ليالي البعد

البارت الرابع

حبايبي لتنسون التصويت

شلت اسمك شعار بثورة الاحساس ❤️
ورفعتـك بيـن كل الناس رايــه_❤️
احتمال الدنيه تمطر يوم بالصيف_❤️
احتمال البحـر يخلص يوم مايــه_❤️
بس ماكو احتمال بيــوم انسـاك_❤️
واگــص السانــه ليطلــع دعـايـه❤️

نبدي الباررت

جنه. كعدت الصبح وكلي نشاط سويت ريوك ونضفت البيت وانتضرت ماما تكعد لان بابا يروح من وكت للمحل بابا عنده محل انشائيات
خوله.صباح الخير شنو هل نشاط ولج حميدان شمسوي بيج ههه
جنه.صباح الانوار حبيبتي يا ماما شبيج غير علمودج مااريدج اتعبين
خوله.هههه  تعاي نتريك حتى اروح
جنه.يلا  ماما اتريكت وبسرعه بدلت ورحنه لسوك افتريت ومعجبني شي اخير شي شفت فستان طويل عجبني كلش لونه تفاحي. اشتريته رجعت للبيت اتغديت

وحضرت نفسي شسورت شعري وعفته مفتوح لان هو اصلا قصير ميحتاج اسويله شي وخليت مكياج خفيف كلش بناتي وحضرنه الضيافه واني كلش متوتره صارت ساعه ٥ اندكت الباب كمزت من مكاني شعوري مينوصف خجل على فرح اجوي كعدو ام حامد وحوراء وخالته وعمته

خوله.يمه,,  جنه تعاي قدمي الضيافه
جنه. اني متوتره كلش وخايفه رحت اخذت العصائر والحلويات
جنه.مساءالخير
ام حامد.مساء الانوار حبيبه تعاي لهنا يمي كعدي
جنه.سلمت  على عماته وخالته وحوراء كالت حقيره طالعه تخبلين
ام حامد.عيني, ام فاضل اليوم اجيتج بطلب واتمنى مترفضيني
ام جنه.كولي  حبيبه وان شاءالله خاطرج ميصير الا طيب
ام حامد.والله  حامد يريد جنه وهو ابني الوحيد مااكدر ارفض طلبه والصراحه هو هاويهه صار ٣ سنوات وجان منتضر تكمل سادس حتى ماعدكم حجه ترفضو حامد دكتور وحمدلله اموره الماديه زينه ماشاءالله جنه هم ماالهه قصور وان شاءالله مترفضون طلبنه وانتو الي تريدو احنه حاضرين بس تأمرونه

جنه.بس,,  ام حامد كالت حامد يريد جنه كمزت اركض للغرفه والبنات وره الباب يسمعون
ام جنه. ايي والله ماشاءالله حامد مااله قصور وان شاءالله اسألهه واسال والدهه واردلج الجواب
ام حامد.وانتي,   شنو رأيج
ام جنه.بلنسبه,اليه اني ماعندي مانع وماالكه احسن من حامد
ام حامد.وصيحيلي جنه
ام جنه. يمه جنه تعاي
جنه.يمه,  متت شتريد مني ام حامد رحت وجان ام حامد تسألني شنو رأيج ابحامد اني كلش خجلت جان خالته كالت يا شبيج خجلتي البنيه عوفيهه شبيج مستعجله
ام حامد.والله  حامد ميقبل ادخل للبيت إذ ماانطي البشاره كلهم ضحكوا
خالته.طبعا,,  شوفي خجلهه وادبهه وجمالهه حقه يستعجل يابه
اني ركضت لغرفتي خجلانه اترخصوا اهل حامد وامي اجت يمي شنو رأيج كتلهه ابكيفج يمه ضحكت امي كالت اسأل ابوج وانطيهم الجواب

جنه . ضليت ادعي كون بابا يوافق وميرفض حضرنه العشه ورجع بابا اتعيشنه وشويه كعدنه وجان ماما تكول ابو فاضل من رخصة عندي موضوع وياك سمعتهه واني انتهيت ضليت بس اندعي وقمر وساره يدعن ويايه ويصبرن بيه
جنه.مرت, اكثر من ساعه وطلعت ماما
خوله.ابوج,,  وافق وكال سألي البنيه وهو يحاجي عمامج وعماتج وخوالج يمه
جنه.حمدلله,  ربي واخيرا راح انجمع ابحبيبي فرحتي متنوصف ضليت طول الليل افكر وبعدهه نمت
وكعدت الصبح
جنه.صباح الخير ماما
خوله.صباح, النور حبيبتي اليوم من جنتي نايمه اجت ام حامد