ريتا بعد ما شردت من اهلي ضليت عند صديقتي رند لحد ما انتضرت اختي نارين تجي تاخذنه اني و ريما بس هي كولش تاخرت علينه واني خايفة من بابا يجي يلكاني بس رند تكلي لا تخافين يجوز نارين تجي باسرع وقت و تاخذج انتي و ريما
ريتا الله كريم مادري بعد
نرجع ليوسف
يوسف احناا مايصير نسكت لازم نلكه بنتج باسرع وقت
ندى اهدء يوسف بلكت هي تجي من وحدها اني خايفه عليها
يوسف و فوكاها تخافين عليها وهي شردت علمود ما تزوج بس اني أعلمها اذا ما الكاها و اموتها ما يطلع اسمي يوسف
نزلت ريما و كالت
ريما بابا عوفها ريتا كلى منكم انتم الي خليتوها تشرد علمود زواج وهي ما تريد تزوج فهيح شردت منكم
يوسف انتي معلييج فاااهمة يجوز انتي تعرفين وين شردت اختج بس ما تكولين
ريما لا اني ما اعرف وين شردت بس اني داكلكم كلى منكم خليتوها تشرد من ضلم
يوسف اشو تعاي بنت كلب فوك ما اختج شردت و انتي دافعين عليها
ريما أي طبعا ادافع عليها شنو هي حقها تشرد من سوايتكم
بعدين اجه و كمش شعر ريما و كلها
يوسف شوووفيي عااااد بعد اختج تنسيها يجوز سافرت ويه اختج العار الثانيه
ريما لاا مو عاار هي ولا تحجي على خواتي
يوسف ضرب ريما 👏 وكلها
يوسف احترميني فتهمتي لا اركعج راجدي ثاني السانج صاير طووييل رادله كص
ندى يوسف عفية عوفها بعد ما تحجي ريماا روحي لغرفتج كاافي احترمي ابوج
ريما ببجي والله انتم ما الكم فايدة حقها ريتا تشرد من عندكم
يوسف انجبي بنت نعال بعدج زعطوطه و السانج طوييل على ابوج
ندى رييما رووحي للغرفتج لا تدخلينن يحجي كبار
ريما عفتهم و صعدت لغرفتي ابجي اجه سيف و كال
سيف هاا شبيج تبجين جنج زعطوطه
ريما ما شفت بابا ركعني راجدي علمود دافعت على ريتا
سيف جا صوجج ليش تحجين كدامه
ريما علمود يعرف انو هو غلطان
سيف جا يصير بزايد يموتج تموت
ريما سييف رجاءا روح منا اريد ابقى وحدي
سيف طبج طوب ابقي وحدج
راح سيف و اني ضليت ابجي بزايد لحد ما غفيت ما حسيت بشي
ريتا كعدت صبح و لكيت رند كاعدة كتلها هااا صبااحوو
رند صباحوو اشو فرحانه
ريتا أي لان بارحه خابرت نارين
رند صدك
ريتا أي كلتلي راح اجي اليوم اخذج انتي و ريما
رند يااا يعني راح تسافرين و تركيني موو
ريتا ههه لا شلون اتركج دوم اخابرج هناك
رند أوك بس و اختج ريما شلون تجيبينها وياج
ريتا نارين و زوجها وياي نجيبها
رند اهاا
ريتا أي و مناك نسافر
رند خوش لعد
ريما كعدت الصبح واسمع عياط جوة صاير نزلت اشوف شنو و شفت أهل ولد الي راح يخطبون اختي ريتا كالو
ابو ولد شوفو احنا بعد ما نريد بنتكم لان شردت و احنا ماعدنه مرة تشرد من زواج
يوسف اهدو شوي بلكت نلكاها يجوز مخطوفه
ابو ولد يا مخطوفه مبين شاردة مو مخطوفه
ندى أبو علي بس اصبر علما نلكاها و نخطبكم ابنكم
علي لا بعد ماريدها اني تولي
يوسف زين احنا عادي نطيكم بنتنا ريما
علي لا ماريدها صغيرة شلون تكدر تخدمنا
أبو علي أي كلام ابني صحيح
يوسف لا أبو علي حرام عليك
أبو علي لا حرام ولا شي هسة احنا رايحين مع سلامه يلا امشونه
يوسف أبو علي بس لحضة خلي نتفاهم شوي
أبو علي لا ماريد اتفاهم ويه ناس بنتهم شاردة
يوسف لا ابو علي لا تحجي هيج
وبعدين راحو وبابا كال
يوسف شفتيي ندى شفتي بنتج شسوت بينه راح تنفضح سمعتنه شيكولون ناس علينه هسة
ندى وهي تلطم و تبجي اخخخ يا ريتا شسويتي بينه اخخ منج
ريما كافي ماما لا تدعين على بنتج ترا هاي بنتج
ندى انتي انطمري وروحي سوي ريوك معليج بحجي كبار
ريما رحت ما هتميت بس خايفه على ريتا كلت أخاف صارلها شي
سويت ريوك كملت و كعدت سيف علمود يتريك وبابا كال
يوسف اني ماريد اتريك راح اروح ادور على هاي حقيرة
ندى علقل تريك و روح دور عليها
يوسف لا ماريد الله يعلم هي وين
ندى أوك براحتك روح دور عليها
راح بابا دور على ريتا و اني خايفه يلكاها بس هي تكول راحت بيت صديقتها رند و بيتها كولش بعيد فميكدر بابا يلكاها
نرجع لريتا
خابرتني نارين و كلتلي يلا حضري نفسج راح اجي عليج اخذج
ريتا أوك بس و ريما
نارين اول شي نجي عليج و بعدين على ريما
ريتا أوك
وبعدين مرت ساعه و دك باب اني كبل فتحته و أول ما شفت نارين شبكتها حيبل لان كولش مشتاقتلها
نارين لا تبجين ريتا صيري قويه
ريتا والله ما مصدكه انتي
نارين ههه لا صدكي بعد اني اختج و ما نفارك بعض
و شفت زوج اختي خلي اعرفكم علي
هو اسمه ادم عمره 25 سنه هو عايش بغداد بس جان مسافر و راجع من سفر و كمل هناك دراسته و شاف اختي نارين و تعرفو بعض و بعدين اجه خطبها بابا همزين وافق و زوجها و بعد عاشو سعادة و بعدين سافرو وبابا كال بعد ماريد اشوف نارين مرة ثانيه لان صارت عاار و سافرت من كيفها و اختي بعد ما رجعت للعراق هي زوجت من عمرها 19 و هسة عمرها 22 و عاشت هناك بامريكة حياتها صارت حلوة هناك (ملاحضة طبعا نارين جانت محجبة و هسة بس زوجت و سافرت نزعت حجاب لان زوجها ادم ناطيها حريه)
سلمت على ادم و بعدين نارين كالت يلا نروح ببيت ناخذ ريما
ريتا أوك يلا امشينه
حبايب كلبي لهنا ينتهي بارت واتمنى يعجبكم البارت و دعموني ولا تنسون تصوتولي هم و تفاعلون القصة علمود استمر اكثر بقصة بااي 😍😘😉
