ليالي البعد

البارت الاول

هلو بنات اعرفكم عن نفسي اني قمر مواليد ٩٩تحصيلي الدراسي سادس اعدادي وبطلت طبعا طلعت معدل عالي كلش مواصفاتي بيضه عيوني كبار عسليات حلكي وخشمي صغار وشعري طويل طولي ١٦٠ وزني ٦٥ بابا وماما عايشين حمدلله عندي ٢ خوات و٢ اخوه اختي جنه مواليد٩٥ وساره ٩٧ اخواني ٩١ فاضل ومراد صغير خامس ابتدائي وطبعا كلنه تحصلينه الدراسي سادس
الام.خوله,   .صباح الخير ابو فاضل احضرلك الريوك علما تغلس
الاب اي والله بسرعه ورايه شغل وكعدي البنات خلي يساعدوج بلبيت مو تضلين وحدج تشتغلين
خوله.شتريد منهم خليهم نايمات خطيه يلحكن على شغل والضيم
الاب حازم.ميخالف كعديهن
خوله دكعد هسه اتريك
حازم. اي يلا
قمر فتحت عيني الصبح على اصوات ماما وبابا واسمع كلامهم وابتسم فدوه ماما شكد حنينه علينه بلرغم هي تعبانه بس متحب انساعدهه دائما تكول اتلحكن عليش مستعجلات على الشغل كملت صفنتي ورتب فراشي وطلعت اغسل شفت ماما صباح الخير ماماتي
صباح الخير حبيبتي تعاي تريدي
قمر.مامي مو تعرفين مااحب اتريك
خوله.علىراحتج يمه كاعدين نحجي اني وماما نسمع اصوات بره
قمر. ماما شكو بره
خوله .بيت ابو حامد يريدون يسافرون يم ابنهم حامد  لسويد ويتبرعون اغراضهم لناس المحتاجه
قمر.ها خطيه الله وياهم
خوله.ام حامد شفتهه البارحه يم ابو المخضر سلمت عليه وكالت حامد دوم يسأل عليكم واني اعرف على منو يسأل والله خطيه هل حامد خاطري مكسور عليه ام حامد تكول شكد اتوسل بي يتزوج ميقبل كالت اسافر عنده احسن
قمر. لو اعرف بابا ليش موافق عليه حالتهم المادية زينه وسمعتهم طيبه وخاصه هو وابو حامد علاقتهم اكثر من اخوه
خوله.الله يسامحهه عمتج مقبلت وكسرت ابخاطر جنه
قمر .الله كريم فدوه يمه لتحجين يم جنه تنقهر

خوله اوف يمه مكسور خاطري عليهه ودائما اشوفهه الحزن بعيونهه اعرف بيهه هاويته بس شسوي شنو بيدي عليهه
قمر . فدوه ماما لتضوجين خلي نسوي الغدا
خوله.يلا بنيتي
بلشت اساعد ماما بلغدا وراهه رحت انضف البيت سمعت صوت جنه
جنه.صباح الخير
قمر صباح النور كلبي
جنه. وين ماما
قمر .دسوي غدا
جنه .صدك بيت ابو حامد يسافرون
قمر .منين عرفتي
جنه.سمعتكم بالصدفه
قمر .اي حبيبه
جنه.منو يأخذه
قمر .ماعرف خلي بابا يجي وأسأله
جنه. اوك اروح اساعد ماما.
قمر.راحت جنه اتساعد ماما وطلعت سامعته بلصدفه ميته قهر عليهه الله يسامح عمه على الي سويتي كسرتي ابخاطرهه اووف حمدلله على كل حال وربي يعوضهه وينسيهه ويوفقهه ابحياتهه مرت الساعات بين تنضيف البيت وصار وكت الغدا وبابا بعده مراجع شعجب يتاخر مو من عوايده يلا ننتظره مو مشكله مرت اكثر من ساعه وبابا اتأخر
خوله.يمه بنيتي قموره اتصلي على ابوج اتأخر الرجال ضل بالي عليه
قمر .اي ماما هسه
قمر .ضلت اتصل على بابا وميجاوب ضلت ابقلق ومردت اقلق ماما واني خايفه عليه صارت ساعه ٣ الضهر ومااجه
خوله.ولج يمه قمر شكال ابوج
قمر .ماما شبيج هسه يجي
قمر .جنه نحجي اني وماما وسمعنه صوت الباب اجه بابا كلنه ركضنه عليه هو ضحك كال شبيكم شنو طفل يمكم
خوله.يا رجال خفنه عليك وين جنت
حازم.جنت يم بيت ابو حامد حامد رجع ياخذ امه وابو واخته.
جنه .من سمعت حامد راجع انصدمت معقوله حامد رجع لا مستحيل صار ٣ سنوات امسافر ومحرومه شوفته لا ياربي ليش هيج ما تحمل قهر بعد معقوله اشوفه معقوله اشوف نضره الحب بعيونه لا اردايا نزلت دموعي