نمت و ما حسيت بشي و بعدين صار صبح كعدت رحت غسلت وجهي و نزلت جوة ماما دتسوي ريوك كتلها صباح خير
ندى صباح نور ريتا يلا كعدي ريما و سيف و ابوج ختر نتريك و نروح للصالون اني وياج لان اليوم خطوبتج
ريتا اوك
رحت كعدت الكل على ريوك و كعدنه نتريك و بابا كال
يوسف هسة راح ترحون للصالون مو
ندى أي هسة راح نروح
يوسف لعد بسرعه تريكو و كملو واني اوصلكم
ريتا و ليش مو احنا نروح بحدنه
يوسف ليش ترحن بحدجن اني اوصلجن واروح
ريما واني ارووح
يوسف لا انتي ابقي هنا نضفي البيت و رتبي و حضري نفسج على خطوبة اختج
ريما اوك بابا
كملنه ريوك رحت بدلت و ماما كالتلي
ندى يلا ريتا ما خلصتي تأخرنه على صالون
ريتا أي ماما هسة خلصت
نزلت جوة وبابا وصلنه للصالون ودخلنه بصالون وكلت اني لازم اشرد لان ماريد ازوج وبعدين شفت حمام برا و بعدين طبينه للصالون و كلت لماما
ريتا ماما انتي ابقي هنا اني راح اروح للحمام برا اكو
ندى أوك بسرعه مو طولين
ريتا لا ما أطول بسرعه هو هاذ حمام
وبعدين رحت علساس حمام بس شفت محد ماكو و بسرعه شردت ركض رحت اجلت تكسي و ركبت حتى ميته خوف كلت لا يشوفني بابا حتى كلت لابو تكسي ممكن أسرع شوي لان مستعجلة هو كال أي و كتله عنوان مال بيت صديقتي رند و صدك رحت وصلت بسرعه لبيت صديقتي دكيت باب حيل و شفتها طلعت و فتحت باب
رند ها ولج شردتي
ريتا أي هسة طببيني للبيت و اسولفلج
رند أي يلا تعاي طبي بسرعه
طبيت للبيت و سولفت للرند كولشي هي كالت
رند لا تخافين اهمشي شردتي من اهلج
ريتا أي بس اني لازم اسافر لاختي وماعندي فلوس
رند ولا يهمج اني ادبرلج فلوس
ريتا والله متقصرين وياي و ماراح انساج معروفي
رند لا هاذ واجبي شلون ما اساعدج
ريتا أي لان ماريد ازوج واني صغيرة
رند أوك حبي اجيبلج شي تشربينه
ريتا أي اريد ماي
رند أوك راح اجيبلج
جابتلي ماي و كلتلي و هسة شراح تسوين
ريتا اختي نارين راح تساعدني اني خابرتها بارحه كلتلي انشالله اجي عليج انتي و ريما اخذجن وياي اسفرجن
رند اهاا زين ريما تدري بيج انتي شردتي
ريتا أي تدري لان هي ادري بيها ماراح تحجي لان اني احجيلها اسراري و هي تحجيلي اسرارها ولا مرة مفتنه علي
رند خوش هي هم وياج بس شلون تاخذين ريما وياج اذا ابوج ما قبل
ريتا اختي نارين تاخذها
رند اهاا لعد ننتضر لحد ما تجي نارين تاخذج انتي و اختج بس اكولج انتي جايبه وياج جنسية مالتج لو لا
ريتا أي جايبتها وياي طبعا
رند زين ما ناسيتها
ريتا أي لان اني بارحه محضرة كولشي وياي
رند أوك تمام هسة يلا تعاي انطيج ملابس من عندي
ريتا اوك
رحت خذيت ملابس من رند تراك لبستهن علية حلوة و خابرت نارين كتلها
ريتا هلااو نارين شلونج
نارين هلاوات عمري تمام وانتي طمنيني عنج شخبارج شصار وياج
ريتا واخيراا شردت منهم
نارين عفية عليج و باجر اجي اخذج انتي و ريما
ريتا أي أوك لان ماريد بابا يعتب على ريما و يتهمها
نارين أي لان أخاف مسويها شي
ريتا أي اني خايفه عليها
نارين لا تخافين صيري قويه و ريما انشالله مابيها شي
ريتا انشالله
نارين هسة ديري بالج على نفسج و لا طلعين برا لحد ما اني و رجلي نجي للعراق ناخذجن ويانه
ريتا انشالله يصير خير
نارين هسة باي اني راح اروح تريدين شي بعد
ريتا لا ماريد شي سلامتج
و بعدين سديت الخط و رند كالت
رند هاا طمننيني شصار شحجتلج
ريتا كلتلي من باجر اجي اني و رجلي ناخذجن ويانه
رند أي تمام لعد صار ضهر تعاي نسوي غدة اني وياج
ريتا أوك يلا كومي نسوي الغدة
نرجع لاهل ريتا
ندى اووف وين راحت هاي ريتا بس لا صار بيها شي
وراحت دور عليها و مالكتها و بعدين خابرت يوسف كالت
ندى يوووسف الحكنيي بنتك ريتا ضاعت مدري وييين
يوسف شتخربطيين انتي وينننهاا
ندى وهي تبجي والله مادري كلتلي راح اروح لحمام و بعدين اختفت😭
يوسف شلووون تخلينها ترووح لحمامم
ندى واللة مادري عبالي صدك تروح لحمام
يوسف وانتي صدكتي موو ولج هاي بنتج اذا ما الكاها و احركها ما يطلع اسمي يوسف فشلتنه كدام العالم شيكوولون هسة العالم هااا شيكوولوون 😠
ندى تعااال الحكني دور على بنتك هسة عوفنه من العالم أخاف صارلها شيي
يوسف انشالله يصيرلهاا شي و لا تشرد هسة جايلتلج للصالون
ندى أي تعاال
اجة يوسف و كال وينهاا هااي
ندى واللة اني عبالي صدك تروح لحمام بس فجئتن اختفت مدري وين راحت
يوسف شبسرعة انتي تتكشمرين تدريين بنتج هااي مو راحة
ندى وهي تلطم على رأسها و تكول واللة مادري وينهاااا
يوسف دمشينه بلبيت و يصير خير هناك
رجعو للبيت و تلكو ريما و سيف و اجة يوسف و كال
يوسف ولكم ويين شردت اختكم هاي العار هااا احجو اذا تعرفون شيي عنها
ريما شنووو بابا يعني ريتا شردت من صالون
يوسف و نزلت روسنه شيحجون هسة العالم علينه
سيف شتحجي بابا وينها ريتا
يوسف ولكمم شردت من صاالون كشمرت علينه هاي اختكم العاار
ريما اول شي بابا لا تكول عنها عاار و ثاني شي احنا ما نعرف وينها
يوسف انتييي نجبيي اكيد انتي تعرفين عنها أخبار بس ما تكولين هسة كوولي وينها
ريما والله ماعرف عنها شي و لا أدري شي عنها
يوسف اخخخ اني متبري منها ليوم دين اذا لكيتها بعد اكضها و اجي احركها حرك
ريما بابا اهدء خلي اجيبلك ماي ختر ترتاح
ندى وهي تبجي و تلطم وللج اختتج هااي كشمرت علينه و نزلت روسنه بعد شنحجي هسة للعالم نكلهم شردت يعني
ريما ماما لا تفكرين بحجي عالم فكري بنتج علقل
يوسف وللج كلاام عالم اهم من اختتج بهوااي هسة شنكلهم أهل عريس نكلهم شردت و ماتريد تتزوج
سيف اهوو احسن شي اصعد فوك مالي دخل بيهم
يوسف وانت وينن صاعد واختك شاردة من عدنه المفروض انت تدور عليها و تلكاها و تموتها
سيف بابا اني شعلية بيها خلي عساها بعد ما ترجع شنو هاي مشاكل ما تخلص عاد ترا مليت من عندكم و صعد فوك
ندى شبي ابنك الثاني شنو احنا عدنه مو جهال حيوانات بنتك نارين زوجت و راحت سافرت ويه رجلها عاار و روح شوف شعرها طالع و لبس عاار و هاي بنتك ريتا شاردة و ما تريد تزوج و ثاني ابنك سيف مدري شبي ولا هامة و ريما تكول معلينه بحجي نااس دخيلك يا ربي شنو اني عندي حيوانات مو جهال
ريما اهوو انتم ماراح يفيدكم حجي اني هم صاعدة فوك احسلي
يوسف اخخخ يا ندى لو ما جايبتينه جهال جان احسن النه هسة شراح يكولون العالم على جهالنه
ندى اووف يا يوسف تورطنه بعيشتنه هاي
يتبع
