အချစ်စစ်ဖြစ်ခဲ့ပါလျှင် [If It was True Love]{Complete}

Ep 13(Uni+Zaw)

#Unicode#

ဇေယျာ တစ်ယောက် သက်ပျင်းချလိုက်ကာ အပြင်ဘက်ကို ငေးကြည့်နေတော့သည်။ ဘာလို့များ ငါ့ကို တစ်ယောက်ထဲ ထားသွားရတာပါလိမ့် ဆိုပြီး စိတ်ထဲ တွေးကာ တွေးပူနေလေသည်။ စိတ်ထဲမှာလဲ အကြောင်းအမျိုးမျိုး ပလုံစီအောင် ရောက်လာတော့၏။ အလုပ်စာရင်းမှားတာတို့၊ တစ်ခြားကုမ္မဏီနဲ့ အစည်းအဝေးလုပ်တာတို့ ဆိုပြီး အတွေးပေါင်းစုံက ဇေယျာရဲ့ခေါင်းထဲသို့ မဖိတ်ခေါ်ဘဲ ၀င်ရောက်လာလေသည်။ အပြင်ဘက်ကို ငေးနေရင်းမှ ကော်ဖီနဲ့ sandwichထုတ်လေး ကိုင်ကာ ဆိုင်ကိုပြန်လာနေသည့် မိုးထက်ကို ဇေယျာ တွေ့လိုက်ရလေသည်။

ဇေယျာ တစ်ယောက် ခဏလို မှိုင်မှိုင်တွေတွေ ဖြစ်မနေရအောင် ကိုယ်ကို မတ်လိုက်သည်။ ဇေယျာ မတ်မတ်လေး ထိုင်ပြီးတာနဲ့ တစ်ပြိုင်နက် မိုးထက် ဆိုင်တံခါးကို ဖွင့်ပြီး ၀င်လာတော့သည်။ မျက်နှာကလည်း ဆူပုတ်ပြီးတော့ ဇေယျာ့ဆီ လာနေလေသည်။

ပြီးတော့ ကော်ဖီနဲ့ sandwichထုတ်ကိုဆောင့်ကြီး အောင့်ကြီးဖြင့် စားပွဲပေါ် တင်လာတော့သည်။ ဇေယျာလည်း ကော်ဖီခွက် တစ်ခွက်နဲ့ sandwichထုတ် တစ်ထုတ်ကို ကိုယ့်ရှေ့သို့ အရင် ယူထားလိုက်လေသည်။

ပြောရပေအုန်းမည်။ ကော်ဖီဆိုင်ကို မိုးထက်နဲ့ ကိုဟိဏ်းအကိုနဲ့က အတူတူ သွားခဲ့ကြတာလေ။ ဇေယျာ လိုက်မယ်ပြောလည်း ကိုဟိဏ်းအကိုက အတင်း ဆိုင်မှာဘဲ နေခဲ့ခိုင်းတော့တာ။ ခုလည်း ဘာတွေ ဖြစ်လာ ကြပြန်ပြီလဲ မသိပြန်ပါဘူး။

ဇေယျာ sandwich ထုတ် အခွံကို ဆွဲဖယ်နေရင်း မိုးထက်ကို တစ်ချက် လှမ်းကြည့်လိုက်သည်။
ပြောရရင် ဇေယျာ့ ပုံစံက စိတ်တိုနေတဲ့ အမေ့ကို မုန့်ထပ်စားလို့ရသေးလား ဆိုပြီး မေးမယ့် ကလေးလေးနဲ့ တူနေလေသည်။

ဇေယျာ တစ်ယောက် မိုးထက်ရဲ့ အရိပ်အကဲကို ကြည့်နေတာကို မိုးထက် သတိထား မိသွားတယ်နှင့် တူသည်။ ဇေယျာဘက်ကို လှည့်ကာ ဇေယျာ့ကို စိုက်ကြည့်လာတော့သည်။
ဇေယျာလည်း နေရခက်လာတော့ ဘာဘဲဖြစ်ဖြစ် မေးမယ် ဆိုပြီး ချောင်းဟန့်လိုက်ပါလေသည်။

"အဟမ်း.......အဟမ်း"

ဇေယျာ ချောင်းဟန့်ရင်း မိုးထက်ကို ကြည့်လိုက်သည်။
sandwichအထုတ်ကိုသာ အခွံဖယ်ထုတ်နေတော့သည်။
ဒါ‌နဲ့ ဇေယျာ နောက်တစ်ခါ ချောင်းဟန့်လိုက်ပြန်သည်။ ဒီတစ်ခါ အသံကျယ်သွားလို့ တူပါရဲ့။ မိုးထက် ခေါင်းချက်ချင်း ထောင်လာပြီး ဇေယျာကို ကြည့်လာသည်။ ပြီးနောက် မျက်မှောင်ကြီး ကြုတ်ပြီးတော့ ဇေယျာ့ကို ပြောတော့သည်။