ليالي البعد

بارت (12

لتنسون التصويت حبايبي
أنا اللّي عشت بالدّنيا اصارع غابة الأحزان
حزن هموم عذابي يبتسم فيهــــا

تعبت بدنيتي هايم وصرت بدنيتي حـــيران
تعبت وهذي الدّنيا دايم ألاقيهــــا

زانا في داخلي نغمة وجدها داخلي فــنان
وجدها نغمة حيّة وتبغى من يغنيها.

💔💔💔💔💔💔💔💔💔💔💔

جنه من اصعب الايام تمر عليه الليل يشهد علينه شكد نعاني من فراگ فاضل نشتاقله وكمله اشتياق قليل بحقه
امي متطلع من غرفتهه تضل تقره قرأن وابوي احسه متغير فراگ ابنه هد حيله وخواتي كلمن بغرفتهه اعرف متأذين بس منكدر نبجي كدام اهلنه نخاف عليهم
مر علئ وفاه فاضل 4 اشهر واحنه حالنه ممتغير عمتي كالت بمرور الايام تتعودون علئ فراگه بس والله كلما تمر ثانيه نشتاقله اكثر
امي وابوي مهدود حيلهم امي كل يوم تتخربط يجي حامد عليهه ضغطهه يرتفع
مره اتخربطت ومصحت نقلوهه للمستشفئ ضغط وسكر مزمن مينزل بقت اكثر من اسبوع بلمستشفئ واني يمهه
حامد عزاني وصاني بصحتي يا صحه بعد احس نفسي بس جسد ماعرف احير بأمي لو خواتي لو مروه لو ابوي لو قهري علئ اخوي

عماتي وخالتي ثالث يوم الفاتحه وعافوا وابوي صحته يوم بعد يوم تتراجع ليوره ميكدر بعد اني وهشام اتحملنه المسؤليه وهو ياخذني علئ امي واتصل بي يرجعني
اليوم امي تتطلع من المستشفئ وضعهه زين حمدلله رحت عليهه كالت روحي علئ حامد شوفي شوكت اطلع حتئ نتصل ع هشام
ويه كلامهه دخل دكتور ادم اعرفه خطيه ابد معافنه بلفاتحه كال هسه يجي حامد ويشوف وضعهه
اجه حامد وشافهه وضل ينصحهه وكال جنه تعاي وقعي علئ خروجهه حتئ تتطلع باوعت علئ امي كالت روحي يمه حامد مو غريب رحت ويا
حامد شلونج جنه
جنه حمدلله ونت
حامد هسه صرت بخير من حاجيتج ليش هيج وجهج ذبلان حبيبتي والله خايف عليج ابشنو تحسين فهميني
جنه مابيه شي لتقلق
وقعت ع خروج ماما وكال تجي حوراء يمج اريد احاجيج كتله ان شاءالله اتصلت علئ هشام واجه رجعنه بليل اجت حوراء ومصارت فرصه احاجي

بليل بابا كال روحي يم مروه زوريهه كتله ان شاءالله
كلهم راحو لغرفهم واني كلعاده نضفت البيت وصعدت بغرفه فاضل انصدمت من شفت قمر هناك حاضنه قميصه وتبجي شافتني وكمنه نبجي سوه
كلمن راحت لغرفتهه تكمل معاناتهه ع فراشهه
الصبح اني وجنه وساره رحنه ع مروه وانصدمنه من شفنه شكلهه وجهه كله اثار ضرب كالت متقدميلي ناس وصديق بابا وكال بابا راح يزوجي واني مستحيل اقبل اني اروح يم فاضل حبيبي مستحيل البس بدله لغير فاضل
هديناهه وكلنه مستحيل ابوج يجبرج ع شي وكلنه اتفقنه لا امي تعرف ولا ابوي
مرت الايام وصار سنه من مستشهد فاضل وسوينه عزا اله وكأنما هسه الفاتحه استغربنه من مروه مااجت معقوله متعرف اني كتلهه قبل شهر لا لا مستحيل خاف ازوجت قررت اروحلهه
ثاني يوم رحنه ع مروه دكيت الباب مطلعو شافتني جوارينهم كالت انتقلو استغربت مستحيل شبسرعه عافتنه حتئ مودعتنه خليت ورجعت للبيت امي سألتني عاد كتلهه مموجودين كلت لقمر وساره كالن اكيد اتزوجت كلش انقهرت بس محجيت كدام خواتي كلت الله يسعدهه اترخصت منهم وكمت انام ضليت ابجي بفراشي ليش مروه مو المفروض هسه عدكم طفل اخخ فاضل من رحت راحت السعاده وياك ضليت ابجي واني منا ماعرف شبيه احس الم صدري يزيد ويوم بعد يوم افقد شهيتي تعبت والله اريد اروح لنجف واريد اشكي لاخوي حزام ضهري

اكله اختك ماتت وراك انتهيت وراك اتعذبت والله مااتحمل بعد هواي اتأذيت فراگ اخويه كسر ضهري. وحامد

اخ ياحامد اتعذبت وعذبتك وياي والله مااكدر احاجي واكله اتزوج موانانيه بس اموت والله

___________________________
قمر
قمرر كل هل فتره مرت عليه صعبه حيل مجنت بيوم متوقعه راح امر هل حاله هواي اسمع هاي ابوهه شهيد وهذيج اخوهه شهيد متوقعت راح اعيش هل عذاب
ابوي تغير حتئ ميحاجينه وامي كل يوم متخربطه علينه واني وخواتي ضلينه نبجي بسكوت نخاف علئ صحه امي
اشوف جنه تكابر كدامنه واشوفهه قويه واني اعرف مثل حالي من تروح بفراشهه تنهار اعرف ورا هل قوه انهيار
كل ليله اروح لغرفه فاضل بعد مااتأكد من نوم اهلي اروح احضن ملابسه واشمه واعاتبه ليش عافنه وحدنه
اروح علئ مروه نزورهه حالتهه اسوء من عدنه وفوكاهه ابوهه يريد يزوجهه
امي تخربطت وضلت اسبوع بلمستشفئ من جنه تروح ترتاح اني اضل بمكانهه وساره خطيبهه هشام مقبل تضل
من ابقه اشوف دكتور ادم يحاول يتقرب مني يحاجيني يسألني عن صحتي كلت اروح اسأل حامد عن صحه امي رحت لغرفته دكيت الباب دخلت شفت ادم كلبي احسه يريد يطلع من مكانه عندي مشاعر اتجاه ضلت نظراته ابالي من يباوعلي يبتسم من فاضل جان بلمستشفئ
هل مشاعر ماريد تكبر ماريد يصير بيه مثل جنه ولا مثل فاضل
دخلت لغرفته
قمر صباح الخيد دكتور حامد مو هنا
ادم عندي مراجعه لمريضه رايده شي
قمر ها لا بس ردت اسأله عن وضع امي
ادم واني هم دكتور سألي
قمر وضع امي شنو جاوبني وضليت صافنه عليه بس افتهمت تحتاج رعايه لان ضغط وسكر صار عدهه مزمن
استأذنت منه وردت اطلع جان يكول قمرر فزيت منين يعرف اسمي

قمر نعم
ادم ممكن سؤال
قمر تفضل
ادم مرتبطه
قمر ضليت صافنه ووعطت بي ونت شلعيك بصفتك منو تتدخل مااسمحلك زين ضل صافن بوجهي وكبل طلعت من الغرفه احس اختنكت ماريد احب ماريد اتعذب رحت غسلت وطلعت اتصلت ع جنه كالت اني بطريق
مرت الايام صارت سنه مال فاضل واني اشوفه واشوف نظراته عرفت اني كمت احبه مو بيدي مشاعر قررت احجي لجنه واخليهه تنصحني
--------------------------------------
حامد
هل فتره مرت اشوف جنه ذبلانه كلبي حاسسني بيهه شي كلبي انمرد عليهه اشوفهه هيج نار ومشتعله بصدري هل فتره امي اتلح عليه اتزوج تكول ارضئ جنه مو من نصيبك منتظر دورت السنه مال فاضل ارجع اتقدملهه ولو اعرف اسوي المستحيل

من كثر الحاح امي كمت مااحب ارجع للبيت كرهت البيت اكضي معظم وقتي بلمستشفئ من حاجيتهه احس ردتلي روحي

بهل فتره ادم كال احب قمر واعشقهه وحبيتهه من اول نظره عرفت ادم مثل مصيري راح يتعذب وهم مثلي منتظر دورت السنه فاضل

مرت الايام وقررت احاجيهه وافهمهه راحت حوراء كالت ماكو فرصه تحجي وياهه

قبل شهر من السنه جنت نايم يم صاحبي اتصلو عليه من المستشفئ وطلبوني ضروري

رحت وجان انصدم مروه حاله انتحار واثار كدمات وضرب وهي فاقده ماخذه سم حشرات طبعا سوينه الازم بس هي متستجيب الاي علاج فاقده

اجو عمامهه وخوالهه رادو يطلعوهه طبعا اني مسؤل عن حالتهه مقبلت وهددو بلسلاح مدير المستشفئ كال اخذوهه
اجو عمامهه وخوالهه رادو يطلعوهه طبعا اني مسؤل عن حالتهه مقبلت وهددو بلسلاح مدير المستشفئ كال اخذوهه
اتخبلت شنو تاخذوهه المريضه فاقده لكن لا حياه لمن تنادي اخذوهه غصب
طبعا اهل جنه ولا جنه يعرفون وماعرف اشصار بيهه ومبين اهلهه ضاربيهه وماعرف عاشت لو ماتت نسبه حياتهه جان 60 بلميه تعيش
من دارت السنه عرفت من حوراء مجايه وجنه باجر تروحلهه