_ أنا بكره نفسي أوي
_ليه بتقولي كده
_ أنا وحشة أوى ومش المفروض حد يعرفنى
_ لا ده مش صح صدقينى أنتِ حلوة وكويسة
_ أنتِ مش هتعرفيني اكتر من نفسي يا يمنى
_ لا هعرفك يا هند أنا عارفاكي وفاهماكي كويس جدًا
بصتلها بنظرة غريبة وأنا متأكدة أنها غلطانة وأنى وحشة رديت بحزن
_ يا يمنى أنا مش بعرف أكمل مع حد يا هو بيبعد يا أنا ببعد ، ده كله علشان انا وحشة
قامت يمني من مكانها وقعدت جمب هند حطت أيديها على كتفها وقالت بحنان
_ أهدى بس يا حبيبتى صدقيني ده مش صح طيب أنتِ بتقولي كده ليه ؟ وليه بتبعدي
سكتت هند شوية وبصت قدامها وقالت وهي سرحانة
_ أنا مبقيتش بعاتب بحاول على قد ما اقدر أعدى أى حاجة بتحصل ، بفضل أكتم جوا قلبي لحد ما أجيب اخري من غير ما أى حاجة جديدة تحصل وبقرر امشى وقتها ببان وحشة قدامهم وقدام نفسى بس هما صح ، أنا اكيد كده علشان بمشى ، وكمان بيلاقو فيا عيوب وبيعوزو يغيروها يعنى أنا وحشة
يمني قربت منها وحضتنها
_ لا يا هند ده مش صح ومش غلطك ، أنتِ بتوصلى لأخرك ده مش زنبك ممكن تباني قصادهم وحشة بس انا متأكدة أنك حلوة وده غضب عنك ومش غلط ، واللي بيحبك هيحبك بعيوبك قبل مميزاتك مش هيحاول يغيرها سواء صديق أو غير
هند اتنهدت بضيق ، ووقفت فجأة وقالت وهي مضايقة
_ مفيش حد كده ، معلش يا يمنى أنا همشى هبقى أقابلك بعدين تانى
_ تمام يا هند زي ما تحبى بس خليكي عارفة انى هفضل جمبك علي فكره ومش هسيبك ، وفى كده بس انتِ دوري كويس
هند بصتلها شوية وأبتسمت ومشيت من غير ما ترد ، أتنهدت يمني بحزن علي حال صاحبتها ، ومكانش في ايديها غير أنها تتمنى أن صاحبتها تخرج من الحالة اللي هى فيها دى
________________________________________________________________
بدأت هند تتمشي لحد ما وصلت للكورنيش ، قعدت قدامه وسرحت فى كلام صاحبتها يمنى_ لو سمحت ممكن أقعد جمبك ؟
بصت هند بأستغراب لصاحب الصوت ، لقيته شاب باين أنه صغير في السن ، شالت كل ده من دماغها وقالت بعدم أهتمام
_ اتفضل أقعد معنديش مانع
_ شكرًا
الصمت فضل مسيطر على المكان لمدة لحد ما فجأة قال
_ هو أنتِ فى أيه مالك ؟
بصتله هند بأستغراب وقالت بأستغراب
_ مالى ؟ ما انا عادى أهو
_ لا أقصد أن معظم اللي بيجو ويقعدو زيك كده بيبقى وراهم قصة
أنت تقرأ
اسكريبتات
Romanceكل اسكريبت ملوش علاقة باللي قبله الا اول اتنين الباقي كله منفصل 💙💜 لو في تفاعل هحدث كتير ❤🖤💜