات ومعرفش ايه هي أو اصوات ايه كل كلامهم مش مفهوم خالص ولا جملة واحدة بقدر افهمها ، بس في الاخر بميز الجملة دى بوضوح ، ليكم دنيتكم ودنيتنا ليست اهو ، وبعدها صوت شرارة كهربائية عالية ، احساس انك في اسانسير والأسلاك بتتقطع وبتنزل بيك ،
بعدها صوت قطع ف سلوك زي ما تكون راكب اسانسير و بيقع بيك على الارض وتموت من فوق وتموت ، بعدها بتموت وجسمك كله بيتكسر وأقوم مفزوع ، وقتها جربت اخد كل المسكنات واي منوم علشان محسش بحاجة خالص وحتى اقدر انسي اللي بيحصلي كل يوم دا
من غير فايدة ، الكابوس كل يوم بيكرر لدرجة أنه تقريبا بقي جزء من حياتي وعملي مشاكل كتير مش عارف انام .

كل دا بسبب تطفلي وفضولي البشع والبلاوى السودا اللي عملتها كلها انا عارف انى انا السبب ، كل دا من وانا صغير كنت لما بسمع عن اماكن مسكونة بالعفاريت كان بيبقي الفضول اني ادخل البيت واعرف ايه اللي بيحصل فيه وأشوف العفريت ببقى مبسوط اووى وفرحان وعاوز اشوف فيه ايه والعفاريت بتعمل ايه ، كنت بقعد على النت اتفرج واقرى في مجال ما وراء الطبيعة

و في يوم فتحت الفيس بوك لقيت رسال من واحد صاحبي بعتلي لينك لبوست بيتكلم عن لعبة غريبة اتشديت للبوست لان كان في جملة بتقول" تحذير هام " لكل واحد عينه شافت البوست لانها مش مجرد لعبة عادية دي لعبة بتدخلها بارادتك مع مجموعة بس مفيش غير شخص واحد اللي هيلعبها و الشخص دا هو انـــت أيوة انت بس ، و انا غير مسؤل عن اي حاجة غريبة هتحصل من اللعبة ولازم متغلطش خالص ، لأن الغلطة الاولي بتبقي الاخيرة وبتنتهي وبتنهي حياتك كلها في لحظة .

احساس المغامرة شدني والغموض ، نسبة الادريناين عندي ارتفعت في دمي بقى عندي شغف كبير وفضول اعرف في ايه ، عملت سكرين شوت للبوست وكان في عنوان لازم اروح واعمل شوية حجات هناك ، مش عارف انا كنت خايف بس في نفس الوقت عاوز اجرب وعاوز اروح واعرف كل دا هزار ولا حقيقي، لبست ونزلت ركبت تاكسي كانت الساعة 2 بعد الضهر ، دخلت وقفت قدام الاسانسير حاسس بخوف بس متحمس عاوز اقوم بالتجربة دى بواب العمارة نده عليا وقالي ، رايح لمين

قلتله انا مندوب وطالع اوصل اوردر للدور العاشر ، قالي الاسانسير بايز اطلع على رجلك مكملش الكلمة و باب الاسانسير اتفتح، و كان شغال عادي الرجل استغرب أن الاسنسير اشتغل ، وقال حاجة غريبة الاسانسير كل اسلاكه متقطعة و محتاج الدايرة الكهربية تتغير ،استغربت ودخلت وهنا حسيت بنغزة ف قلبي جامدة اووى
اول مرة  احس بكدة ،
كان في ست كبيرة دخلت الاسنسير معايا وقالتلي انها طالعة الدور السادس .
مسكت ايديها ودخلتها معايا الاسانسير و قفلت الباب ، وكان لسة البواب واقف باصصلي بتعجب ،
طلعت الفون اتفرج على الصور اللي عملتلها سكرين شوت وأشوف اللعبة كانت طالبة اية
بدأت انفذ اول خطوة كانت بتقول لازم اكون لوحدي في  الاسانسير وانا الست كانت معايا ومرة واحدة نور الاسنسير اتقفل لوحده وبعدين بصيت ملقتش الست العجوزة .

دى اختفت معرفش ازاي كنت خايف أووى بس قولت يمكن بيتهيالي ،بعدها قريت في التنبية مبصش للمرايا اللي في الاسانسير خالص ، كان في مرايا ورايا فعلا .

كان مكتوب ترتيب ارقام الادوار اللي هدوس عليها وكان ترتيبهم كدا (4 – 2 – 6 – 10 – 5) المفروض ادوس على كل رقم لغاية لما يطلع الدور المطلوب ، وبعدها ادوس على الرقم التاني .

كتبت ترتيب الارقام ع ايدي عشان منساش حاجة منهم ، دوست ع رقم 4 و الاسانسير اتحرك ووصل الدور الرابع وفتح الباب كل حاجة طبيعية ، دوست بعدها رقم 2 و الباب كان ليقل شوفت حاجة بشعة بتجري قدام باب الاسانسير بسرعة.

فتحت الفون وبصيت تاني للبوست و لقيت تنبيه تاني غريب بيقول،

لما الاسانسير يقف متخرجش من الباب مهما حصل ، الاسانسير وصل للدور التاني واول ما الباب ما فتح كان ضلمة وكان في لمبة صغيرة صفرا منورة ،لما بصتلها حسيت ان قلبي مقبوض ، دوست الدور رقم 6الباب اتقفل وطلع من الدور التاني اللي هو انا كنت واقف فيه، طلع من بعد الرابع للدور السادس علطول ، الباب اتفتح ومكنش فيه حاجة لسه بقفل الباب واسجل رقم عشرة ، لقيت ست عجوزة كانت واقفة على باب الاسانسيرنفس الست العجوزة اللي ركبت معايا تحت .دخلت الاسنسير معايا وزي ماتكون طايرة فوق الارض .

دوست على رقم 10 الباب قفل فى دقيقة تقريبا ، قريت البوست تاني ، لقيته بيقول في دور من الادوار هتلاقي ست كبيرة هتدخل معاك الاسانسير ،

ممنوع تبصلها او تكلمها او تبص بصورتها في المرايا .

لو كلمتك متردش كأنها مش موجودة ، للاسف انا كنت كلمتها عادي و كنت ببصلها وعاوز اسندها وادخلها الاسنسير ، كدة هيحصلي ايه مش فاهم .

الاسنسير وصل الدور العاشر وابتدي نور الاسانسير ينور ويطفي والست موجودة معايا الاسنسير وقف الدور العاشر و الباب مفتحش وكنت باصص للأرض ونور الاسنسير بيهتز من فوق راسي .

معرفش حسيت برعشة شديدة وجسمى كله كان زى ميكون مشلول كنت حاسس بحاجة ماشية على ظهرى وحسيت بايد بتشدنى لورا للمرايا وبلصق فيها

كل دا وانا باصص للأرض ، كنت شايف المرايا كويس ، كان انعكاس الاسانسير ف المرايا ضلمة مع ان اللمبة كانت شغالة اعدت اصرخ برعب وغمضت عيني جامد ، و قرأت كل اللي افتكرته من ايات وسور من القرآن الكريم ، وكنت مرعوب لأن الست العجوزة اختفت وبعدها مش فاكر حاجة لانى فقدت الوعي ولما فوقت لقيت رجل الأمن بيفوقنى ويقلي فيه ايه هتجبلنا مصيبة ، فتحت عيني وانا مش فاهم حاجة رجل الأمن قالي أن اغم عليا في الاسنسير لما عطل والباب قفل ومطلعش ، بصتله بتعجب يعنى كل اللي حصل دا كان حلم كابوس ازاي بس دا كله حصل اعدت الصله برعب وانا مش مصدق فتحت الفون علشان اشوف البوست بس ملقتش الفون كان اختفى ، انا مش فاهم الموبيل اتسرق ولا ضاع ولا ايه اللي حصل وكل دا كان حلم معقول ، بعد محسيت انى كويس مشيت ومرجعتش تاني البيت دا حاولت انسي بس الكابوس لغاية انهاردة كل يوم بيجيلي ويرعبني فعلا يصحيني من النوم ومش قادر اتخلص منه انا خلصت اهو وكتبت كل حاجة في الأجندة عاوز اتخلص من الإحساس المرعب دا واعيش طبيعي بس مش قادر 

في النهاية اود ان اخبركم شيء هام ان تجربة الاشياء الغريبة شيء سيء جدا ولن ينفعكم في شيء