- إيه اللي انتي لابساه علي وشك ده؟!😒
=ده نقاب أسود مصري بأستك من اللي بيمط ده... قماشه كريب
-بتتنفسي إزاي يا بنتي ؟🤔
=بمناخيري كدهو..شهيق زفير....😤
-مش بتتخنقي يا بنتي الهوا بيدخلك إزاي؟🥴
=هو بعيداً ع ان محدش خانقني غيرك....فالهوا بيدخل عادي ....بيبصلي من تحت النقاب كده ويقولي هاااا أدخل 🤭
-بس انتو فيه شغل كتير مش بيقبلكم؟🤨
=من ترك شيئاً لله عوضه الله خيرا منه...... وإللي باعنا خسر دلعنا علي فكره 🤓😇
=منفسكيش كده تلبسي وتدلعي نفسك وتعيشي حياتك زي باقي البنات ؟🤗
-الحقيقه نفسي .....بس نفسي في الجنه أكتر وفي رضا ربنا أكتر وأكتر .....بس عايشه حياتي عادي جدا وبدلع ف البيت براحتي 🥰
-بس مبيلبسش النقاب دول غير اللي عاوزين يدارو وحاشتهم....👌🏻
=اعتبريها كده يا جميله الجميلات 👏🏻😂
-أنا أعرف إن اللي بيلبسوا النقاب بيبقوا مغصوبين عليه....🤯🥺
=ده حقيقي ...... انا حبسوني ف أوضة الفيران وعذبوني وكانوا بيطفوا السجاير ورا ودني😂😇🤭
-هما اللي بيلبسوا نقاب بيبقي عندهم إكتئاب ومكبوتين؟!😎
=حقيقي برضو......انامقطعه شراييني تلات مرات قبل كده ومره شربت بريل وفضلت أطلع بلالين من بوقي ومن وداني...ولما كان الإكتئاب يزيد كنت بروح أقفل الباب علي صباع رجلي الصغير... وانتحرت خمس مرات وشكل السادسه هتبقي علي إيدك 😏🙃
-انتي بتعرفي بقي تشوفي منه....😮🙄
=تؤتؤ بمشي أخبط في الناس وف الحيطان وبمسك ورقه مكتوب فيها إحذر منتقبه ولا يوجد فرامل 🤗😇🙊
