انحنى من أجل الحب

البارت الثلاثين الجزء الأول

#الكوكب_الأبيض🤍⚪

خرج فارس من غرفة شمس ونزل للأسفل فوجد رحمه جالسه فى الصالون تحتسي كوب من القهوة فاتجه ناحيتها وجلس بجانبها بهدوء غريب وهو ينظر للأمام فى هيبه ووقار شارداً بشيٍ ما

هتفت رحمه بهدوء وغموض _ أول مرة تعرف تنام من غير مهدأ

سرعان ما انتبه لها ونظر قائلاً بإستغراب _ انتى كنتى تعرفي انها بتاخد الزفت دا

_ ايوة كنت عارفة ومكونتش هقولك لو انت مكونتش عرفت لواحدك"_ابتسمت بحنان قائة_ شوفت وشك منور ازاي ومرتاح بقربها ، صدقنى يا فارس شمس أول مرة تحس بأمان وتنام من غير
مهدئ وكل دا عشان نامت فى حضنك

انتفض من جابنها معنفها بغضب _ إزاي تبقي عارفة حاجه زي دي ومتقوليليش عليها ، دا خطر وممنوع طبيا ً

ردت بهدوء _ عاوزنى أفضح سر هي آمنتني عليه

اجابها متهكما ً _ لا تسيبيها لحد ما تبقي مدمنة مخدرات

بنفس برودها رددت_ وانت يهمك في ايه

تلعثم داخله ولكنه تدارك نفسه واجاب _ إللى جوا دي للاسف شايلة إسمي

_ خلاص يبقي تطلقها وتبقي هي تشيل إسم راجل تاني !

عض شفتيه من الداخل وكظم غيظه عن رحمه ، كيف تجرات وتحدثت بهذا الكلام ، الا تعلم أنها لن تتزوج غيره ، ولن يمسها رجل غيره

ضحك ساخراً عندما وصل لتلك الفكرة _اللعنه_ إنها لم تترك أحد إلا وقضت معه ليله خاصه ، ولكن لا ، لن تكون زوجه لغيره حتى ولو زُهقت روحه

_سكت طبعا! _تنفست مكمله_عموماً متخافش شمس مش هتقبل تكون لراجل غيرك حتى لو أنت طلقتها

صوت ابتسامته الساخرة دق اذناها فأكملت _ مش كل حاجه بنشوفها بتبقي الحقيقة ، ومش كل صح فى وجهة نظرنا بيبقي هو الصح فعلا ً !

طالعها وملامحه تناجيها التفسير فتابعت_ شمس مش وحشه يافارس _تذكرت أنها قتلت جنينها فاكملت بنبرة شبه حزينه متلعثمه_ على الأقل مش وحشه بالدرجة إللى أنت شايفها بيها

ارجع رأسه للخلف واسند راسه للأريكه بتعب قائلاً بإنكسار وضيق _ مجتش عليها ، زيها زي غيرها ، ماهي مش أول ست تكون سبب في دماري