بنت في مدرسه شباب

غنى بمدرسة شباب

بسم الله الرحمن الرحيم ..

  نكمل ...

——————————
في السياره ...
كانت غنى تتأمل من شباك السياره وتفكيرها بعيدددد
اما خالد يحاول يشوف اذا هيئ ولا لا
وشجون كانت نايمه على كتف غنى من التعب
——————————-
بعد مرور فترة من الزمان واخيراًً وصلو ...
دخلت شجون وغنى في قسم الحريم
شجون : وجع اشفيهم ذولا كلهم متكشخين كذا
غنى تضحك : باقي ماوريتهم الكشخه الصح ببجامتي
شجون :على إساس انا احسن منك جايه بكشتي ووجهي مفقع نوم
غنى : طب مافي مكان نقدر نعدل فيه شكلنا؟
شجون : اي اكيد فيه خلينا نطلع نشوف لنا غرفه فًاضيه
في شخص كان ينادي شجون ...
شجون : هلاا
نؤره : في مكان لك معاي تعالي عندي
شجون : بس غنى وين بتروح
نؤره بكذب : اوه معليش نسيتك،مو هي جمعه عائليه
شجون كانت بترد بس
غنى : صح حبيبتي بس وانا بعد صرت من العائله بما اني خطيبه حمودي ، اوه معليش اقصد حمد .
نوره بقهر : اجل دورو لكم مكان حبايبي ،،راحت
—————————————
غنى بنرفزه :شفتيها الحيوانه؟
شجون بضحكه : بس طلعتي كفوو وأحسن منها
غنى تضحك : خليها تستاهل
شجون : ترا ذي حاطه عينها على حمد عشان كذا تبي تسوي مصلحه معاي على بالها بجمعها بحمد
غنى : خلينا منها يالله نروح نشوف لنا غرفه
قاطعتهم مريم ..
مريم :هاي بنات
شجون وغنى : هايات
مريم : اشفيكم تأخرتوا مرا ، المهم في غرفه كبيره أخذناها انا والبنات وانتم امشو اوريكم اياه
شجون : يالله
شجون : تطالع الغرفه ووين بيكون سريري انا وغنى؟
مريم : شوفي الاثنين الأخيرين
غنى : شكرًا
مريم : العفو
طلعت مريم ...
غنى : واخيراًً قابلت وحده منهم طيبه وحبوبه
شجون تطلع ملابسها : وانتي على بالك كلهم مثل نوره؟
غنى : يالله ادخلي بدلي بسرعه
شجون : اوكيي
بعد فترة خلصوا شجون وغنى ..
غنى : شرايج ؟
شجون : واووو ، وانا شرايك فيني؟
غنى : لاا لاا بصراحه غطيتي علينا
شجون : يالله يالله ننزل بنشوف نوره الحين تلوع جبودنا
غنى : اوكيي
————————————
عند البنات تحت ...
مريم من بعيد : بنات تعالوا هنا
شجون بهمس لغنى : تبي نروح عندهم؟
غنى : اي عادي
شجون للبنات : هايي قايز
البنات : هلاا ، هايات ، هلا ومرحبا ....
شجون : اعرفكم على غنى ،،
شجون طالعة نوره : وزوجة اخوي المستقبليه
غنى : هيلو مايحتاج سلام بس عرفوني على اساميكم
نوره : مايحتاج تعرفيني :)
غنى : لذالك بنتخطاك
اول وحده : منيره اخت مريم
مريم : عرفتك على من قبل
غنى : اي
مريم : خليني اعرفك عليهم احسن
الاولى : منيره اختي
الثانيه : ابتهال
الثالثه : هدى
والرابعة : الهام
والخامسة : هيام
والسادسه : اريام 
غنى : اوه ماشاءالله كثار ،تشرفت فيكم
البنات : الشرف لنا
———————————
بعد مرور غنى وشجون وقت مع البنات
جاء وقت العشاء ...
ام هيام شافت غنى واقفه : حطي عند الباب كرتون مويا معاك من الثلاجه حتى يأخذونها الرجال
غنى راحت المطبخ بس للاسف كان باب المطبخ يطل على الحوش ودخل اخو هيام ياخذ المويا
طبعاً غنى كانت تشوف بلثلاجه والباب كان وراها اول مالفت جت عينها بعينه غنى ماعرفت شنو تسوي على طول رمت الموياء وركضت برا اما هو كان موقف من مكانه بعد ماحس على نفسه اخذ الموياء وطلع برا ...
كان في شخص من بعيد يراقبهم وكأنه له دخل في الموضوع
ام نوره من بعيد : يالله نوره تعالي
نوره : حاضر الحين جايه
—————————————
عند الشباب
اول مادخل فهد كان عقله في مكان بعيد رمى الكرتون وجلس
حمد كان ملاحظ من اول بس مااهتم
بعد مرور فترة ..
خالد من بعيد : فهدد
كان فهد بعالم ثاني ولا رد
خالد قرب من عنده : فهد
لاود
جاء خالد وجلس عنده : فهد فهد
فهد توه حس على نفسه : هلاا
خالد : اشفيك من قبل العشاء وانت احسك مو معانا
فهد : بقولك شيء
خالد : شنوو
فهد : شفت وحده في المطبخ وبصراحه من اليوم كان عقلي معاها
خالد : مجنون انت طيب تعرفها؟
فهد : يليت بس احس اني اول مرا اشوفها
خالد : طب تعا اللعب معانا كوره
فهد : مالي خلق
خالد : براحتك
اول مارجع خالد قابل حمد ..
حمد : اشفيه ماجاء ؟
خالد : حب من اول نظره
حمد مافهم شنو يقصد : شتقول انت؟
خالد : يقول شاف وحده في المطبخ وهو يجيب الموياء وحبها ومن اليوم شاغله تفكيره
حمد : طيب يالله يالله نلعب
————————————-
عند البنات ....
منيره : شرايكم نروح البحر؟
البنات : يالله
غنى : انا بروح مكان وارجع
شجون : اوكيي انا انتظرك هنا
غنى : لا بس دليني وين بتروحون
شجون : بنروح شوي قدام لهناك
غنى : اوكيي .
شجون : غنى
غنى : هلا
شجون : أخذي جوالي معاك اخاف يطيح مني في البحر
غنى : اوكي
———————————
عند الشباب ...
حمد : خلاص يشباب انا تعبت بااخذ شور على السريع وأنام
عبدالله : تمامم براحتك
اخذ جواله حمد بيتصل على شجون ..
——————————-
عند غنى كانت بطريقها للغرفه ...
بس الجوال اتصل طلعت جوالها بس ماكان في شخص يتصل
تذكرت انو جوال شجون معاها :
كانت بتقفل بس قلبها ماطاوعها فتحت الجوال وردت ..
غنى : هلاا حمد
حمد : الوو شجون جيبيلي ملابس انتظرك بالحديقة
غنى : بس ،،، طوطط
قفل الاتصال
غنى بنفسها : يويليي شسويت انا بنادي شجون ولا ؟؟
برجع اتصل عليه واقول له انا مو شجون
اول مافتحت الجوال كان بباسورد
غنى : اوف منك شجون
رحت وطلعت ملابس له من شنطه شجون ونزلت تشوف بزر
غنى : انت ياولد تعال تعال
محمد يركض لها : نعم
غنى : اخذ ذي الملابس ووديها لحمد
محمد : وانتي شدخلك بحمد؟
غنى : انا زوجة حمد ، ويالله وديها
غنى بنفسها : الكل فضولي حتى البزران
———————————-
عند حمد ...
كان ينتظر وفي شخص من بعيد يراقبه ..
نوره كانت تمثل انها تكلم ومو شايفته الى ماقربت من عنده
نوره بكذب : اوه حمد معليش
حمد : لا عادي بس ادخلي قبل ماشخص يشوفنا ويفهم غلط
نوره : شدعوه عادي مو شافوا غنى وفهد اليوم في المطبخ وعرفوا انو بدون قصد
حمد بغيره : شنوو؟
نوره : فهد وغنى اوه اقصد زوجتك المستقبليه
ركض بزر من بعيد
محمد : حمد حمد
حمد يطالعه : هلاا
محمد يلهث من التعب : اخذ ذَا من زوجتك
حمد بضحكه : ايش؟
محمد : في بنت أعطتني اياه وقالت اعطيه حمد وقول له من زوجتك
حمد قرب له وهمس باذنه : قول لها احلى واطلق زوجه
محمد : طيب ،،، وركض
اول ماوقف حمد طالع نوره ومشى عنها ...
كانت الدنيا مو سايعه حمد من الفرحه وتوه حس بحب غنى له
——————————-
عند غنى ...
ركض محمد لها : يقول حمد أحلى واطلق زوجه
غنى بصدمه : شنو شتقول انت ؟
محمد : قلت له اللي انتي قلتيه وهو قال لي اقول لك ذَا
غنى بفشله : يويليي اكيد فهم غلط
غنى يوم شافت نوره قربت ...
رفعت صوتها حتى تسمع نوره
غنى لمحمد : شنو قال حمد
محمد : قال احلى واطلق زوجه
غنى بضحكه بصوت عاليي : يعمريي
نوره كانت تبين انو ماتسمع ولا همها بس كان داخلها العكس
محمد : اقول لحمد ذَا
غنى بهمس : لا يويلك وروح يالله كمل لعب
——————————
عند حمد كان طول الوقت مبتسم كل ماتذكر غنى
خالد قرب منه : لا انت ولا فهد اليوم بعقلكم مدري مين اللي مسوي فيكم كذا
حمد بضحكه : الحب مسوي كذا
خالد ...
—————————
نوقف لهنا ورونا تفاعلكم حتى ينزل بارت ثاني بكرا ❤️.