#أم_كلثوم ^^
_ بحبها جداآ ... هي بجد قدوة حَسَنة حقاً ... ونفسي بقا أكون زيها 💙
_ أم كلثوم 😮 ؟؟؟
_ لأ مش الـ بتغني 😅 ... دي بتاعة الناس التانيين مش أحنا الملتزمين 😊
أنا أقصد الصحابية الطيبة الجميلة
أم كلثوم بنت عقبة بن المعيط 🌸
أم كلثوم بنت عقبة بن المعيط .. مين ام كلثوم دي ومين عُقبة دا ياختى ؟؟؟
_ متعرفهوش ؟؟
_ دا الـ بصق في وجه النبي عليه الصلاة والسلام :(
بصق في وجه أشرف من خلقه الله :'(
_ دا الـ من شدة كرهه للنبي عليه الصلاة والسلام .. حاول يخنقه في صحن الكعبة وحاول يقتله وسيدنا النبي عليه الصلاة والسلام وقع على ركبتيه
واغشي عليه من الألم والإختناق تخيلي ,, عليه من الله ما يستحق
_ دا الـ أخد سلا الجزور ((يعني أمعاء جمل ميت)) ووضعهم على ضهر النبي عليه الصلاة والسلام وهو بيصلي في صحن الكعبة ,, تخيلوا ؟؟
#ماله_بقا_الراجل_دا :/ ؟؟
الراجل دا بنته (أم كلثوم) هي بطلة قصتنا
أسلمت ودخل نـور الإيمان قلبها ^_^
وكتمت إيمانها فترة كبيرة .. وهاجر المسلمين إلى المدينة ,, وقُـتل والدها في غزوة بدر وظلت على اسلامها سرا
وظلت فترة كبيرة ترفض خيرة العرسان المشركين الـ بيتقدموا ليها
سنها بيكبر ,, والناس بتتكلم ,, وقلبها بيتقطع ,, نفسها تعلن إسلامها وتعيش مع المسلمين ,, أسئلة وعذاب النفسي جواها ,, وهيا مش قادرة تتكلم :(
عانت وتعبت وصبرت ,, وهيا عايشة وسط المشركين 😢
وسنة و 2 و3 و4 ,, وهيا صابرة وأحسن العرسان بيتقدموا ليها
#واخدين_بالكم العذاب النفسي الـ مرت بيه
يابنات ياللي عاوزين تتجوزوا أي حد مش مهم دينه ,, المهم أتجوز ,, إتعلمي
بعدما كل المسلمين هاجروا :(
أخدت القرار وقررت إنها تهاجر لسيدنا النبي عليه الصلاة والسلام
لكن كان في عقبتين قدامها :(
_ أول حاجة هتسافر كل المسافة دي وحدها إزاي ؟؟
وهتسيب أمها وإخواتها ,, وكمان إخواتها الولاد لو عرفوا أكيد هيقتلوها :'(
هما مش أقل غلظة من باباها .. بالاضافة لكرههم لمحمد عليه الصلاة والسلام وللإسلام
_ وتاني عقبة صلح الحديبية :(
دا الصلح الـ فيه للاسف -_- :
_ إن لو حد أسلم وراح لـ رسول الله عليه الصلاة والسلام
سيدنا النبي يرجعه ويسلمه للمشركين ,, الـ ممكن يقتلوه :(
هيا فكرت كتير بس مقدرتش ,, وذهبت لرسول الله عليه الصلاة والسلام مهاجرة
مسافة كبيرة مشيتها وحدها ,, لحد ما أخيراً وصلت ^_^
طبعاً كان صدمة ع قد ما هي فرحة بإسلامها لسيدنا النبي والصحابه
بس هـ يسلمها أزاي للمشركين ؟؟
وهنا كانت #المفاجأة
تأتي المعجزة من فوق سبع سماوات ,, تأتى النجاة من ربنا ,, يُنجيها عز وجل
نزلت فيها سورة المُمتحنة ☺
هيا كانت الممتحنة ,, ونجحت في الإختبار والإمتحان الدنيوي الرباني
إختارت دينها وربها ,,, وربنا إختارها ونجاها
ربنا قال " فَلَا تَرْجِعُوهُنَّ إِلَى الْكُفَّارِ "
ويزوجها سيدنا النبي عليه الصلاة والسلام لــ عبد الرحمن بن عوف :)
عريس لقطة يعني 😂♥️ ,, ربنا عوضها بيه خير
زوج صالح حقاً إختاره الله لها ,, ومن أغنى الصحابة ,, وأتقاهم ديناً وخلقاً
<3 <3 ومن المبشرين بالجنة
#يا_بنااااآآاااات إفهموها بجد بقا
_ من ترك شيئاً لله ,, عوضه الله خيراُ منه
خديها كلمة ")
_ " ومن يتق الله يجعل له مخرجاً ويرزقه من حيث لا يحتسب "
#هي_قدوتنا🥺🤍
