سيف لا تحجين هيج لان اكيد راح يتحقق طموحج
ريما بعد مادري اللة كريم بس اول و تالي راح ازوج واللة ماريد ازوج بعدني صغيرة و اريد اكمل دراستي ليش هيج حضي
سيف بعد شنسوي بس انتي صيري قويه مثل نارين مو تستسلمين هيج ويخلي بابا يزوجج
ريما انشاللة سيف هسة اني اريد ارتاح شوي
سيف أوك براحتج اني راح اطلع تحتاجين شي
ريما لا سلامتك بس شكرا لان وكفت وياي أول مرة اشوف اخ يوكف ويه أخته
سيف لا اني اصلا اخوج لازم اوكف وياج
ريما ابتسمت و بعدين راح اني كلت بكلبي اول مرة اشوف سيف يدافعلي بينما هو يشمت بيه لان مرات بابا يكتلني أو يصيح علية و هسة مدري شمغيرة بس اني كولش فرحت من شفته هيج يدافعلي و يكلي صيري قويه و بعدين ضليت افكر ماحسيت بشي نمت
ريتا
اول مرة بحياتي اشوف امريكه واللة اعشق السفر و هنا تحققت طموحي انو اسافر و اعيش حياتي حلوة احسن من هناك واني عشت يم نارين لان ماعندي غيرها و اني هسة عايشة مرتاحه بس ضل بالي على ريما مدري شصار بيها عفناها وكولش انقهرت عليها بس وأول وتالي راح نرجع نجيبها يمنة بامريكه.
نارين ها ريتا هسة ارتاحيتي من سافرتي
ريتا أي واللة كولش ارتاحيت لان جنت مخنوكه هناك و هسة لا تحقق طموحي واخيرا سافرت
نارين بس خطية ريما ما جبناها ويانه واني ضل بالي عليها
ريتا واللة حتى اني ضل بالي عليها بس اول و تالي راح نجيبها يمنة
نارين أي هم صحيح أول و تالي نجيبها يمنة
ريتا نارين شرايج نطلع شوي نتمشى لان كولش احب أماكن أمريكا
نارين أي اكيد يلا روحي حضري نفسج علمود اوديج مكاان يجنن
ريتا بفرح ايييييي
رحت حضرت نفسي لبست بنطرون كابوي و بلوزة نص ردان لونه ابيض و حذاء شوز ابيض رياضي و سرحت شعري طبعا اني ذبيت حجاب لان اتعقد منه صرت نفس نارين سبورت و نارين لبست هم بنطرون كابوي و بلوزة نص ردان مثلي هم ابيض و شوز ابيض هم يعني كشخنة اني وياها و طبعا كلنه للادم زوج نارين ياخذنه بس هو كال روحن انتن بحدجن اني مابيه حيل و نارين كالت اووي تعاي ريتا امشي نروح بسيارتي احسن طبعا نارين عندها سيارة جارجر حمرة ادم مشتريلها هدية و اني كولش فرحت لان راح اركب سيارة جارجر كولش احب جارجر و صعدت اني كدام و هي تسوق واني كتلها
ريتا واللة احب جارجر ينيالج عندج هاي سيارة اتمنى اشتريها
نارين انشالله حبيبج يشتريلج جارجر
ريتا اووي انتي يا حبيبي هو شوفي حبيبج سبورت و شخصية و مثقف طبعا يشتريلج سيارة جارجر
نارين هههههه انتي تغارين مني لان عندي سيارة جارجر
ريتا لا ما اغار بس بمستقبل اشتري سيارة جارجر لونها سودة احسن من لون احمر الي هو سيارتج
نارين هههههه اصلا لون احمر احلى من لون اسود
ريتا أي مو انتي هاذ لونج مفضل اعرفج
نارين شلون عرفتي هاذ لوني مفضل
ريتا من سيارتج
نارين اهاا خوش تعرفين لوني مفضل
ريتا شعبالج
بعدين رحنه للمكان يجنن واني هاذ مكان احبة الي هو يم شط كعدنه يم شط و شوي كالت نارين
نارين نروح للمطعم نشرب عصير و بعدين نروح نتسوك
ريتا خوش فكرة يلا امشي
مشيته رحنه للمطعم شربنا عصير و بعدين رحنه تسوكنه اني اشتريت ملابس الي و نارين هم اشترت ملابس الها و اشترت هديه للادم كالت هاذ عجبني و اكيد راح ينعجب ادم بيها
ريتا أي حلوة نزاكه
و بعدين رجعنه بليل لان تاخرنه من عصر لليل و رجعنه تلكانه ادم جايب وياه عشة من مطاعم و كال
ادم ها هلاو رجعتو
ريتا أي رجعنه تعباانين و ميتين جووع
ادم هههه ديلا روحن بدلن علمود نتعشة
نارين أوك يلا تعاي ريتا بدلي بغرفتج
ريتا أوك
رحت بدلت تراك نص ردان عادي اطلع كدام ادم لان اني بعد ذبيت حجاب و مالبس بعد حجاب و رحت نزلت تعشينه جان جايب همبركر و مقبلات و كولا جان العشة كولش طيب و بعدين رحت نمت لان كولش تعبانه وماحسيت بشي
نرجع لريما
ريما كعدت الصبح متكسرة و اجت ماما كالت
ندى يلا ريما كومي من نوم راح يجون يخطبونج
ريما شنووو
ندى أي مثل ما كال ابوج راح يجون يخطبونج
ريما كبل نزلت دموعي وكلت
بس ماما ليش تغصبوني على زواج كتلكم ماريد ازوج
ندى جا اني شعلية هو ابوج يريد يزوجج و بعدين احنا كبل من جنه بجيلنه جان اهالينه يزوجونه من جنة عمرنه 13
ريما بس ماما واللة عضيم ماريد ليش هيج بابا يزوجني شراح استفاد اذا تزوجت
ندى واللة مدري شكلج بس هم نريد نفرح بيج و انتي هم فرحي لان راح تزوجين واحد
ريما و منو هاذ الي راح اخطبة
ندى واحد من جيرانه اسمة محمد هو راح يخطبج
ريما شنووو ازوج هاذ معقد عيييع واللة ولا اريدة
ندى هو بكيفج علقل هو اخلاقه حلو
ريما يا اخلاق جا هو مو مزوج
ندى لا ما مزوج بس اجو علية رادو يخطبونه بس هو ماقبل
ريما جا علاوه يزوج واخلص
ندى هسة بدون حجي زايد يلا روحي حضري نفسج لبسيلج بدلة ايشي بس كون بسرعه يلا
ريما اوووف
بعدين رحت لبست فستان بنفسجي و حطيت مكياج و سويت شعري بس اني مو فرحانه بس دموع تصب
و اجه سيف كال
ها هاي وين رايحه اشو لابسة بدلة ليش تبجين بس لا راح يخطبونج
ريما أي راح يخطبوني
سيف امداج اني كتلج صيري قويه و كلي لبابا انو ماريد ازوج و تلحين علية بس انتي فاهية و ضعيفه و شفتي هسة شفتي شصار
ريما رجاءا لا تشمت بية شفت حضي هو هاذ حضي شسوي يعني
سيف من امداج و امدة حضج الفاشل
ريما و بعدين بجيت حييل و كمت اصيح و كلت بكلبي صحيح كلام سيف
اهنا حبايب ينتهي البارت واتمنى يعجبكم البارت و اتمنى هم تصوتون و دعموني علمود استمر بااي😍❤️😘
