النهارده موضوعي مهم جداً لانه اكتر حاجه انتشرت الفتره دي واكتر حاجه ضيعت حياء البنات وضيعت رجوله الشباب..محتجاكوا تركزوا معايا شويه في اللي هقوله" الارتباط والمرتبطين"
مش عارفه أبدأ منين ولا منين ابدأ من الاختلاط ولا مكالمات الفون ولا الشات ولا المقابلات ولا التجاوزات الموضوع مليان فعلابس انا هقول زمان يمكن من قبل عشرين سنه مثلا كانت كلمه مرتبطين دي مقتصره علي المخطوبين فقط لا غيرلكن حاليا كل ما أسمع كلمه مرتبطين بشمئز والله فعلا الكلمه بقت مقرفه اووي لأن اتغير مفهومها..بقينا نشوف البنات بكل بساطه ومن غير كسوف تقول انا مرتبطه بفلان وهما مش مخطوبين وعادي وبتقول كده بكل سهوله..والشاب برضو يقول لأصحابه انا مرتبط بفلانه وبرضو بكل بجاحه وكأنه مش واخد باله من رجولته اللي اتبهدلت بسبب الموضوع ده ومش واخد باله كمان من اخواته البنات..
بس انا لازم احط اللوم اكتر علي البنات إن كان الشاب عديم الاخلاق والتربيه فكان لازم البنت تفهم انها عباره عن كتله حياء وادب متحركه لو فقدت حيائها فهي كده فقدت انوثتها"الفتاه حياء،لا حياء لا فتاه"مقوله حلوه جداً يعني بعدم وجود الحياء يبقي مفيش فتاه من الاصل..بنات كتير بقي لما اتكلم في الموضوع دا تعترض وتزعل اووي اصله بيجيلها علي الجرح وتقولي ان الشاب اللي بيحبها محترم وصادق وهيجي فعلا يتقدملها وإلخ طب بصي ياست البنات انا هفترض اندر وافضل السنيريوهات ان فعلا هو صادق وهييجي تضمني انتي منين ان ظروفه هتمشي معاكي وتضمني منين ان اهله يرضوا بيكي واللي معظم الامهات بتبقي عايزه تختار لأبنها بنفسها عشان تختارله بنت كويسه وياسلام لو امه عارفه انه بيكلمك يبقي انتي بتحلمي انك تكوني في يوم مراته..وترجع الام في الاخر تقول خدها واتجوزها بس لا انت ابني ولا اعرفك.وطبعا بديهي كده هيختار رضا أمه وانتي بقي عليكي العوض ومنك العوض ..ودا اندر مشهد صورتهولك لان كمام مفيش كده دلوقت كل الشباب بيتسلي وكلهم بيقولوا انا هلعب واتسلي معاها لكن لما أجي اتجوز هتجوز البنت المحترمه الخلوقه اللي فضلت محافظه علي نفسها وحيائها واللي لو حاولت امشي معاها او اكلمها عشان ارتبط بيها زيها زي غيرها صدتني ومعملتش ليا حساب..هو دا تفكير الشباب دلوقت والله واللي بقينا بنسمعه كتير اووي..يقول ازاي اتجوز البنت اللي مشيت معاها ازاي استأمنها علي اسمي واخليها أم لأولادي دي خاينه اه خانت ثقه أهلها يعني ممكن بعد ما اتجوزها تخوني..لازم ادور علي بنت محترمه..انا برضو وريتك مشهد من الواقع..
وياحسرتي علي البنت وهي بتقول لأصحابها خايفاه يسيبني او خايفاه يزعل مني ومش خايفه من غضب ربنا عليها ..عصت الخالق من أجل المخلوق وبمنتهي البساطه عايشه..يابنتي دا لو حتي كل الظروف معاكي ومع اللي بتحبيه كويسه ربنا مش هيوفقكوا لبعض عشان عصيتوا الله فأكيد هيحرمكوا من بعض وبيكون دا عقابك في الدنيا بس لسه مشوفتيش عقاب الاخر إلا لو توبتي ..وفي كل الاحوال وبعد كل الارتباطات دي بتفضل البنت في السنه الواحده ترتبط بخمس ست شباب ودا اقل عدد كمان إللي هو كل ٣ شهور شاب جديد..وحاجه قله قيمه جدا للأسف بتنزلي من مستوي نفسك لمستوي دنيئ جدا رغم ان ربنا كرمك وجعلك جوهره مصونه لو اتبعتي تعاليم الاسلام لكونتي زي الاميرات اللي في قصورهم وانتي في بيت ابوكي مستنيه الشخص اللي بيدخل البيت بالحلال وبيدخل البيت من بابه مش من الشباك ولا المنور زي الحراميه..فعلا المرتبطين بالشكل ده بيبقوا زي الحراميه..انتي كابنت تستاهلي ان اللي يرتبط بيكي يعلن دا قصاد كل الناس ويمسك إيدك قصاد كل الناس مش تتقابلوا وتستخبوا وتتكلموا في الفون بعد الساعه ١٢ والكل نايم والله اعلم ايه اللي بيتقال في مكالمه فون بعد ١٢ مصايب وكوارث بتتقال وتجاوزات في الكلام بشكل مقرف وانتي الخسرانه اكتر منه كتير..خسرانه حيائك ودينك وثقه أهلك فيكي وتربيتهم ليكي وخسرانه شكلك قدام نفسك دا لو كان ضميرك صاحي اصلا وخسرانه رضا ربنا عليكي خسرانه كتير والله..وهو كمان خسران بس مش قدك..وبعد مايزهق منك يرميكي ويروح يدور علي واحده غيرك عشان التجديد بقي ياقديمه انتي
فتطلعي من الموضوع ده متدمره نفسياً ومكتئبه وعياط ليل مع نهار علي حاجه ماستهلش ياريتك عيطتي علي غضب ربنا عليكي ولا عيطتي علي توبه ولا عيطي وانتي بتدعي ربنا انما بتعيطي عشان سابك جاتك خيبه وممكن تقعد البنت تكلم شاب معين لفتره تعدي خمس وسبع سنين وبيحصل والله وتفضل قاعده مستنياه المده دي كلها..دا لو واحد من السلف الصالح مش مبرر انك تستنيه المده دي كلها
فهو مين دا اصلا اللي تستنيه المده دي كلها كده وطول المده دي طبعا يتقدم للبنت دي شباب كتير وكلهم مميزين وناس كويسه وتفضل هي تطير من إيديها عرسان ميتعوضوش وفي الاخر بعد المحروس اللي هي بتحبه ميعبرهاش ويشوف واحده كويسه
كل اللي قولته تبقي انتي ضيعتي من عمرك كتير اووي وسنين حلوه كان المفروض تتعاش ضحك وراحه عشتيها انتي عياط ونكد عشان علاقتكوا تكمل بس الحمدلله مكملتش عشان تعرفي ان مش هتنولي اي شئ إلا برضا ربنا..وإن ربنا مش هيبارك في اي حاجه بدأت حرام..احب افكرك بحاجه ان العين تزني وزناها النظر واليد تنزني وزناها البطش والاذن تزني وزناها السمع واللسان يزني وزناه الكلام..يعني انتي مش مجرد مرتبطه بس لا ياحبيبتي انتي زانيه كمان..عن كل مره كلمتيه فيها زنيتي وعن كل مره سمعتي كلامه ليكي زنيتي وفي كل مره سلمتي عليه بأيدك زنيتي وعن كل مره بصيتي عليه زنيتي بعنيكي..فأصبحتي زانيه شوفتي الموضوع وصل لأيه
فاليه ياست البنات بتعملي في نفسك كده ليه بترخصي نفسك وانتي اصلا غاليه ليه بتنزلي من مستواكي..هيحصل إيه يعني لو غليتي نفسك وعملتي لنفسك شأن وفضلتي زي الجوهره اللي مستنيه اللي يستحقها..هيحصل ايه لو عفيتي قلبك من الحب الحرام واستنيتي الحب الحلال اللي ربنا هيبارك فيه ،الحب الحلال اللي هتحسي فيه بالامان والاستقرار ..كل اللي ارتبطي بيهم دول كانوا اختيارك لنفسك متعرفيش اختيار ربنا ليكي افضل قد إيه..لو اتمسكتي بدينك وبرضا ربك وكنتي قد الثقه اللي اهلك وضعوها فيكي كان ربنا عوض عليكي بالشاب المناسب واللي يحترمك ..الحب الحلال افضل بكتير والله..انا لسه مجربتهوش😂 بس ببشرك😅🤗
حافظي علي نفسك وعلي أهلك ياما سمعنا قصص البنات طلعت خسرانه اكتر من اللي قولته بكتير🙁..وفي حاجات مبتتعوضش وحياتك كلها هتدمر فوقي يابنتي متخليش شيطانك وهوي نفسك يغلبوكي
فكرك اللي ارتبطت ومشيت مع خمسين شاب او حتي شاب واحد زي البنت اللي حافظت علي نفسها لا والله ربنا عادل جداً ومش هيساوي دي بدي..وهيدي كل واحده علي قد اعمالها وهيعوض اللي حافظت علي نفسها..وكل البنات تستاهل الخير والتعويض بس لو يفوقكوا ويفكروا صح ..اعلنيها النهارده توبه وافتحي صفحه جديده واطلبي العفو من ربنا واطلبي منه التثبيت وابعدي عن المعصيه حتي لو محببه علي قلبك جدا ومش هتقدري تعيشي من غيرها ..كل ماتعذبتي في بعدك عن الشاب ده وانتي لسه متمسكه بتوبتك مع ربنا كل ماكانت دي توبه صادقه ويعلم الله صدق توبتك فيعفوا عنك بأذن الله ويعوضك تعويض تسجدي لله باكيه من شده فرحك بهذا التعويض ..
واحب اقول كلمتين اختم بيهم موضوعي دا..للمرتبطين اللي بيلوثوا اسم الحب في علاقتهم .الحب اسمي وارقي واجمل من القرف اللي انتوا بتعملوه ده..لان علاقتكوا دي ملهاش اي دعوه بالحب
وانتم لستم محبوبان بل انتم خائنان
خائنان بأسم الحب وللحب وخائنان للعلاقات الانسانيه وخائنان للمجتمع بأكمله✋
