بنت في مدرسه شباب

غنى بمدرسة شباب

بِسْم الله الرحمن الرحيم ،

نكمل ...

رائد اول ماردت على طول : تكفين قولي مو انتي
غنى كانت تصيح ماكانت تتوقع هالشخص ابداً
رائد : قولي مو انتي !
غنى ماقدرت تتحمل وقفلت الخط على طول
رائد ركب السياره وصار يمشي لمكان مو عارفه ابداً
دقايق وام رائد تتصل ..
ام رائد : وينك ، تعال ابيك في موضوع ضروري
رائد بصوت مبحوح : مابجي لاتنتظروني
ام رائد بخوف : اشفيه صوتك كذا ؟
رائد : تعبان
ام رائد بإصرار : طيب تعال البيت
رائد : ان شاءالله مسافة الطريق
عند غنى ..
ماقدرت تتحمل حاولت تهرب من هالواقع بالوسيلة الوحيده وهي النوم نأمت وضيق الدنيا كله على صدرها
عند حمد ..
كانت الدنيا مو شايلته من الفرح ماصدق غنى وأخيراً وافقت عليه
وصلوا البنات كلهم لبيت حمد ..
منيره : هاي وين عروستنا ؟
شجون : مدري بغرفتها
ابتهال باستغراب : وانتي ليه مو عندها ؟
شجون : قالتلي اطلعي بفكر وَذَا اخر شيء بيني وبينها
مريم : امشوا خلينا نروح نشوفها
هيام : جهزو السواق بعد بنروح المول
شجون : تمام
كان الكل متجمع عند باب غرفة غنى ويطقون الباب بس مافي فايده انها تفتح
شجون : غنى يعيوني افتحي الباب
منيره : ترا حافظينك ياعروس
شجون بدأت تخاف عليها بعد سالفة عمها : غنى فتحي ألباب
لا رد
هيام : يمكن نايمه ؟
شجون : اي يمكن
مريم : إمشو نروح الصاله واذا صحت بتجي اكيد
شجون : الا شنو صار على سالفه فهد ؟
مريم بحياء : وافقت عليه
شجون تضربها : كذابه !
مريم وجهها احمر : اي
منيره والبنات يضحكون : استحت اختي
مريم : وجع انقلعي انتي
عند اهل رائد ...
ام رائد : بكلمك بموضوع
رائد : مايمدي انام واذا صحيت تكلميني فيه ؟
ام رائد : لا ضروري ذحين
رائد : سمي
ام رائد : في وحده شفتها في العرس و ، ماكملت
رائد بتدخل : قلتلك ماراح اتزوج
ام رائد : بس انت شفتها
رائد باستغراب : شنو ؟
ام رائد بدأت تقوله كل شيء صار في العرس
رائد اول ماجابت اسمها وقف وراح : انا استأذن
ام رائد : قلت بزوجك يعني بزوجك
رائد بيأس : ان شاءالله
صباح يوم جديد ، ملكت غنى وحمد ..
البنات كلهم كانوا نايمين فبيت شجون
الصباح 9:58
غنى صحت فتحت جوالها بتشوف الساعه وشافت الرسائل ولاول مرا هالعدد الهائل من الرسايل على جوالها
شافت برضو البنات مصورين بغرفة الضيوف اللي موجوده عندهم
وقفت وراحت الحمام بتاخذ شور على السريع حتى تتجهز
الهام كانت جالسه على جوالها مانامت دخلت القروب وبالصدفة شافت انو غنى متصله وقفت على طول بتروح لغرفة غنى
وأول مادخلت سمعت صوت في الحمام عرفت انو غنى تاخذ شور
الهام : صباح الخير ياعروستنا
غنى سمعت صوتها وحاولت تعدل من وجهها وعيونها اللي كانت كلها قالبه لونها للأحمر
اول ماطلعت غنى من الحمام ..
الهام فجاءه طلعت بوجهها : مبروك ياعروس
غنى بابتسامه : يبارك فيك يعيوني
الهام بفرحه : واه استأنست لك والله من قلبي
غنى : يروحيي عقبالك يارب
الهام : لا فكيني ماابي
غنى تضحك : شدعوه ماتبي تاخذي اللي تحبي ؟
الهام بتفكير  : يعني ،، آلا صح شوفي هالاكياس
غنى : شنو فيها ؟
الهام : سبرايز للعروس
غنى اول مافتحت : شافت كل الأكياس فساتين ناعمه
غنى يصدمه : شدعوه كل ذَا ؟
الهام : هديه العروس
غنى : اوفر ترا مكلفين على انفسكم
الهام : شدعوه ياعروس كل وحده منا شرت لك فستان
كل شوي كانت تصحى وحده وتجي لعندهم بغرفة غنى ...
الساعه 6:00
جاء الشيخ بيملك عليهم
دخلت ام محمد عند غنى ..
ام محمد : السلام عليكم
غنى : وعليك السلام
شجون بهمس : شتبي ذي
امّ محمد تركض ناحية غنى وتضمها : الف مبروك حياتي
غنى باستغراب : تؤخر عنها اشفيك انتي !
ام محمد تطالع البنات وتحاول تضيعها بضحكه
البنات كانوا يطالعونها مستغربين
الشيخ : والحين دور العروس
ابو محمد اخذ الورقه : ان شاءالله
يتصل على ام محمد : جيبي غنى عند الباب وتعالي معاها
ام محمد تطالع غنى : حاضر ،،قفلت
ام محمد : يلا ياعروسنا عمك يبيك والعريس ينتظرك
غنى بتوتر وندم : يلاا
ابو محمد : هلا هلاا بالعروس وقعي هنا
غنى أخذت القلم وبتردد على طول وقعت
ابو محمد : الف الف مبروك يعيون عمك
غنى : كم دفع لكم ؟
ام محمد : شنو قلة الادب ذي
غنى : واضح ويلا اطلعوا لا أشوفكم هنا
ام محمد : لاتخليني امد يدي
غنى بعدم خوف : مدي يدك وبكسرها لك
ام محمد : قليلة ادب
شجون تركض ناحية غنى وتحضنها : حاسه فيك
غنى ترد بابتسامه متنصعه
ام محمد : ياشينكم ،، راحت
البنات كلهم ركضو لجهة غنى وصار الكل يبارك لها
غنى انا بروح غرفتي ارتاح شوي واتجهز
مريم باستغراب : تمام
راحت غنى وهي ماسكه دموعها بالقوه اول ماوصلت غرفتها سكرت الباب وحاولت تمنع نفسها لا تبكي
وصارت تردد : لاتبكي لا تبكي لا تبكي
شجون طقت الباب : غنى حبيبتي انا شجون افتحي الباب
غنى : مو فاضيه شجون
شجون بعصبيه : قلتلك فاتحي الباب
غنى فتحته : نعم شجون شتبين ؟
شجون جلست غنى على السرير : دام انك تحبي رائد ليش وافقتي على حمد ؟
غنى بصدمه : بس
شجون : لا تنسي اني صاحبتك وأختك بعد افهمك من عيونك غنى والغبي اللي مايشوف الحزن بعيونك ، ليش وافقتي ؟
غنى بهدوء : لاني ابي حمد
شجون : اضحكي على هالكلام لغيري مو لي
عند رائد ..
كان جالس بغرفته منسدح على سريره ويطالع السقف بدون حركه منه واخيراًً قرر يفتح جواله وشاف الكل يبارك لحمد على القروب
طلع من القروب وشاف اسم غنى ..
عند غنى بغرفتها ..
جت رساله على جوال غنى ..
غنى : خذي جوالي وردي عليهم كلهم
شجون خذته بس ترددت يوم شافت اسم هالشخص
شجون رجعته: بعدين اذا فضيتي ردي عليهم
غنى أخذته وشافت اسم رائد ودخلت عليه كان كاتب ..
رائد : الله يتمم لكم على خير ، شفتي حياتك وانا بعد قررت اشوف حياتي والله مو كاتب لنا نصيب مع بعض ، ويليت تحذفي رقمي .
غنى قرتها و بصمت تعطي الجوال لشجون
شجون تقراها بحزن وتطالع تعابير وجه غنى اللي تغيرت
غنى : احذفي رقمه
شجون : متاكده ؟
غنى : اي
منيره تطق الباب : ببنناالتتت
شجون : امشي خلي نروح نغسل وجهك
غنى : فتحي الباب لهم وانا بروح اغسل
شجون تمام
منيره : حمد بيشوف غنى
شجون : شنو ؟
منيره : خالة غنى قالت كذا
شجون : بس غنى !
غنى : قوليلها بتجهز واجي
شجون تطالع غنى بصدمه
منيره : تمام : راحت
شجون : غنى ترا انتي كذا تعذبي قلبك وعقلك واذا ماقلتي لحمد انك ماتبيه انا بقول له
غنى : شجون لاتزعجيني عشان قلتلك وضعي وتشفقي علي انا عارف كل شيء اسويه وتأكدي انو كل ذَا تسويه برضى تام
شجون : تمام ، راحت
غنى جهزت حالها وبتطلع لحمد
—————————————-
نوقف لهنا ، بحاول انزل بارت اليوم حتى نخلص روايتي بكرا 🦋 .