ريتا
عشت حياتي ويه نارين و زوجها ادم و كولش مرتاحه بس اني مقهورة على ريما مدري شصار بيها و اجيت كلت نارين
: نارين اني كولش خايفه على ريما خنرجع للعراق ناخذها ويانه
نارين حبيبتي ريتا شي اكيد ميقبل بابا و راح يطردنه و ما يخلينه ناخذها ويانه
ريتا بس اني ضل بالي على ريما شلون
نارين اني عندي فكرة ليش منخابر سيف نكله نريد نسمع صوت ريما
ريتا خوش فكرة ديلا خابري
خابرت نارين سيف و رد هو كالت
نارين هلاو سيف شلونك
سيف هلاو نارين تمام وانتي
نارين تمام بس اني خابرتك علمود نريد نطمن على ريما وينها صيحلي ياها مشتاقلينها
سيف ليش انتي ما دريتي بيها
نارين لا شنو شبيها ريما
سيف ريما تزوجت واحد من جيرانه
نارين بصوت عالي شنووووو
سيف أي بابا زوجها يكول علمود لا انتي تاخذينها
نارين شتحجي انت من يمتى تزوجت هية
سيف من انتن اجيتن ردتن تاخذنها و تسافرن هو كال من باجر ازوجها و صار الي صار
نارين ضلت تبجي و كالت احنا راح نجي نطلكها و وناخذها مو بكيف بابا و كلة نارين تكول راح تجي باي وقت و تفضحكم و تخلي ريما تطلك منه فاااهم و هسة تكله
سيف اووك
سد الخط و ضلت تبجي و اني كتلها
ريتا ها شكو شصاير ليش تبجين شبيها ريما
نارين بابا زوجها ريما بعد ما نكدر ناخذها
ريتا شنووو شلون ما نكدر ناخذها
نارين لا تخافين احنه لازم باي وقت نطلكها وناخذها من ايد بابا لان بابا بعد زودها وما اله حل
ريتا لا نارين احنا ما يصير نستسلم لازم واخذها ريما لان راح تتعذب
نارين أي ماراح نستسلم
ريما
كعدت الصبح و رحت سويت ريوك و كعدنه تريكنه كلحنه بس بقى محمد ما تريك ويانه طالع ويه جماعته واني رحت غسلت ماعين مال ريوك و خلصت و اجت ياسمين اخت محمد كالت
: ها ليش تعبتي روحج جان اني غسلت الماعين
ريما لا حبيبتي ماريدج اتعبج وياي
ياسمين شنو رايج نروح الحديقة نكعد نتكرز و ناكل حبشكلات
ريما خوش فكرة ديلا امشينه
رحنه كعدنه اني وياها بحديقة ونسولف و نضحك و ناكل جبس و نستله و حب لحد ما اجه محمد كال بصوت عالي
محمد هاااي شتسوون هناااا
ياسمين على كيفك محمد يعني شنسوي كاعدات بحديقه نسولف
محمد دمشيي طبننن جوةة ما تشوفن الولد يتفرجن عليجن
ريما اني بسرعه طفرت و كتله و يعني واذا احنا لابسات شال و محد يشوفنه
ماحسيت الة راجدي سطرني سطر حتى خشمي ضل يصب دم و ركضتلي ياسمين و كالت محممدد شسويتت ببنيه
محمد شسويت يعني بس ضربتها راجدي
ياسمين يعني علمود اتفه شغلة ضربتها راجدي
محمد اول شي خلي تلزم حدودها مو مال احترام هية
ريما انت الززم حدودكك يلا حقييير
جرني من شعري حيل و دخلني و صعدني فوك بغرفه و قفل باب و طلع حزام ضل يكتل بيه حيييل و جسمي انخدر من ورة كتل حتى انغمى علية و فتح باب و طلع و لا عامه واني منغمي علية بلكاع و اجت ياسمين تبجي علية و كالت تعاي ناخذج بمستشفى بسرعهه
و خذوني للمستشفى و بعدين طلعوني و رحنه للبيت و اني ضهري يوجعني من ورة ضرب و كتل
اخذتني ياسمين لغرفتها و كالتلي نامي و ارتاحي واني راح اروح اسوي عشة
: أوك
نمت و كعدتني ياسمين كلتلي
: يلا كومي تعشي و رجعي ارتاحي
: أوك كايمه
رحت تعشيت و محمد ضل يخزر بيه و اني ما هتميت طنشته و بعدين رحت ويه ياسمين اغسل ماعين هي كالت
: روحي انتي رتاحي اني اغسل ماعين
: أوك
رحت ارتاحيت و نمت شويه و بعدين كعدت تحسنت شويه
ياسمين ها تحسنتي
ريما أي شويه تحسنت
ياسمين اني كتلج طنشي عوفي تدرين هو عصبي
ريما بس اني ما كلت شي هو غلطان مو اني بعدين على أي أساس يكتلني اخوج اني شمسويتله
ياسمين تدرين بي هو يحب بنت خالي الصخلة شكد اكرها همزين ما زوجته
ريما بعد احسن اذا تزوجه علمود تادبه
ياسمين شتحجين انتي مشايفتها شلون مكروهة
ريما هي اني شايفتها حتى احجي عليها
ياسمين بعدج مشايفه شي عنها
ريما أي
ياسمين هسة انتي رتاحي راح اسوي كهوة نشرب اني وياج
ريما أوك
سيف جنت كاعد اكلب بموبايل و اجه اتصال من نارين كلت واخيرا اتصلت علية حتى ما سألت علية رديت أول ما رديت كلتلي هلاو سيف شلونك اني كتلها هلاو نارين تمام وانتي
: تمام بس نريد نطمن على ريما مشتاقينها
أول ما كالت هيج اني تفاجئت و كتلها ليش انتي ما دريتي بيها هي كالت لا شنو شصاير ويه ريما
اني سولفتلها السالفه كلها و كلتلي تروح تكول لبابا انو راح نجي نطلكها و ناخذها و مو بكيف بابا و بعدين سدت الخط و رحت كلت لبابا كولشي و بابا انصدم وعصب و كال
يوسف لا متكدر تاخذها مو بكيفها و بعدين لازم تعزل ريما هي و زوجها محمد علمود من تجي ما تلكاها
ندى بس بعدهي توهم زوجو ما لازم ينعزلون بسرعه
يوسف علسا ما شقة اهمشي ينعزلون يعني بيت بحدهم علمود لا تعرف نارين و تاخذها و تفضحنه
ندى بعد بكيفك انت بس اهمشي تكون مرتاحه ريما
يوسف مرتاحه مو مرتاحه اني ما يمهمني الي يهمني ما تاخذها نارين و تسفرها وياها علمود شيكولون الناس
ندى أي والله اهمشي شرفنه علمود لا يحجون عالم
ريما
ضليت 5 أيام واني مزوجه واتمنى أعرف اخبار عن نارين و ريتا لان كولش مشتاقتلهم و ضليت اتعلق بياسمين و انام يمها بعد 3 أيام ما احاجي محمد على سوايته الي سواها و بعدين اجة بابا للبيت و سلم علينه و اني ضيفته و كال بابا
يوسف شوف أبو محمد ابنك و بنتي لازم ينعزلون و يحطوهم بيت بحدهم
أبو محمد بس يا أبو سيف توهم معرسين يعني شلون ينعزلون بحدهم
يوسف لا يا أبو محمد اني مو قصدي هيج بس علقل يحطوهم شقة بحدهم و يعيشون بيها مرتاحين
ريما بس بابا توني معرسه واني ماريد أعيش بحدي
يوسف سكتي انتي معليج و بعدين مو بس انتي تعيشين وياج زوجج هو يدافعلج
ريما هه لو شايف جسمي و وجهي كله خريطه من ورة كتل و ضيم الي عايشتها و بعد تريدني اعيش وياه
يوسف عادي هو زوجج ولازم تتحملين المسؤوليه
ريما شتحمل بابا شتحمل اذا هو كلساع يكتلني و بعدني ما مزوجه و يكتل بيه
يوسف تحملي و صبري علمود من يصير عندج جهال تتحملين مسووليه
أبو محمد الله كريم أبو سيف الي تريدة يصير اني وياك
يوسف مشكورة أبو محمد ما قصرت
أبو محمد ولو أبو سيف هاذ واجبي لا تشكرني
يوسف بس وينه محمد ما شفته يوم
أبو محمد طالع ويه جماعته
يوسف اهاا لعد يلا اني اترخص مع سلامه
أبو محمد ها وين توك اجيت انت
يوسف لا أبو محمد اني لازم اروح لان عندي شغل
أبو محمد لعد الله وياك
وبعدين راح بابا واني صعدت فوك بغرفة ياسمين ضليت ابجي و اكول ليييش هيج ليييش حضي هيج وبعدها طبت علية ياسمين كالت ها شبيج تبجين
ريما ما تشوفين يريدني اعزل وياه و اعيش وياه علمود اشبع ضيم
ياسمين ميخالف ريما انتي اهدي شوي و انشالله يصير خير
ريما 😭 شهدأ ياسمين اذا يريدني اعيش وياه و اعيش بضيم و اني بعدني صغيرة شلون أتحمل هسة
حبايب كلبي اذا عجبكم البارت حطو تصويت و اتمنى دعموني هم و انشالله أقرب وقت انزلكم البارت ❤️❤️
