دلــيني..
ويـن أتنفـسك
حتَــى أعتنيلك رِيــــه.
عــازل لك
بصَــدري گـلـب
ومــگاسره بــ حنـــيهَ
❤️❤️❤️❤️❤️❤️
جنه
الحزن شي صعب علينا نحمله ابمعظم الأوقات لان مرات منكدر نتهرب منه هواي نتمنئ ونرغب ونحلم بس القدر يغير كلشي
فتحت عيوني وشفت ادم كباالي وبعد بنيه ويا
كتله ادم
باوعلي وكتله ماات؟؟؟؟؟؟
كال لا بس دخل بغيبوبه عمليته كلش صعبه
يعني شلون هسه وضعه
جنه امشي ع الدكتور وهو يفهمج
رحنه ع الدكتور وفات ادم وكال
سلام عليكم دكتور ارشد
عليكم السلام تفضلوا
دكتور اشرح وضع حامد لزوجته
كال بنتي عمليته كلش صعبه راسه متأذي مكدرنه نسيطر عليه دخل بغيبوبه
هو يحجي واني ابجي كتله بتعب وخذلان شوكت يصحئ
كال العلم عند ربج احتمال باجر او بعده او شهر لو سنه بنتي اتوقعي كل الاحتمالات
زدت بلبجي وهو وادم ضلو يهدون بيه اترخصنه اني وادم ورحت يم ام حامد
مر اسبوع وماكو اي تحسن حاله حامد اني علي هاملته كله يم قمرر واني بلمستشفئ ارجع للبيت ع كد ابدل ملابسي وارجع
رحت لغرفته واحجي ويا احتمال يسمعني دخلت وكعدت ولزمت ايده وكلت
حامد حبيبي اعرف انت تسمعني وتحس بيه حامد الحياه بدونك مالهه اي طعم احس اني وحيده بدونك محتاجتك كلش شعور الحزن الي بداخلي عميق كلش حالتي يثرى عليهه حياتي خلال اسبوع صارت بدون معنئ احس نفسي ضايعه احس داموت ع البطيئ صابني يأس حبيبي اصحئ اريد اشوف عيونك الحلوات
حبيبي مشتاقيتلي وعلي يريدك ويريدني حبيبي مااكدر ارجع للبيت وانت مو ويايه ضليت ابجي وابجي ومثل كل مره ماكو اي رده فعل منه"
مر 19 احنه بلمستشفئ كل يوم ادخل لحامد واليوم صليت الفجر ورحت كعدت يمه غفت ع الكرسي حسيت ابقبضه ايد فتحت عيني واشوف حامد مصدكت طلعت مثل المخبله من الغرفه ورحت لدكتور كال هاي تحسن بحالته واحتمال اليوم يصحئ
الكل عرف بهذا الخبرر واني احس طايره من الفررح مر يومين وماكو مصحئ
صارر 21 يوم صحئ حامد واجه الدكتور شافه وكال وضعه زين وطلعنه من المستشفئ وصحه حامد كلش زينه حمدلله وعلاوي رجع بحضنه شعور سعادتي متنوصف حمدلله ع كل حااال
ضليت اهتم بي يرادله عنايه خاصه كلش واني ابد مقصرت وياا وابنفس الوقت مهتمه لعلي لان مااريده يبجي مو زين ع حامد صووت عالي علمود عمليته
شويه شويه بدت صحته ترجع طبيعيه وكل يوم من اشوفه احمد ربي واشكره لسه عايش وبيومهه جنت نايمه ابحضن حامد كال
جنه
هاا حبيبي خلي نسافرر
وين
ماعرف بس صار هواي مطالعين شنو رأيج
ان شاءالله حبيبي
ووره فتره قرر حامد نسافر لتركيا ونرجع وبلفعل سافرنه وجانت من اجمل ايام حياتي شكيت بنفسي حامل لان من ادنئ شي احس بتعب كلت لحامد هو كبل توتر وكال امشي لدكتور وبلفعل رحنه وعرضني ع اكثر من طيب حمدلله اكدر اجيب وماكو اي خطرر عن حياتي
أنت تقرأ
ليالي البعد
Romansaقصه تحدث لثلاثه اخوات ضحوا بحبهم من اجل والدتهم ومازالو يعشقون رغم ليالي طويله جدا من البعد فمن هي اكثر تواجه والدهه من أجل حبيبها؟؟؟ ومارأي القدر؟؟؟
