💔💔💔💔💔💔💔💔💔💔💔💔💔💔
حبيبي شلون حالك وصفه اليه
عوف الناس كلهه وصفه اليه
مريض وصرت انت وصفه اليه
من اشوفك كل مرض مايبقه بيه
هلاو اجه الوكت وتتعرفون عليه
اني ادم مواليد 91 دكتور والدي والدتي توفوا بحادث طبعي عصبي وكلش جاد والشي اريده اخذه غصب عن الكل من اتوفوا اهلي انهاريت واني وحيد بس اني واختي افنان قررت اهاجر وسافرت خارج العراق تحديدا السويد ورحت استقريت هناك واتعرفت ع حامد وصرنا اصدقاء مقربين كلش حجالي عن حبيبته وحبه وبلفعل جان وفي وبحياته مخان حبهه ومفد يوم اتقرب ع غيرهه شكد كتله انساها خلي وحده من معجباتك تنسيك ابد مارضئ ومره راح للعراق يجيب اهله ويجي رجع فرحان ووره فتره
والده اتوفه رجع للعراق وبعد بفتره اني وافنان رجعنه ماانكر جان عندي علاقات سابقا بس ابد مواني ولا اكول فلانه اريد ابد هما يجون يمي وابد مااوعد وحده بزواج علاقتي عابره
وحمدلله مااسوي شي حرام مجرد طلعات وكلام فون ووانتهئ مااعتده حدودي ومااسوي شي حتئ ربي يغضب عليه
من رجعت للعراق حامد معافني ضل وياي مرت الايام وصرت ادوام نفس المستشفئ ويه حامد
وبيوم اجو مجموعه حشد متصاوبين ووياهم فاضل جوارينه مابينه صداقه مجرد بس سلام
دخلت لغرفه اشوفه وجانت وحده يمه سبحان الله شنو هل جمال خشم احمر وخدود حمر من كثر البجي ضليت سرحان بجمالهه ياالله شكد نازكه سألت حامد عليهه عرفت اسمهه قمر وبعد معاناه يلا خلصت من حامد ضل يسأل ولتفشلني وياهم ووووو متت منيداخر شي عافني وراح
ضلت بالي وكلما اشوفهه ابتسم ضل اخوهه اسبوع بلمستشفئ واني اضل اباوعلهه كلش دخلت گلبي
ضليت افكر بيهه صارت جزء من حياتي كمت اتخيل عيونهه الحلوات اسمهه قمر اسم ع مسمئ فعلا قمرر
بهل فتره دكتوره منئ اتورطت وياهه هي اتقربت مني وضلت ادور ويايه علاقه وتريد اتزوجهه
بعد فتره استشهد فاضل وحالهم يگطع الگلب اتذكرت وفاه اهلي شلون انهاريت ضليت ويه الولد لان ماعدهم احد خطيه
وره فتره ام قمر اتمرضت وضلت بلمستشفئ وبيوم الصبح اجت قمر وتعرفون اشصار كمت احبهه شكد ثكيله ورزنه هل بنيه من طلعت من غرفتي شافتهه منئ وسوتلي طلابه اخير شي عطت بيهه سكتت وضلت تبجي احبك واغار ومن هل سوالف كتلهه اني زواج مااتزوج ولا احب ضلت تبجي اووف شيخلصني منهه
طلعت من غرفتي وطلعت بسياره ضليت افتر واني دايخ بقمر اووف ادم وگعت ومحد سمئ عليك تالي وكتك وحده زعطوطه مثل قمر تعيط بيك
حبيتهه وعشقتهه وكلت لحامد اعترفتله بحبي الهه وقررنه اثنينا سوه نخطب بعد دوره السنه
❤️❤️❤️❤️❤️
جنه.
مرت الايام واني اذبل يوم بعد يوم بلكوه اكدر اتنفس حتئ نفسي بصعوبه اكابر ومااكول لامي خاف تقلق عليه قررت اكول لحوراء عن حالتي وتكول حامد احس مختنكه وحراره من مكان صدري احس يختل توازي وبصعوبه اسيطر عن نفسي
اجت حوراء وحجيتلهه ومرت يومين ع جيه حوراء امي كالت اريد اسوي ثواب لفاضل والله اني وساره وقمر سوينا برياني اني كلش تعبت كمت اتنفس سريع احس احوالي تخربطت حسيت صخونه بمنطقه صدري ومن كثر الالم الي صار بصدري صرخت بكل قوتي وكعت وبعد ماعرف شصارر بحالي
-------------------------------------
حامد عرفت من حوراء رايحه جنه ومنتقلين من مكانهم والله يعلم اشصار بجنه واني محجيت عن مروه وحذرت ادم هم ليحجي كدام امي خاف يوصللهم الحجي وبنت گلبي اكيد تنقهر وتضل تأكل بنفسهه عفتهه فتره بينما تتحسن نفسيتهه واكول لحوراء هي تحجيلهه السالفه
مرت يومين وشفت حوراء طلعت راحت لبيت جنه كلت لامي وين راحت كالت ام جنه تسوي ثواب لفاضل الله يرحمه وهي راحت تساعدهم كتلهه الله يرحمه
ضليت فتره اني وامي كاعدين بلحديقه ونسمع صريخ اتخبلت كمت من مكاني فتحت الباب وجان ابو جنه يلهث يكول الحك بنتي ماتت جنه ماتت ايي ماتت مثل فاضل
وكفت بمكااني حسيت الدنيا وگفت فصلت عن العالم جنه ماتت لا لا مستحيل متعوفني بنت گلبي شريط حياتي مر كدام عيوني حبي الهه وكلامهه
امي ضلت تهزز بيه ولك يمه حامد الحك حسيت ع نفسي وركضت مثل المخبل لبيتهم امي وابوهه ورايه شفتهه امدده وصايره زرگه اتخبلت شفتهه ركضت عليهه شفتهه بيهه نفس
شلتهه وركضت بيهه لسيارتي وامهه وابوهه وياي وامهه خاله راسهه بحضنهه وبس تبجي سقت بأقصئ سرعه وصلت للمستشفئ دخلوهه واني دخلت وياهه شفتهه مكدرت اتحرك احس اديه مربطه
شافهه ادم كال تحتاج دكتور قلب تخبلت كتله شنو تخبلت مابيهه شي هسه تصحه كال شوفهه مرتبك وكأنما اول مره اكشف ع مريض ايدي ترجف ومثل كلام ادم
تخبلت عرفت بيهه شي اخخ ربي لتفجعني بيهه كبل اتصلت بدكتور طالب اختصاص امراض قلبيه وفهمته وكال اقل ساعه اني يمك اخذنه الاجرائات واجه دكتور طالب وكشف عليهه كال شاك بشي خلي هسه تصحئ والله كريم وابد لتطلع منا
رحت يمهه لان مقبلو احد يبقه يمهه فأني دكتور استغليت الفرصه رحت كعدت يمهه
حامد شبيج حبيبتي كون بيه ولا بيه
جنه اسم الله عليك حامد احس داموات
حامد اسم الله عليج يروحي ناامي ارتاحي بست راسهه وايدهه وطلعت
نامت جنه ومن صحت الدكتور طالب استلمهه فحص وكال مثل متوقعت للاسف المريضه عدهه فشل بعضله القلب
حسيت وگفت الدنيا يعني شنو دكتوورر احجي ماعرف شكلك خليهه ع الله
ادم حجه كال الله موجود خويه لتخاف
لك شنوووو جنه ماااابيههه شيييي جنه تعيش لو اعررررف اسووووي المستحيل ماابقيهه اهنااااا اسفرهه للمانيا اهم شي ترررجع جنه
دكتور طالب اهدء ابني انت دكتوو وفاهم واحسن علاجهه يكون خارج العراق هاي اذذذ
حامد اذذذ شنو احجي دكتور قصدك اذ عاشت مووو لاااا متموت
اترخص دكتور طالب وجوي امهه وابوهه وخواتهه ادم ضل يشرح واهلهه يبجون واني احس مااتحمل رت اطلع
ابوهه كال اني مااكدر اسافرر وياهه يبجي مثل الطفل
كتله اني اروح وياهه
كال ابني شلون
حامدد اعقد عليهه
الكل انصدموا
❤️❤️❤️❤️❤️❤️❤️❤️❤️
قمر الصار ويه جنه من فقدت وياهه اتخبلت ضليت الطم وابجي ماريد اخسر جنه مثل ماخسرت فاضل اهلي يبجون عليهه وكل دخلو يمهه يشوفهه بقيت بس اني ماريد انهار من اشوفهه
رحت ع حامد شفت ادم
قمر احجي وابجي كلت وين حامد
ادم يم الدكتور
رحت ورجعت عليه
دكتور جنه تموت
ادم لا ان شاءالله ماكو شي احتمال تتحسن
جنه انهاريت بلبجي وكعت بلگاع ركض عليه خلاني بحضنه ويمسح ع شعري ويهدي بيه اررتاحيت شويه وطمني عاد خجلت ممن حضني ابتعدت عنه بس ارتاحيت جنت محتاجه شخص يطمني ويهديني
من حامد كال اعقد ع جنه حتئ تكدر تسافر وياهه كلش فرحت حمدت ربي بس كون بابا يوافق
أنت تقرأ
ليالي البعد
Romanceقصه تحدث لثلاثه اخوات ضحوا بحبهم من اجل والدتهم ومازالو يعشقون رغم ليالي طويله جدا من البعد فمن هي اكثر تواجه والدهه من أجل حبيبها؟؟؟ ومارأي القدر؟؟؟
