بنت في مدرسه شباب

غنى بمدرسة عيال

بسم الله الرحمن الرحيم ..

نكمل ..

رائد : هلا هلا بزوجة رائد
غنى تضحك : هلا بزوج غنى
رائد : ماتبي اشوفك يعني ولا ناويه اطلعلك فوق ؟
غنى : تمام بنزلك
رائد : انتظرك
غنى تتصل على شجون
شجون ماترد
بعد محاولات اتصال بلا فائده قررت غنى انها تنزل
نزلت غنى وشافت عمها ينتظرها
ابو محمد : الف الف مبروك
غنى : الله يبارك فيك
ابو محمد : امشي ندخل
في المجلس
دخل ابو محمد : السلام عليكم
رائد بابتسامه : وعليكم السلام
ابو محمد يطالع غنى : ادخلي يابنتي
غنى بحياء ومو كأنها الشخص اللي قبل شوي كانت تتكلم معاه
ألسلام عليكم
رائد : وعليكم السلام
ابو محمد يأشر لها : اجلسي ، يلا انا بااتركم تأخذون راحتكم
غنى تحس ودها تموت ماتدري ليش كل هالاحراج وهي تعرف رائد
بعد دقيقتين من الصمت وتبادل النظرات
رائد وقف وقرب وجلس جنبها : مو قبل خمس دقايق كنّا نمون على بعض شنو صار الحين ؟
غنى تضحك
رائد يتأملها : كل مرا انصدم بجمالك اكثر
غنى بحياء ماتدري شنو تقول فقررت تسكت
رائد يمسك يدها ويبتسم ويطالع فيها : ترى عادي خذي راحتك وكأنك مشاري مو غنى
غنى توقعت غزل بعد كل هالحركات والنظرات بعدين ضحكت
غنى : صح وأقدر اشوفك بصفة صاحب مو حبيب
رائد يضحك : لا بذي مااتفقنا
فاصل ونواصل لعشاقنا ..
عند الضيوف والمعازيم في الصاله ...
ام رائد : غنى راحت تقابل رائد مو ؟
ام محمد : اي
ام رائد : تمام وانا بروح أشوفهم
منيره سمعتهم وراحت بتقول للبنات
منيره : غنى راحت تشوف رائد
شجون : جذابه
منيره : والله سمعت ام محمد وام رائد
مريم : غريبه كانت تكلمه متى راحت تقابله ؟
شجون ضحكت : من ذحين صار تسحب علينا
مريم : لا عاد الا غنى ماتسويها
منيره تضربها بمزح : وانتي بعد بتسويها
مريم تضحك بحياء : شدعوه
شجون ومنيره يضحكون على وجهها اللي صار احمر
أما مريم فقررت تهرب منهم
نرجع لعشاقنا ؟ .
رائد يبتسم : اجمل الصدف والله
غنى وجهها صار ألوان : ترا استحي
رائد يضحك : عمري اللي يستحون
ام رائد تطق الباب
رائد : مين ؟
ام رائد تفتح : السلام عليكم
غنى ورائد : وعليكم السلام
ام رائد وأخته يدخلون
اخت رائد : عسى ماقطعنا الرومنسيه ؟
غنى تضحك : لا شدعوه تفضلو
صارو يسولفون ويضحكون اما رائد بين الثانيه والثانيه يطالع غنى
اخت رائد : وانا اثير
غنى تطالع رائد : اي قال لي رائد عنك
ام رائد تطق اثير : يلا احنا بندخل خذو راحتكم
رائد : تمام
غنى بتهرب : شرايك انا بعد اروح وراهم ؟
رائد يضحك : بعد ماخلصنا بنتفاهم
نرجع ونقول فاصل ونواصل لعشاقنا ..
طلعت هيام ومعاها شوي اكل بتاخذه لغنى لانها مااكلت بس استغربت انو غنى مو موجوده
مالها خلق تنزل فاخذت الجوال واتصلت على شجون بس ماكان في فايده اتصلت على مريم وردت ..
مريم : هلا ؟
شجون : غنى وينها ؟
مريم تتذكر : عند رائد ، بس كأنها طولت اتصلي وشوفيها
هيام بتفكير : تمام
ثواني واتصلت على غنى ..
غنى ردت : هلاا ؟
هيام تضحك: عند الحب ها ؟ ياحركات
غنى تضحك وهي متفشله
دخلت شجون والهام : تكلمي مين ؟
هيام : غنى
شجون تاخذ الجوال : مو طولتي علينا يحيوانه اشتقنا لك ؟
الهام : من ذحين ساحبه علينا يحيوانه
هيام : يعني رائد بياخذك منا من ذحين
رائد يضحك : من الحين صارت لي وأخذتها منكم بعد
هيام من الصدمه : الله يخليكم لبعض وسكرت المكالمه
البنات يطالعون فبعض بصدمه ويضحكون لما استوعبو
اما عند غنى ورائد ..
برضو كانو يضحكون عليهم
رائد : الحين بسمحلك تروحي وتواسيهم
غنى تبتسم : يلاا بستاذنك
رائد : فمان الله
دخلت غنى لداخل ورائد خرج لعند الرجال ..
في الغرفه ..
كانت موجوده هيام وشجون والهام اما الباقي فكانو تحت
غنى دخلت : هههاااييييي
البنات كانو بيتكلمون ..
غنى : لحد يفتح فمه الا يوم أغير اللي فوقي واصلي واجيكم
البنات : تمام
بعد انتهاء حفله الخطوبه وكل المعازيم راحو ، والبنات مجتمعين تحت ويطالعون حوسة البيت بتعب
غنى تدخل من برا ومعها اكياس مطعم ماك : هههااييي
البنات يطالعونها : الللههههه
غنى : يلااا بناكل وبعدين نفكر شنو بنسوي بهالحوسه
نعدي احداث اليوم الاول ..
والساعة : 10:30
هيام بتعب تكلم في الجوال : تمام دقايق وننزل
تطق ابتهال برجلها : يلااااا قومي
ابتهال بتعب : هههااا
هيام : يلاا السواق تحت وخالتي اتصلت انو أوصلك معاي
ابتهال تصحى ومالها خلق : تمام ياالله
غنى صحت من اول وطلعت من غرفتها وشافتهم : وين رايحين ؟
هيام : سواقنا برا بنروح
غنى : تمام فمان الله ، راحت تسوي لها كوفي
اما الباقي فكانو نايمين
طلعو هيام وابتهال
وأما غنى فصارت تطالع الصاله بتعب وبعدها فكرت انو نجيب عاملة تنظيف لساعه تساعدها هي والعامله اللي عندهم
بعد ساعه من التعب والكرف خلصت غنى هي والعاملات ويطالعون الصاله واخيراًً وهي نظيفه
غنى : تمام يعطيكم العافيه
رائد كان يتصل ..
غنى طالعت الاسم وابتسمت : صباح الخير
رائد : الخير بصوتك والله ياعمري
غنى تبتسم وبعفوية : حبيبي
رائد بخرفنه : شنو ؟
غنى ترقع : حليب اقول اعطيني الحليب
رائد يضحك وهو متاكد انها قالت حبيبي : اي تمام
غنى : كانك بالسياره ؟
رائد : اي رايح لدوام
غنى : ومشغول في الخط ولا في الجوال ياروحي ؟
رائد ببتسامه : ياعمري خايفه علي ؟
غنى : اكيد ، بقفل واذا وصلت اتصل علي
رائد : تمام
جلست غنى تتابع على التلفزيون لساعه 11:40
شجون تصحى بتعب وتطالع حولها
فتحت باب الغرفه وطلعت وشافت غنى في الصاله
شجون : صباح الخير
غنى : صباح النور ياعيوني
شجون تطالع الصاله ورجعت تفتح عيونها مرا ثانيه
شجون : موو كانو الصاله نظيفه ؟
غنى تضحك : اي نظفتها انا والمساعدات
شجون : تمام
منيره تصحى وتطلع وتتمغط وهي واقفه
غنى : صباح الخير
منيره : ص ب اح الن ور
غنى : شجون في الحمام انتظري شوي
منيره تطالع الصاله باستغراب : مو كأنها نظيفه ؟
غنى تضحك : نفس السؤال ، اي نظفتها
شجون تطلع من الحمام ..
منيره : واخيراًً
غنى : بروح اسوي لكم شيء تشربوه
شجون : سويلي كوفي
منيره : ويليت تسوي لي شاي
غنى : تمام
شجون تجلس على الكنب وتتمدد بتعب
رائد يتصل ..
شجون تطالع وبصراخ : رائد يتصل
غنى تركض : حبيبي يتصل
شجون تضحك : عقبالنا يااارربب
غنى : امين
غنى بثقل : هلا رائد ؟
رائد : عادي امر اشوفك ؟
غنى تضحك : الحين ؟
رائد : اذا مشغوله مرا ثانيه ياعيني
غنى : لا ياروحي حياك
رائد بابتسامه  : روحي انتي والله تمام شوي بطلع وامرك
غنى تبتسم : تمام انتظرك ، قفلت
شجون تضحك : ماعرفتك مع هالكلام الحلو
منيره : مين ؟
غنى : زوجي
مريم : صباح الخير
البنات : صباح النور
منيره : وين الشاي ؟
غنى : معليش روحو كملو بروح اتضبط لرودي
شجون : معليش برد وفوق كل ذَا ميته نوم روحي انتي سوي
منيره تنسدحه جنبها  : مافي اخس منك الا انا
بعد 30 دقيقه بالضبط رن جرس البيت ..
غنى تركض  : اكيد حبيبي جاء
شجون تضحك : لحول الله 
طبعاً في باب ثاني للبيت يؤدي للمجلس ..
غنى تفتح الباب : صباح الخير
رائد يعطيها ورد : جبتلك شبيهتك
غنى بحياء : ياروحي
رائد يمد يدينه : مافي حضن ؟
غنى تضحك : على هالورد الحلو اكيد فيه
غنى وهي حاضنته : مو كانك طولته وانت خامني ؟
رائد يضحك : أعوض شوقي لك
غنى تبتسم وتشد عليه اكثر
واخيراًً قررو يدخلون داخل المجلس ..
رائد يحكي كيف كانت بدايه يومه
وأما غنى فكانت مستمعه
داخل ؟ ..
مريم : الهام لللحين ماصحت ؟
منيره : مااتوقع
شجون : وهيام وابتهال ؟
منيره : اتوقع راحو لانو من بدري ماكانو موجودين
مريم : تمام انا بتصل على السواق يحي يأخذنا
شجون : ليش اجلسو اليوم بعد
منيره : والله بنروح ونأخذ شور على السريع ونضبط أنفسنا ونرتاح واكيد بنرجع لكم
شجون : تمام براحتكم
نرجع عند غنى ورائد ..
غنى بتفكير : بسألك عن شيء
رائد : شنو ياعيني ؟
غنى بتوتر : شنو صار على خالد ؟
رائد بغيره ...

————————————————
نهايه البارت ، والقادم إجمل حبايبي 🦋 .