بعدين من كال هيج سيف اني فكرت و كلت بكلبي صحيح كلامه لان ما صرت قويه و ما واجهت بابا على هاذ موضوع بس شسوي اني ضعيفه ما اكدر اسوي شي و بعدين شبكت سيف و ضليت ابجي بحضنه و كتلة
حقك هيج تحجي لان اني صدك ضعيفة و ما اكدر اواجه بابا
سيف شبكني و كال لا تبجين حبيبتي اني وياج و راح اصير سندج بس المهم لا تصيرين ضعيفه و لا تخلين زوجج يمد ايده عليج
ريما وتبجي اوك بس اني والله ماريد ازوج ليش بابا هيج يسوي
سيف بعد هو هاذ تفكير بابا شنسويله
ريما أي والله شنسوي بعد
سيف يلا ريما انتي اهمشي ما تبجين و خليج قويه اوك
ريما أوك
و بعدين باسني من راسي و راح و اني ضليت ابجي و ماما صاحتلي كلتلي يلا كملتي راح يجون يعقدونج اني مسحت دموعي و كلت
أي ماما كملت
ندى يلا تعاي نزلي يم خالاتج و عماتج يتاننج
ريما أوك
وبعدين نزلت و كعدت واجت بنت خالتي اسمها ميس تتلوك علية كلتلي مبروك حبي انشاالله تصيرين ام اني كتلها الله لا يسمع منج هي كالت و ليش عيني اكو وحدة ما تحبل من تتزوج اني رديت عليها كتلها.
هههههه بس اني بعدني صغيرة و مو هسة اصير ام بعد وكت و باوعتلها بانتصار هي كالت
ميس لا كلبي فاهمة غلط طبعا مو هسة بس داكولج انشالله تصيرين عندج جهال و تتحملين مسؤولية وباوعتلي بااستفزاز اني مارديت عليها طنشتها و درت وجهي عنها وهي راحت وكلت بكلبي روحه بلا ردة شكد حقيرة هي احقر وحدة و بعدين اجو أهل خطيبي الي راح اخطبه و كامت هلاهل و هوسة و بنات عماتي و خالاتي يركصن واني بس دموع تصب و بعدها اجة محمد الي هو خطيبي و كعد يمي شفته مو راحه و بعدين اجه شيخ عقدنه و لبسني محبس و بعدها كملت الخطوبه و راحو الضيوف بقو شويه و بابا اتفق على موعد العرس مالتي و يوم جمعه واني كلت شبسرعه يوم جمعه و بابا كال مو بكيفج اتفقنه يوم جمعه تعرسين و اني رحت صعدت فوك ابجي و بعدين بدلت و رحت نمت و كعدت ثاني يوم الصبح رحت سويت ريوك و تريكنه و نضفت البيت و ماما كالت لازم نروح العصر نشتري اغراض مال عرس اني كلت
أوك ماما
ورحت سويت غدة و تغدينه و كملنه رحت سبحت و بدلت و حضرت نفسي و ماما كالت يلا كملتي علمود نروح
ريما أي ماما كملت يلا
رحنه اني و ماما للسوك شترينه أغراض هواي و بعدين رجعنه بليل و رحت بدلت و سويت عشة و صعدت فوك تعبانه نمت ما حسيت بشي و نفس روتيني و اجه يوم جمعه مال عرسي حضرنه كولشي و رحنه القاعه مال عرس واني دموعي تجري بخدي و بدت حياتي تندمر و كملت العرس و رحنه للبيت زفوني و بدت هلاهل و هوسه و بدن يشمرن الجكليت و اني كوة نايمه دموعي و صعدنه فوك للغرفه و كعدنه بيها اني وياه بحدنه و كلي
محمد شوفي صح انتي بعدج زعطوطه بكد نعال بس لازم كلشي تعرفين يعني تعرفين تشتغلين و طبخين وتغسلين ميهمني اذا انتي بكد نعال
ريما اول شي احترم نفسك و ثاني شي صح اني صغيرة بس عندي عقل أكبر من عقلك فتهمت
ماحسيت الة ركعني راجدي قوي واني ضليت ابجي و هو كلي
محمد احترمي نفسج لا هسة تشوفين شي ميعجبج و ضل يخزر بيه
ريما واللة مو صوجك صوج الي يزوجني الك يا حقييير
واجة ركعني راجدي ثاني اقوى من راجدي أول و ضل يكتل بية واني ابجي واون الوجع و اصيح
وهو ضل يستمر حد ما اجت اخته كالت محمد عوفها راح تموت البنيه عوفهااا هو كال
محمد ياسمين عوفيني خلي اربيها من جديد ما متربايه
ياسمين بس راح تموت البنيه عووفهااا
وبعدين اجو أمه وابو وكالو ها شكو محمد عووف البنيه شبيك تكتلها راح تموتها
محمد عووفووونيي خلي اربيها من جديد
أبو محمد بس هيج راح تموتها و ضل يجر بي لحد ما عافني
واني ضليت اصيح من وجع و كلتلي أمه تعاي بنتي تعاي ارتاحي ياسمين تعاي اخذيها
ياسمين أوك ماما تعاي ريما
وأجيت وياها لغرفتها و كلتلي شمسويه لمحمد حتى يكتلج
اني سولفتلها كولشي و كلتلي
ياسمين أي ولج هو لان يحب بنت خالي وهو مايريدج بس ابوي قنعه يزوجج بس تدرين بنت خالي أكبر حقيرة هي همزين ما زوجته
اني انصدمت صدمة عمري و كتلها بصدمه
ريما شنووو
ياسمين أي هو جان رايد يخطب بنت خالي بس ابوي مقبل وكال محمد الة ازوجها و بعدها تزوجج لان ابوي مقنعه
ريما ومن يمتى يحبها هو
ياسمين من زمان من جانو صغار جانو يلعبون و حباها هو
ريما وليش يزوجني اذا يكتلني و مايريدني
ياسمين ولج ابوي غاصبة و محمد ميكدر بعد يرفض
ريما اهاا هيج صارت موو
ياسمين أي بس انتي لا تخلي يضربج لان هو كولش عصبي
ريما اهاا زين اني شنو ذنبي اني هم ما ردت ازوج بس بابا هم غصبني و زوجني باغتصاب و اني ماريد ازوج لان بعدني صغيرة عمري 15 و اريد اكمل دراسه بس شسوي صار الي صار
ياسمين جا اني هم مبطله من مدرسه من جنت بصف ثالث متوسط و اتمنى ارجع هسة
ريما جا انتي شكد عمرج
ياسمين عمري 17
ريما و محمد شكد عمره
ياسمين عمره 19
ريما ما جنه عمره 19
ياسمين جا شنو
ريما جنه عمره 25
ياسمين هههه سويتي جبير
ريما هههه أي والله لان ضخم و طويل جنه عامودي
ياسمين هههه ديلا كافي لا تحششين وانتي توج متعاركه وياه
ريما مو اني تعاركت وياه هو تعارك وياي ما شفتي هو بلش بضرب
ياسمين انتي لا تحجين شي طنشي و معليج بي
ريما أوك
ياسمين انتي شكد عندج خوات واخوان
ريما اني عندي 2 خوات و 1 أخو وحدة اسمها ريتا و ثانية نارين و اخوي سيف بس خواتي 2 مسافرات
ياسمين اهاا جا وانتي ليش مسافرتي وياهن
ريما واتمنى أسافر بس بابا مقبل كال ماكو ما تاخذنها وياجن بعدها صغيرة
ياسمين و عندج تواصل وياهن
ريما لا اتمنى أعرف اخبارهن
ياسمين انشالله يصير عندج موبايل و تواصليهن
ريما انشالله
وضلينه نسولف اني وياها هي صارت صديقتي و اختي وكولش حبابة وياي و نمت بغرفتها و ما حسيت بشي
يتبعع 🤗
