أصبحت خادمة طليقي(قصة قصيرة )

13

كراتها لينا مي حكيمة من المدينة انا و ديال كامليا لي جبتها ليها بزيتي و طلقنا ليك شعر و المكياج و مع لاطاي ديالنا انا وكميليا متخيلوش كيف طلعنا خطاار على المجتمع مهيم بقيت كنقاد لمينة و كميليا خرجات تفرج في الاجواء و مي حكيمة لداخل كطيب ....جا انور لديك البلاسة بقا كيسول حتى دخل و البنات و العيالات حلين فمهم فيه و في الوطو لي عندو حتى لقا كميليا واقفا تما ووحد دري صغير كيدوي معاها بغاها للحلال كالك و هي معرفاه حتى اش كيقول غير كتفرنس جا لعندها
كميليا: ا ا ا نور اش كدير هنا
داك دري : اييه هادي راه مرتي مدويش معاها انور بلهفة :فين صوفيا
كميليا: راها لداخل كتوجد مع ليوم عرس جيلالي ...انور شد من دراعها: ليوم عرسهم فيناهي دغيا ...كميليا: اي اي لاا راه ...رخاها و دخل الحفلة كيجيري كاع البنات ناضو شهقو و العيلات بداو يتخابرو و هو كيقلب ملقا حد و خرج دخل لدار لقاها يلاه خارجا هو يشد ليها من دراعها
صوفيا: ا ا انور اش اش كدير هنا ....هو يجرها هو يوقف عليه جيلالي : فين غادي بيها انا مغنخليكش صفية دخلي ...هو يضربو غير دربا سكتاتو الارض و خرج و جر كميليا و ركبهم اللور و كسيرا بزربة ...كميليا: علاش درتي هاكا انا اول مرة نحضر لشي عرس ...
انور معصب : غتزيدي كلمة اخرى غنقلب هاد الاوطو ....انا بانت ليا القضية حامضة و انا نغز كميليا تسكت ولات كتهدر بشوية: مالووو هاكا معصب
انا بشوية : منعرف يمكن ملقاكش في دار و لكن انا مالي
انور هدر بجهد حتى قفزو: مغتسكتوش ....تما درنا راس على راس و نعسنا فاش فقت لقيت راسي ناعسا فوق الفتوي ديال المراح ديال الدار وواقفة حدا راسي فضيلة
انا: فضيلة اش كديري هنا ....درت لقيت خو انور كيشوف فيا و مخنزر امالو هادا يا ربي
فضيلة: منصور تعالا معايا دقيقة مشاو طلعو لبيت انور انا نضت مشيت لكوزينة نشوف ماناكل كانت ديك ساع 5 دصباح حتى حد باقي مفايق اما في بيت انور كانت كميليا مع انور و هو جالس فوق النموسية و داير يدو فوق راسو و لخرين واقفين عليه
كميليا: لااا هاداك راه ماشي عرس جيلالي و صوفيا راه عرس مينا و جيلالي ...انور طلع فيها عينو مصدوم
فضيلة: شفتي تهور ديالك فين خرجك فحالك فحال خوك دابا غير ضربتي سيد على
منصور: دابا من هادشي كامل علاش جبتي ديك خيتي هنا كون خلتيها مجولقة
كميليا: لا راها تعدبات بزاف متقولش عليها هاكا براكا عليها غير سلوى بغات تبيعها لدعارة كون مهربات مسكينة منعرف اش كان غيوقع ليها ....انور ناض و شد من كتاف ديالها ....انور: قولي كيفاش و شنو وقع ....كميليا عودات لانور كلشي لي علودات ليها مي حكيمة و اشنو داز عليها ..بدا قلب انور كيدرو و كيزر على يدو بالعصاب و فما كتقوليه كميليا شنو كان غيوقع ليها كيحس بقلبو غيخرج من بلاستو فاش سالات خرج فحال لهبيل كيقلب عليها مشا لموزينة لقاها كتشرب لحليب شدها دورها عندو هي يلاه غتخدر هو يعنقهااا و زير عليهااااا و خشا وجهو في عنقهاا .....كنت كنشرب لحليب حيت كنحس بمعدتي عتحسك بجوع تا دورني شي حد عندو لقيتو انور و كانو عينو فيهم الدموع تصدمت متوقعتهاش من و بغيت نقوليه مالك و لكن هو عنقني بجهد و خشا وجهو في عنقي و شي قطيرات سخونين كينزلو مع عنقي عرفتو كيبكي تانا عنقتو و زيرت عليه و بلا شعور بديت كنبكي معاه معرفتش مالي و لكن مبغيتش نشوفو ضعيف هاكا ....جا منصور و فضيلة و كميليا تابعينو حتى لقاوهم في الكوزينة معنقين منصور و فضيلة دارو عند كميليا
كميليا و في عينها الدموع و لكن مبكاتش و في فمها وواحد الابتسامة و بغات تمشي
منصور: فين غدا
كميليا: لا لا خصني نمشي باش منلعبش دور شرير لي غيفرقهم انور عمرو مبغاني انا ديما كنحصلو كيشوفيها كنحاول نكرها و لكن مكنقدرش و لكن فاش عرفتها هي مرتو عرفت راسي نقدر يكون ماشي ديالي و لكن بغيت نبقا في جنبو و معاه حتى يتأكد ليا هادشي و انا دابا غنمشي بحالي
انور: سمحليا بزاف اكميليا مقصدتش
كميليا: ههه لا لا انا بخير الله يعطيكم السعادة و لكن الخاتم نخدو و لا نرجعو ليك ...كلشي ضحك و صوفيا عنقات كميليا و بقاو كيبكيو تغداو كملين في جو ديال الضحك و انور قرر يعاود يعقد القيران بصوفيا اما كميليا فباركت ليهم و انسحبات و خرجات مشات كتقلب على راسها مشات لدارها و بقات تفكر اش غدير حيت هي ميمكنش ليها تخدم عند شركة اخرى لانها دارت العقد مع شركة الاخرى صافي لبسات حويجها و اتجهات لشركة امين
سيكريتير: مدموزيل عندك شي موعد
كميليا: لا مي راه انا الوجه ديال الشركة و بغيت نهدر معاه بخصوص العقد
سيكريتير: سمحليا هو مشغول دابا
كميليا: ادن هو كين في البيرو
سيكيريتير: وييي و لكن ....مشات كميليا دخلات لعندو لقات معاه واحد المرة كبيرة في السن و لابسا مزيان امين غير شافها هو يوقف
كميليا: سلام جيت نهدر معاك بخصوص العقد بغيت نلغيه
امين: شنو لا ميمكنش و اصلا دابا انا مشغول تال من بعد و نهدرو
ديك المرة: لا ولدي غير كمل خدمتك