ليالي البعد

البارت السادس

لتنسون التصويت حبايبي

💔💔💔💔💔💔💔💔💔💔💔

ماضل دمع بالجفن لا ضل حچي الينگال
خلصن سنين العمر حملي بغيابك مال
محتاج حيل وصبر بُعدك بعد لو طال
كلشي بغيابك عِكس كلشي بغيابك عال
حد منجله الفلاح من سعفه صوفر حال
جان اليروّي السعف شافه السعف چتال

فتحت عيوني وادركت كلشي انتهئ حب ثلاث سنين ضاع مني كل شيء راح خسرت حامد

مرت الايام واني اتعذبت طول الليل ابجي صار بيه اكتئاب حب حامد مو يوم ويومين كلش اتحملني ثلاث سنوات كملت السادس وراهه احنه شهر مخطوبين حسيت اسعد انسانه وهسه وين اني اتعس انسانه مو بسهوله انسئ وخلال شهر صدمتين صدمه فراقي من حامد وصدمه الثانيه حامد سافر لسويد

ام حامد شكد بجت وتوسلت بي كايل جان هل فكره ابالي من زمان بس من شفت جنه كلشي اتغير وهسه خسرت جنه ماضل امل بعد سافر واذ قبل جنه بس المنطقه اكو امل اشوفه هسه لا ماكو امل مرت الايام اصعب ايام مو سهله تحبين شخص وتعقدون هم وتتعاوفون فراق حامد ضيعني خلاني بس جسد وماعندي كلب كلبي يم حامد اخذه وراح

شكد اتقدمولي رفضت من كل عقلهم يريدوني اتزوج ميعرفون اني ماانام اذ مااحضن رسايله وماانام اذ ماالبس ساعته بيدي وسلسله الي هدانيا لليوم مانازعتهه

وعمتي بكل عين صلافه تجي وتحجيلي عنهم واني نار يصير بصدري من اسمع اسمه
ليالي مرت واني دمعتي علئ خدي بكل مكان النه ذكرئ. بلصاله من جنه نكعد بلحديقه بلباب من يودعني ولا انسئ لهفته عليه وخوفه وغيرته واسمع بابا بكل برود يكول ليش ترفضين من يتقدمولج

محد يحس بيه الا الي مرت بفراق حبيبهه اتعلقت بي احس حبه يوم بعد يوم يكبر بداخلي
كل ليله اشتاقله واتمنئ اشوفه وِدائما اسمع هل اغنيه احسهه كلماته عليه

أّلَأّ أّنِتّ يِّأّ حٌبِيِّبِيِّ أّلَأّ أّنِتّ
مَأّأّحٌبِ أّنَِّسأّنِ ثّأّنِيِّ أّلَأّ أّنِتّ دِنِيِّأّ مَأّتَّّسوِئ بِدِوِنِګ
لَأّ وِلَأّ تَّّسوِئ بِدِوِنِګ مَأّأّعٌيِّشٍ
أّلَعٌمَر لَحٌظّهِ بِدِوِنِګ أّلَأّ أّنِتّ

مَرتّ 3 َّسنِوِأّت علئ فراقي اني وحامد اتعس شعور يصير بيه لمن احتاجك ومشتاقتلك ومااشوفك وماسمع صوتك مشتاقه لكلشي بي لصوته وضحكته وعصببته مشتاقه لغزلك مشتاقه اخلي ايدي بيدك ومشتاقه لعيونك ولكلشي بيك

كل ساعه ودقيقه وثانيه اشتاقله وافكر واتمنئ يرجع

نرجع للحاضر

كعدت علئ اصوات امي وقمر وعرفت بيت اهل حامد يسافرون يم حامد ماضل امل بيوم يرجع للعراق واشوفه حتئ انحرمت شوفته رحت علئ قمر سألتهه منو يأخذهم كالت ماعرف واني اعرف بحامد ميترك اهله كلش يخاف عليهم اتمنئ يرجع ولو لحظه اشوفه

ضليت النهار كله ضايجه ودمعه تلالي بعيوني من سمعت اهله يرحون كلش متعلقه ابهل حامد من اشوف ام حامد احسهه تعرف شكد احبه

بابا اتأخر علئ الغدا وكلنه خفنه عليه صحيح انحرمت من حامد ابسببه بس يضل بابا ومااكدر اكرهه وعمتي الله يسامحهه هي واحمد

قمر ضلت تتصل بي وميرد كتلهه خلي ماما لتعرف ماما كلش تحب بابا وتخاف عليه

شويه وسمعنه صوت الباب كلنه ركضنه علئ الباب دخل بابا وضحك كال شبيكم طفل حتئ تخافون عليه
ماما سألته وين جنت كال جنت يم ابو حامد حامد جاب ياخذ امه وابو واخته
جمدت ابمكاني معقوله حامد رجع بعد 3 سنوات رجع لا اراديا نزلت دموعي