ريما كولش فرحت من شترتلي نارين موبايل لان جان ما عندي موبايل من زوجت كبل رحت على رقم ياسمين لان جنت حافضته من موبايل ياسمين دكيت عليها مرتين ما ترد اخر شي ردت
ياسمين الو منو وياي
ريما الو هلاو ياسمين اني ريما
ياسمين ريييما ميلج الموبايل حتى تتصلين علية
ريما شوفي اني راح اسولفلج كولشي
و سولفتلها كولشي كالت
ياسمين زين والله خواتج جابنج موبايل جنتي خطية ماعدج موبايل بس هسة حمدالله
ريما اي والله بس لا تكولين لاحد و خاصة محمد اوك
ياسمين أوك ما اكول
ريما ضلينه نسولف لحد ما خلص شحن فوني كلت لياسمين
ريما يلا ياسو باي تلفوني خلص شحن
ياسمين أوك بايات ريمو
و بعدين سديت خط و رحت حطيته بشحن و رحت نمت بسابع نومه
ريتا والله كفوو عليج ميلج القوة هاي علمود تضربين محمد
نارين شعبالج اني مدربه بنادي
ريتا صدووك لعد اني هم اريد اسجل بنادي
نارين انشالله رورو بس خلي ناخذ ريما و نسافر و بعدين تسجلين بنادي
ريتا اكوول اني مين جبتي قوة هاي
نارين أي انشالله انتي هم تصيرين مثلي
ريما كعدت ثاني يوم الصبح على صوت باب يندك رحت فتحت باب بدون شال بينما محمد كال لبسي شال من طلعين تفتحين باب بس اني عاندت ما لبست حتى لو كتلني مرة ثانية اني ما اخلي المهم فتحت باب لكيته هو كلي
محمد ولللج اني مو كتلج لبسي شال من طلعين تفتحين الباب
ريما شوف محمد اني صبرت هوااي و لهنا وبس جاوزت حدودك وياي ترا اذا تريد تكتلني مرة ثانية مخايفه منك عادي اروح اكل نارين اختي عليك ترا ماتدري هي شتسوي بيك و هسة اتفضل احجي و روح رجاءا
محمد لجج انتي شلون تحجين وياي هيج
ريما شوف اني زوجتك بغصب عني و هاي انت زوجت الي تحبها و هسة شرايد مني بعد
محمد شووفي اختج هاي جاوزت حدودها وياي و ويه زوجتي فكليلها احسللها ما تدخل ابد
ريما والله ما تقصر كفو عليها
محمد ولللج انتي اليوم شبيجج مخبله
ريما لا مو مخبله بس ريما الضعيفه راحت و هسة اجت ريما القويه فاحسللك لف راسك و امشي اذا تريد شي احجي وروح ما تريد شي رجااااءا امشيي منا
محمد والله بدي اكضج و اموتج تموت بس أخاف تكلين لاختج هاي الي ما يتحملها
ريما لاا تحجي على اختي تروحلك فدوة و هسة امشي منا رجااءا لا اكل لاختي عليك
محمد ماشي بس يصير خير يا ريما
و راح محمد واني كولش فرحت مين اجتلي قوة هاي حتى لساني طلع هاي كلى بفضل اختي لو مو هي علمتني جان هسة اني ضعيفه
نارين كعدت ثاني يوم رحت غسلت وجهي و بدلت لكيت ادم نايم و ريتا هم نايمه فاني سويت ريوك كعدت ادم و ريتا كعدو من نوم و راحو يغسلون و اجو تريكو و كلت لادم ارح بيت اهلي هو كال أي روحي بسيارتج انتي و ريتا و بعدين رجعو و رحنه صدك بيت اهلي دكينه باب طلع سيف سلمنه علية و دخلنه شفته ماما جاي تطبخ و بابا كاعد بعدين من شافنه كام كا
يوسف ها شتردن بعد جايات
نارين بابا احنه نريد نطلك ريما لان هي كولش انضلمت ويه رجلها و هسة نريد نطلكها منه
يوسف مووو بكييفكمم اني ابوها واني الي أقرر مو انتن
ريتا لا بابا احنه نقرر لان انت هم ضلمتها و ضلمتني وهي ريما بعدهي ما صاير عمرها 16 و زوجتها بس هسة شوف شنو استفادت من تزوجت المفروض تكمل دراستها مو تزوج واحد بلا رحمه
يوسف معلليجن انتن هي بنتي واني أعرف شلون اقرر
نارين بابا كلام ريتا صحيح ريما بعدهي ما صاير عمرها 16 و زوجتها شراح تستفاد هسة زواج
ندى شوفن سمعن كلام ابوجن لا ترافضنه
نارين أي ماما انتي صيري وياه بدال ما دافعين على بناتج دافعين على بابا ترا روحي شوفي وضع بنتج ريما شصاير بيها كلساع محمد يجي لشقتها يكتلها و يروح
ندى خليها احسن تستاهل خلي تتربه منةجديد و بعدين شلون ما ادفع على ابوجن هو اصلا صحيح كلامه
نارين ريتا امشي مبين ماراح يستفاد حجي وياهم
يوسف يلاا طلعن وماريد اشوف خلقجن الزفرة
و بعدين طلعنه و رحنه لشط اني وريتا جنه كولش مشتاقين هيج اجواء بس الضروف ما تعدي ويانه
حبايبي لهنا و ينتهي بارت صح هو بارت قصير بس ماكدر لان ما فارغه اكتب طويل بس انشالله هل أيام اكتب طويل و فجروو تصويتات علمود استمر اكثر 😘❤️❤️
