أصبحت خادمة طليقي(قصة قصيرة )

12

تلقيت كميليا : واش بصح نتي هي مرات انور السابقة
انور: و علاش غنكدب ايه كانت مرتي و دابا ولات خدامة عندي
انا درت لعندو و دموعي في عيني و لكن مبكيتش بتاسمت ليه و صفقت: برافو اسي انور كنعتارف بلي راك نجحتي في الخطة ديالك و كانت خطط زوينة باش دمرني و تنتاقم مني صافي دابا شفيتي غليلك كتحس براسك مزيان كتحس براسك نتقمتي اوكي كنتمنا تعيش بسالام نتا و ختي كاميليا الله يكمل عليكم بالخير ...هي دارت و مشات خرجات من الباب و انور نزل الارض وشد من قلبو و مغمض عينو و مزير على قلبو
كميليا: انور مالك واش واش كيضرك قلبك مالك
انور ناض من بلاستو و طلع لبيتو: كميليا عفاك انا عيان قبلي الضيوف ....خرجت كاميليا عند الضيوف كتقابلهم و كتهدر معاهم حتى جا شي حد من اللور: جيتي زوينة بزااف
هي دارت مبتاسمة:ميرسي (تصدمت و جراتو)نتا اش كدير هنا
امين: علاش انا راه من المعروضين (ولصقها مع الحيط)باقي منسيتش ديك الضربة ديال ديك النهار من موراها كاعما بقيتي تجي لخدمة
هي سدات ليه فمو و درت صبعها على فمها: اششششش دابا يسمعك انور والله حتى يقتلني
امين : علاش مسيو انور غيقتلك ؟؟ ....و يلاه بغا يبوسها و هي تبعد و مشات هربت
كميليا: اويلي هادا مالو ناري ثم ناري لا شافني انور غيهرسني هادشي الى خلاني حية بعدا اووف اش غندير يا ربي نقوليه بلي خنتك لا لا الى قلتها ليه غيردني ممسحة اووف اش غندير انا
نرجعو عند صوفيا لي متكيا على جاجة دطموبيل ديال جيلالي و كتبكي على هاد الحالة لي وصلت ليها على كل لحظة دوزتها في هاد الحياة و كتحسر على النعمة لي كانت عندها و فقدتها دابا مبقات باغا والو من هاد الدنيا من غير تعيش وتعيش
كنحس بشي حد كيفقني
جيلالي: صفية راه وصلنا ...حليت عيني كيبان ليا راسي بلي حنا فشي فيلاج و ديك ساع كان الفجر و نزلت و دخلنا لواحد المزرعة صغيرة و سط منها دار
انا: فين حنا
جيلالي : هادي الفيرمة ديال مي حكيمة جمعت ليها فلوس و شرتها و انا شريكها في هاد شي مي حكيمة جايا كتجري لعندي و تعنق فيا و تبوس: توحشت اكبيدتيي حنينتي (انا دغيا طاح عليا الضيم دغيا بديت نبكي )
انا: اهيء اهيء متخيليش اش داز عليا اميي اهيء اهيء
مي حكيمة: عارفا بنيتي تكرفست اجي اجي دخلي ترتاحي ...دخلت تكيت نعست في حضن مي حكيمة كنحس بدفء فقت الصباح لقيت مي حكيمة موجدة ليا الفطور و المسمن و البغرير
انا: الله الله هادشي كولو ليا انا
مي حكيمة كتكب اتاي: هههه على شحال عندي انا من اللواط
انا: صوفيا امي حكيمة
مي حكيمة: اتي الصوفا و لا لاواط فحال فحال اجي تي باقا باغا تزوجي بجيلالي..
انا: الله يهديك امي حكيمة علما داز عليا مع انور مباقيش ندور بالرجال
مي حكيمة: شوفي ابنيتي ميكون غير على خاطرك و تاحد ميخسر ليك نتي بنتيي
انا بست ليها يديها: الله يخطيك ليا اميي و صافي
مي حكيمة: الله شحال توحشتك ابنيتي يلاه فطري باش تنوضي توردي البكر
انا: شناهوا نورد نتي صافا ولا
مي حكيمة: نوضي راه مبقات عندي صحيحة لي ورد
انا: امبوسيبل نقيس هداكشي ديال البكر و انموبوسيبل نقيس بكرا اصلا
مي حكيمة: غتنوضي ولا نقسمك
انا: البكر لا ايوا صافي في لخر يامي نقيس بكرا
نرجعو لعند كميليا لي بركا دور و تولول نارييي قفارت زدق كيعرف انور اشنو ندير يا ربي لا قالها ليييه شنو غيوقع غيمحيني انا خنتو ناري غنشوف صوفيا اووف ...اما بالنسبة لانور فمخرج من بيتو باقي غير متكي على ضهرو في الناموسية ز مغمض عينو ولكن منعسش و داير يدو على قلبو حيت كيدرو بزاف من البارح هو في هاد الحالة كيحس براسو خسر واخا هو انتاصر وخا انتاقم مقدرش يطفي ديك النار لي فيه هو حاير ....كميليا مشات لعن الخدامات : سلام مبانتش ليكم صوفيا
عيشة: ههه لا الالة شنو بغيتي نديرو ليك
كميليا: بغيت صوفيا
مينا: لا صوفيا مشات مع الجيلالي لعروبية و مباقش خدامة هنا
كميليا: اوووه لا ميمكنش اجي نتيي عارفهم فين
مينا: اأه راه في دوارنا خميس رميلة
كميليا: فين جا هادشي و شنو هادشي اصلا
مينا: هاد دوار ا لالة
كميليا: شنو هاد دوار تاني واش داير
عيشة : فيلاج الالة
كميليا: اااه نتي عارفاها فين انا واحلة محتجاها ديني عندها
هزت كميليا اوطو ديالها و معاها مينا و انطالقت عند صوفيا لهي هي واقفة قدام بكرة و ديرين لينا ليكات و ديرا زيف على نيفها
انا: نونو منقدرش نقيس هدشي يااع
جيلالي: شوفي هنتي غا بشوية حتى تعلمي
انا: عفاك ديرو نتا و قول لمي حكيمة نتا لي درتيه
مي حكيمة: ايواااااا راني سمعتك جيلالي سير شوف خدمتك انا لي نعرف لهاد اللفعة
انا: شوفي امي حكيمة بلا معيور و هادشي راه مغنديروش وخا نموت
مي حكيمة: ولا مدرتيهش غتموتي نييت جلسي توردي كالا
جلست على وعدي و سعدي قست داكشي و انا نعيف حتى بغيت نتقية
مي حكيمة: حيدي حيدي دجاج الضو شوفي كيف كنديرو نوردو
و بدات تورد انا دكشي كيغلفنيي اوووف منقدرش نبقا هنا
مي حكيمة : اجي فين غادا دوزي سيقي و غسلي الكوري