أصبحت خادمة طليقي(قصة قصيرة )

11

مي حكيمة: ممم نتيقك ولاش مابغاش تزوجي بجيلالي يكما كدير معاه شي حاجة
انا: لا لا اعود بالله غير مكنحسش بهاد الزواج هو هداك فكرت و عاود فكرت ديجا كانت عندي تجربة فاشلة في الزواج و باغا نركز في خدمتي و نزيد القدام
مي حكيمة : ممم والله يسهل عليك ابنيتي يحيد من طريقك الشوك غنمشي نعلم الجيلالي و هاكي هاد البراكة ديريها في جيبك
انا: علاش ا مي حكيمة راني خدامة ويلي لا
مي حكيمة: عيشك ابنيتي لما خوديها كنت باغا نزوجك عاد نرجع لعروبية انا و جيلالي و لكن دابا ختريتي طريقك(و كتبكي)
انا كنبكي: اهيء اهيء صافي تنتي غتمشي
مي حكيمة : اهيء مكرهتش نديك معايا اجي خلي هادشي كامل و يلاه معايا عايش بنيتي
انا بغينت نقولها اه نمشي و لكن خفت و عنقتها و زيرت عليها و كنبكي و كنوح وتفكرت بابا: اهيء اهيءء منقدرش اهيء منقدرش علاش لي كنبغيهم كيمشي و عليا و لا كيوليو يكرهونيي ...و مي حكيمة تاهيا معنقاها و كتبكي دخلت كميليا شافتهم معانقين كيبكيو طاح عليها الضيم و مشات عنقتهم و بدات تبكي عليهم .....
نمشيو عند انور لي جالس في كرسي فواحد البيرو و عاطي البيرو بضهر و هي تدخل واحد المرة انيقة شعرها صفر و لبسة صايا كحلة و قميجة بيضة خاشياها فوق منهم فيست حمرا و داخلا و كتغوت : امسيو كيفاش تقدر تهجم على البروات ديال الناس واش كاينا سيبا في البلاد انا دابا غنعيط على شرطة ....وهو يدور الكرسي و كيشوف فيها بثقة و ابتسامة على وجهو هي تصدمات بقات غير واقفة حالة فمها: ا ا ان انور اش اش ك ك كدي
انور: ههه سلوى شحال ما تلقينا
سلوى: مكيهمش نتا اشنو كدير في البيرو ديالي راه غنعيط البوليس
انور : ههههه انا هو البوليس و البوليس هو انا
سلوى صفارت : اش اشنو دابا ع علاش رجعتي
انور: ممم جيت ناخد حقي من الورث
سلوي : كفاشش و اشمن حق
انور : تفضل اسيدي جلس ...دارت سلوى لقاتو المحامي ديال سي انصاف
سلوى: اشنو هاد شيي
انور : هههه انتهت الصلاحية ديالك سي تبقال عطيني ديك الوصية ..المحامي جبد الورقة و عطاها لي انور
انور: سلام انا سيد انصاف للعلوي اوصي بجميع ممتلكاتي بدون استثناء لبنتي صوفيا العلوي لي مدت لا تتجاوز ....ثلاثة سنين و مند دالك الحين ستنتقل جميع ممتلكاتي لزوج ابنتي السابق انور العثماني بعد احتضانه لابنتي
سلوى بدات كتقفقف: لا لا ميمكنش كيفاش
انور: ههههه مرديتيش البال الكمالة ديال الوصية دابا سلات ساعتك( دار بيديه الحركة تاع الكابوس ) بيو بيو بيو
سلوى بدات تعراق اراسها: هنهه لا لا نتا ميمكنش ليك تاخد الورث ههههه خاصك تحتاضن بنتو هههه و انا بعت بنتو هههه لاكبر شركة دعارة ههههههه ....انور تعصب و ناض هرص ليها يدها و قجها و عياو مايفكو فيه وووالو حتى جاو رجال ديالو : ديو هاد ال**** لبلاصتنا بغيتها تمنى الموت و متلقاهش ووياكم تقتلوها يلاه هزوها عليا .......
من بعد داك الوداع الحار بيني و بين مي حكيمة وودعت حتى جيلالي و بقيت واقفة كنبكي و حاضياها غادة في الاوطو و كنشير ليها تقدر تكون هادي اخر مرة نشوفها فيها و كميليا واقفة كتنخسس حدايا
كميليا: اهيء اهيء شكون هادو
انا مبتاسمة: اهل سيفطهم ليا ربيي
كميليا: اااه اهيء اهيء
دخلنا للدار مشيت لكوزينة و كميليا تابعاني
كميليا: خبارك وافقت على داك عرض العمل
انا مرشقاش ليا: ممم مزيان
كميليا: و لكن ماشي في هاد المدينة داكشي لاش انور غيمشي معايا انسكن تم و عندو شركة تم
انا تصدمت: ءءء؟ ااه مزيان ....دابا هي و انور غيمشيو يعيشو فشي مدينة اخرى و انا يمكن غيطلق سراحي مزيان غير يقوليا سيري فحالك غنمشي نصوني لمي حكيمة و جلالي نمشي معاهم كنت عيشة معاهم بخير ياربي ولخيرا غتفرجها عليا ...رجع انور بليل معطل شوية انا موجدة ليه العشا في الطبلة و كنتسنا بفارغ الصبر اخيرا غن نتهنا من هاد الكابوس و نمشي نعيش بلي قسم الله مع مي حكيمة كنشوف في انور داخل حاني راسو الارض و فحالا محطم طلع فيا عينيه و شاف الفرحة من عيني شاف فيا باشمئزاز ووصل ودفل على البلاسة لي وقفا فيها و مشا جلس في الطبلا جيت باش نحط دكشي عو يقول ليا : غير جمعيي يديك و لا شنو مخصنيش بهاد الماكلة لوجدتها***...وناض مفهمتش انا التصرف ديالو مرة كيدير اي حاجة باش يشبع فيا رغباتو و مرة كيبقا يعير فيا و ميحملنيش نقيسو بقا طالع ووقف وسط الدروج : ااه نتي جمعي حوايجك غتمشي تخدمي عندي في مدينة اخرى وبعدي من كميليا دابا تلوتيها
انا مصدومة ماشي حيت عيرني لا كفاش غيديني معاهم و انا لي رسمت احلام و اخيرا غنتهنا ياربي اشنو درت في حياتي العالم الله اش باقي غيدوز عليا
انور طلع البيتو ة زدح الباب وضرب يدو مع الحيط و كيتفكر هدرت سلوى فاش قالت ليه يعتها لدعارة: بنت*** منعف شحال من واحد دوزات معاه و جيا لعندي انا و لكن غير بلاتيي غندمك ......
نضنت الصباح سايبت الفطور و بديت نجمع في حويجي لبست كسوة طويلة فايتا ركبة عادية نص كم شعري خليتو هكاك معنديش الكنا ليه