نارين يلا امشينه ناخذ ريما
ريتا يلا امشي نروح
و رحنا للبيت جان اني خايفه يصير شي بس اني كلت لا مستحيل أخاف ما طول اختي نارين موجودة اني ما أخاف و بعدها وصلنه للبيتنه و دكينه باب و جان انفتح الباب تلكانه بابا و كال
يوسف لا هلا و لا مرحبا هاا هاي انتن شعندجن هناا
نارين جايين نأخذ ريما لان راح نسافر
يوسف شنوو دنجبي لججج يا عين جاية انتي وهاذ عاار تاخذين ريما وانتيي تعااي طبي جوة اني كلت اليوم ما ارحمج يا كلبة
ريتا لا مو بكيفك اني شردت من عندكم لان جبرتوني الزواج و اني ماريد ازوج بس انتم عاندتو و شردت منكم
يوسف و يا ترا وين شردتي
ريتا بيت صديقتي رحت بعد عندك مانع
يوسف انجبييي لجججج راد يضربها ما حس الة واحد كض ايدة
نارين ما اسمحلك تمد ايدك على اختي
يوسف اختج مووو و تجاوزين علية بس اني اعلمج بنت كلب
نارين نزلت ايدي عن ايدة و كلت لا مجاوزت عليك بس ما اسمحلك تمد ايدك على ريتا
اجت ماما و كالت
ندى ها شكو شصاير ريتاااا هاي انتيي
ريتا أي اني ماما
ندى اخخخ منج نزلتي روسنه بلكاع و جاية بعين تجين للبيتنه بعد ما شردتي
ريتا ماما اني مجاية اتأسف منكم اني و نارين جاين نأخذ ريما
ندى شنوو تحلمين هاي بنتي ما اسمحلجن تاخذنها وياجن
نارين ماما بعد ما ردتو تزوجون ريتا و راح تزوجون ريما وهية بعدهي صغيرة
يوسف أي نزوجها و ماراح انطيكم ريما وهسة انتن تشحتن من بيتي لا اني اعرفجن ولا انتن تعرفني
نارين أوك بس اني راح اخذ ريما بيدي
و دخلت جوة و صعدت فوك بغرفة ريما جانت تدرس و رحت شبكتها
ريما بصدمه نااارينن
نارين حبيبتي شلونج مشتاقتلج
ريما طفرت من جرباية و كالت اني اتخيل لو شنو
نارين لا صدك اني نارين اختج
ريما نااارينن مشتااقتللج راحت شبكتها وهي تبجي
نارين لا تبجين حبيبتي هسة اني راح اخذج اسفرج وياي
ريما صدوك وين تاخذيني اذا بابا ميقبل
نارين مثل ما كالتلج ريتا احنا لازم نسافر و نحقق امنياتنه
ريما أي صحيح هسة اني راح احضر اغراضي
نارين أوك يلا بسرعه
ريما أوك حضرت ملابسي و اغراضي و نزلت ويه نارين جوة
يوسف اليوم ما ترحين انتي و اختج تبقن هنا
ريما لا بابا اني اريد اروح ويه نارين و ريتا
نارين لا بابا اني واعدت نفسي اخذ البنات و نروح نسافر
يوسف اليوم ماكو طلعه و ما تاخذين ريما وياج اخذي بس اختج هاي العار و روحي
ريتا زين ليش بذات اني اروح و ريما ماتروح
يوسف لان انتي صرتي عاار و ما اريدج تعيشين ويانه
ريتا اهاا هسة اني صرت عاار انتم هاذ تفكيركم الفاشل
يوسف أي عار وهسة انتي و اختج تشحتون من بيتي و ما تاخذون ريما
نارين لا ناخذها و اذا هسة ما ناخذها مانروح مناا
يوسف غصبن عليج ترحين تاخذين اختج العار و زوجج العار و ترحين منا و اذا ما ترحون منا راح اخابر على شرطه واللة
نارين أوك بس هلمرة جاية راح واخذها ويانه هسة احنا رايحين
ريما شنوو نارين انتي مو كلتي تاخذيني وياج
نارين اسفه حبيبتي بس أخاف شرطه ياخذون ادم وهو كولشي ممسوي شي بس هلمرة جاية راح اخذج وعد
ريما تبجي أوك بس عفية تعاي بسرعه اخذيني
نارين والله اخذج بسرعه بس انتي لا تبجين وصيري قويه اوك
ريما أوك و شبكتها
ريتا والله لو بيدنه جان خذيناج بس شنسوي يا ريما
ريما أجيت شبكتها واني ابجي شلون راح اعوفج يا ريتا جنتي انتي سندي تدافعين عني وهسة منو راح يدافع عني
ريتا لا تخافين ريما انتي دافعي على نفسج
ريما مسحت دموعي وكلت أوك
يوسف هسة كافي دراما خلصتو امشو منا
نارين يلا ريتا امشي
ادم يلا امشي
و رحنا و عفنه ريما لان بابا مقبل و رحنا لصديقتي رند لان هي ساعدتني ودعتها ورحنا المطار ركبنه طيارة واني كولش فرحانه لان اول مرة اسافر بحياتي بس بنفس وقت مقهورة على ريما خطية ما جبناها ويانه خطية
نرجع لريما
ريما رحت صعدت فوك بغرفتي ابجي و اجه بابا كال
يوسف اسمعي لج من باجر راح تنخطبين لواحد
ريما شنووو بابا والله ماريد ازوج واني بعدني صغيرة شلون انخطب واريد أكمل دراستي
يوسف مثل ما سمعتي اذا ما قبلتي راح تنحبسين بغرفتج طوول عمرج وماكو طلعه منا راح تصيرين نفس اختج
ريما لا بابا ليش تسوي هيج وهي تبجي
يوسف ماكو بعد دراسه ولا تفكرين تشردين مثل ما شردت اختج ريتا امج وياج بكل مكان وماتكدرين تشردين منا
ريما بلبجي لا بابا واللة بعدني صغيرة ليش هيج تريدني ازوج
يوسف ماكو حتى لو صغيرة روحي شوفي بنات أصغر منج يزوجن وانتي شكبرج شكدج ما مزوجه
وطلع بابا و اني ضليت ابجي و اصيح لحد ما اجة سيف كال
سيف ها شبيج تبجين بعد
ريما سيييف ماليي خلك اطلععع مناا
سيف غير أعرف ليش تبجين
ريما مو اذا اكلك تضل تشمت بيه لو بيك خير جان دافعلي مو بس هيج
سيف أي احجي شنو شصار
ريما بابا راح يزوجني واني ماريد ازوج
سيف شنوو ليش
ريما لان ريتا ونارين اجن و رادن ياخذني وياهن نسافر بابا ما قبل و هسة اجه كلي من باجر تنخطبين
سيف وانتي شكلتيله
ريما كتلة بس اني بعدني صغيرة وماريد ازوج واريد أكمل دراستي وهو كال ماكو دراسه تزوجين و ضل يهددني اذا مازوج أضل محبوسة بغرفتي طول عمري
سيف لا تبجين انتي صيري قوية وشنسوي بعد هاذ ابونه
ريما اني انصدمت لان اول مرة اخ يدافعلي و رحت شبكته و كتله شسوي سييف كلي اني راح انضلم اذا زوجت
سيف لا تخافين حبيبتي اسف لان جنت اضربج و اكتلج على اتفه شغلة و اذيج
ريما لا اصلا احنا جنه عدوين فهسة كولشي تغير بحياتنه واني عندي طموحي يتحقق بس اتحطم كولشي بحياتي
سيف كل طموحات يتحطمن بس انشالله يتحقق طموحج
ريما وين يتحقق طموحي وأول تالي ازوج و بعدها ما يتحقق طموحي
سيف لا تحجين هيج لان اكيد يتحقق طموحج بس انتي صيري قوية وحاربي
يتبع.....
