علَـى اوتـآر المَـآضي عُـزِفَ لحـن شتآتـي

p:13

..13..
أهلاً رفآق..
الفصـل الثــآلث عَـشــر..
قرآءه ممتعـه:)..
سبحـآن الله وبحمـده .. سبحـآن الله العظيـم ..

آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ

~~~~~~~~~~~~~~

..

{ مآفيهَ حاجة تستحق الاكَتئآبْ ..
دامكَ تصلي الخمَس و أحَبابك بـ خيرَ... ♡ }..

..

بفلـة ابوصقـر..

تحديداً بغرفة نَـدى..

تتحرك بين سريرها الموجود فوقه شنطة سفرها وبين دولابها..

هي الوحيده بين خواتها رايقه..

عكسهم الي يتذمرون من وقت السفره الغلط..

لو سافرو ايام ويكند احسن..

فيهم الي عنده اشغال ودراسه ووو..

لكن بالنهايه جدهم راجع من سفر ولازم يستقبلونـه..

سحبت بنطلون جنز وتي شيرت وردي ورجعت لشنطتها تدخلهم فيه..

وطلعت فستان تيفاني بأكمام لنص الساق وحزام أبيض وصندل أبيض..

حطتهم على السرير تلبسهم..

ناظرت جوالها وشاشته تظهر رسايل البنات بالقروب مقهورات والجازي تطقطق عليهم..

انحنت عليه وحطته على الصامت..

ورجعت ترتب اغراضها بروقـان..

وكانت تردد بأستمتاع:

" الله يجازي من يسوي سواتك...
وبذنوب من سوى سواتك يجازيك...

مشيت درب الثقل وتحب ذاتك...
ما تدري أنه للمهالك يودّيك...

غرّك جمالك يا خسارة حلاتك...
ما تدري إن ما غير طبعك يحليك...

بتقول زينك يشفع لسياتك...
الحسن ماهو عن وفا الحب يعفيك...

لو التواضع والوفا من سمــ.. "

انقطع سيل كلماتها وتوقف لسانها عن النطق بعد ماانتبهت للأذان..

همسـت بأستغفار:يارب سامحنـي .. استغفرالله العلـي العظيم..

اتجهت للشرفه وبيدها الفستان..

فتحت الباب فتحه صغيره لأجل تسمع المؤذن وتردد معه..