ليالي البعد

البارت 10

💔💔💔💔💔💔💔💔💔💔

مَوِ ګلَ أّلَيِّحٌبِ يِّعٌيِّشٍ فِّرحٌأّنِ
أّګوِ وِأّحٌدِ يِّحٌبِ بَِّس هِوِ يِّأّئَّس
أّګوِ لَمَنِ يِّحٌبِ يِّصٌأّرعٌ أّلَمَوِتّ
مَيِّهِمَهِ يِّصٌأّرعٌ أّلَفِّ فِّأّرَّس
يِّنِشٍدِوِنِهِ أّعٌلَهِ قِيَِّّس وِلَيِّلَئ ګلَ يِّوِمَ
أّشٍوِ مَحٌدِ ذّګر بِلَعٌشٍگ عٌأّبَِّس

لَتّنَِّسوِنِ أّلَتّصٌوِيِّتّ حٌبِأّيِّبِيِّ

قمرر اتقدم حامد لجنه وشفته رفض بابا شكد انقهرت بابا ضلم جنه كلش يوم بعد يوم اشوفهه تذبل كدام عيوني احاجي امي تكول نقص تغذيه والله كلبي نار عليهه
اجت حوراء يمهه وبابا كال خلي اخوج يبتعد عنا ومادري شنو ضليت صافنه عليه شبي بابا هلكد ضالم فزيت علئ صوت قوي وكع بلگاع
شفت جنه فاقده بس مفتوح عينهه اتخبلنه كمنه نصرخ وامي گطعت نفسهه صحت شويه بابا اخذهه لفراشهه وضلت امي تنوح عليهه

وهي بس صافنه اخير شي نامت واني منمت خفت لتموت وتعوفني جنه متغيره والله متغيره مو نقص تغذيه جنه بيهه شي اشكم مره اشوفهه بلكوه تجر نفس
صار الفجر كمت اتوضيت وصليت ودعيت لاهلي ولجنه يجمعهه بحامد ويخلص عذابهه شويه نمت وكعدت علئ صوت بجي وصوت امي فزيت مرعوبه ودموعي تجري كل ضني جنه صار بيهه شي ركضت علئ غرفه جنه شفتهه تبجي كتلهه شكو كالت فاضل بلمستشفئ اتخبلت كمت ابجي وياهم كلنه رحنه
جنه مااجت ويانه كالت دايخه خاف اوكع عليكم وانتو تحيرون بيه
وصلنه للمستشفئ وشفت حامد واحد ويا حامد كال عميلته صعبه وخسر دم هواي منو نفس فصيله دمه اني نفسه صاح علئ الدكتور رحت ويا واني ارجف خايفه كلش وهو اجه وياي يم الممرضه سحبت دم مني اني بس ابجي خايفه وهو صافن عليه

كملنه ومن رجعنه وحده من الممرضات رادته وعرفت اسمه ادم
ضل اسبوع فاضل بلمستشفئ وادم يباوع عليه الصراحه هو صاك🙈🙈

طلع فاضل ويا احمد وصاحبه هشام وره فتره استرجع صحته فاضل وهل فتره هسام ابد معافه
وره فتره اجت ام هشام و3 خوات خطبو ساره لهشام
وساره جانت تحب احمد بس علصار ويه جنه كرهته وافقت ساره
وصارت الخطوبه وطلعت تجنن واني كذلك وجنه بس جنه كلش متغيره حفلتهه تجنن كلش اتونسنه متنه تعب بسرعه خلصنه البيت ونمنه
-----------------------------------------
حامد

حامد رسمت ابخيالي اجمل نهايه حبي لجنه وهو زواج وطفل منهه عشت لحظات فرح وياهه معرفت راح ادفع الثمن القدر فرقني وياهه مره بسبب احمد النذل هل مره بسبب ابوهه منهار وكرهت الدنيا سعادتي ويه جنه احبهه كأنما الله خلقهه ومخلق غيرهه اول حب واول نظره عشقتهه
حوراء تروح عليهه وترجع تكول جنه ذبلانه جنه تعبانه جنه هيج وجنه هيج ومن من يمي نار بكلبي عليهه راحت حوراء ابيتهم واني  وادم جنه كاعد بلباب وبس نسمع صريخ ردت اروحلهم ادم منعني
شويه وصار هدوء واني منتظر حوراء ترجع نار مشتعله بصدري رجعت حوراء وحجتلي علئ الصار
عفت كلام ابوهه وضليت قلقان عليهه طول الليل منايم شبيهه جنه ماريد اخسرهه ماريد اخسر وردتي حبيبتي روحي من الدنيا جنايتي ضليت سهران والصبح خابروني بلمستشفئ جايبن حشد متصوبين

بسرعه بدلت وطلعت شفت هوسه والحشد هواي انتقلو الئ ربهم الي احن عليهم من البشر راحو شهداء وعافو ايتام وارامل واب ام اخ اخت اقارب كلبهم من نار عليهم عافو كلشي وسلمو ارواحهم لربهم
شفت كومه جرحئ ومن ضمنهم فاضل اني وادم اشرفنه عليهم وصاحب فاضل متصل علئ اهل جنه وكلهم اجو ماعدا جنه
مضروب ابطنه وكتفه عمليته صعبه حيل خلصت وحمدلله بس خسر دم هواي  قمر نفس فصيله دمه هي اتبرعت الا راحت ويا ادم ابو وامه بس يبجون واخوته والشهاده لله صاحبه ابد معافه ونعم الصديق وفي
بقه فاضل اسبوع بلمستشفئ وراهه طلع امي وحوراء راحو عليهم رجعت سألت عليهم كالت جنه متغيره جنه مريضه اتخبلت وليش ساكتين عنهه اوف جنه من عافيتي لعافيتج حبيبه كلبي
وره فتره انخطبت ساره لهشام واتمنيت يجي اليوم الي انجمع بي ويه جنه
----------------------------
جنه
جنه فقدت حسيت اختل توازني وكعت واني مفتوح عيوني شويه وبابا اخذني لغرفتي حوراء راحت واني نمت الصبح كعدت ساعدت ماما شويه واجه بابا
امي كالت خير ان شاءالله ليش ابوج راجع شفته اجه كال بسرعه اتحضروا فاضل بلمستشفئ امي ضلت تبجي وصارت مثل الطير المذبوح ضليت افكر بينه بابا ضلمنه كلنه
فاضل جان يحب مروه تصير صديقتي حرمه منهه مقبل يتزوجهه ولحد هسه يحبهه وهي كذلك
واني حرمني من حبيبي
والله يعلم بعد يضلم خواتي لو لا بابا قاسي كلش صح يحبنه لان ماكو اب يكره اطفاله بس قاسي
مر اسبوع واني وضعي كلش مو تمام مرت فتره وهل ايام خطوبه ساره
كملت الحفله وضليت اعزل البيت ونمت

مرت الايام واتحسن وضع فاضل ورجع لدوامه
واحنه قلقين علينه وبيومهه اتصل وضلينه نحجي وكال بس ارجع افاتح ابوي علمود مروه ضليت ادعيله

مر اكثر من شهرين وفاضل حجه ويا بابا واقنع حمدلله وافقو اهلهه وصارت احلئ حفله خطوبه واول مره اشوف الفرحه بعيونه حمدلله ربي فاضل روحي من الدنيا طبعا مروه تجنن كلش حلوه ونازكه بلخطوبه الكل اتفاجئ من جمالهه
واني اكثر من 4سنوات مفرحانه مثل فرحتي هسه اخوي الغاالي اخذ الي تحبه ويحبهه ضلينه انجهز ونشتري غراض وحتئ هو صبغ غرفته واشتره غرفه تركيه تجنن الون الماروني والابيض طاغي علئ الغرفه واتفقو من يرجع اجازه من دوامه بعد اسبوعين عرسه

مر اسبوع بين تنظيف البيت وروحه لسوك حتئ نشتري ملابس وحجز عند الصالون وبدلات لمروه وباقي 4 ايام يرجع

سولفتله عن التجهيزات هو فرحان ممصدك مروه بعد حب اكثر من 4 سنوات ينجمعون سوه
فرحانين والفرحه مسايعتنه

ثاني يوم الصبح اتصلت علئ فاضل مغلق ضليت خايفه عليه اتصلت مروه بيه كالت فاضل خطه مغلق
للعصر وكفت سياره ابابنه وجان