البارت ١
نبذه مختصرة عن الرواية
هند بنوتة جميلة و مؤدبة بس للأسف القدر مش مبتسم ليها..
هند يتيمة في واحدة لقتها محطوطة في كيس اسود ومرمية في الشارع خدتها ودتها دار الايتام عشان تعيش هناك وقعدت هند شهرين في الميتم
وكان في زوجين (احمد وأماني) ربنا مرزقهمش بأطفال وكان الأمل ضعيف جدا فقرروا يتبنوا طفل يربوه ويعتبروه ابنهم وكانت هند هيا الطفل اللي اتبناه احمد وأماني وبعد ٥ سنين اماني ربنا كرمها وبقت حامل بس من وقتها وهيا بتعامل هند بطريقة وحشة جدا اما احمد فكان بيعامل هند اكنها بنته وحمل اماني مأثرش على معاملته مع هند وبعد ٨ شهور سمر نورت حياتهم......
يا ترى ايه اللي هيحصل مع هند لما تكبر؟ وهل هتقدر تلاقي أهلها؟........
اماني : هند هند قومي يلا حضري الفطار ابوكي عايز يمشي علي الشغل
هند: حاضر يا ماما قمت اهو
سمر : استني انتي يا هند انا هحضر الفطار يا ماما هند كانت بتذاكر طول الليل ونامت متأخر
اماني : لا يا سمر نامي انتي يا حبيبتي عشان تعرفي تذاكري كويس لما تصحى انا عايزة اشوفك دكتورة اد الدنيا
سمر : ان شاء الله يا ماما بس مش هيحصل حاجة لما اعمل انا الفطار النهاردة نامي انتي يا هند
اماني : خلاص يا سمر اسمعي الكلام انا مش هستفاد حاجة لما مستقبلك يضيع علشان هند وانتي يا ست هند متناميش متأخر تاني
هند : حاضر يا ماما وانتي يا سمر اسمعي كلام ماما هيا بتتكلم صح
سمر استسلمت لان هيا عارفة انها مش هتقدر تغير راي امها وفعلا نزلت هند مع اماني وسابوا سمر تنام
سمر : انا مش قادرة افهم ماما بتعامل هند كدا ليه هيا مختارتش انها تكون يتيمة ومن غير عيلة وكمان ماما محدش اجبرها انها تتبناها ربنا يهديكي يا ماما
احمد : صباح الخير يا هند ايه الريحة اللي تجنن دي
هند : صباح الخير يا بابا
احمد : انتي تعبانه يا هند شكلك مرهق خالص
هند: لا انا مش تعبانة انا بس كنت سهرانه على مشروع التخرج ونمت متأخر
احمد: طب انتي ايه اللي صحاكي بدري كدة
هند عشان متبينش حاجه ل احمد ان اماني اجبرتها تقوم كالعادة: يعني ينفع اعدي يوم من غير ما اعملك الفطار
طب دا الناس تاكل وشي يرضيك يحصل معايا كدة لا طبعا
احمد: هههههههههههه لا ميرضنيش يا ختي
هند : طب ايه يا ابوحميد مش هتبطل كلام وتسبني احضرلك الفطار
احمد : ماشي ياختي سيبتك اهو
#. #. #
هند بتدرس في كلية الاعلام في آخر سنه
هند كانت سرحانه بقالها سنين عايشة في الوضع ده ومستحملة بس موجوعة جدا من معاملة اماني ليها وكمان نفسها تعرف مين أهلها واسئلة كتير بتيجي في بالها بس للأسف ملهاش اجابة
نرمين: هند هند ههههههههههههند
هند : حرام عليكي يا نرمين مش هتبطلي الحركات دي انا هقطع الخلف بسببك
نرمين : انا مالي مش انتي اللي سرحانه وبعدين انتي مفكرة ان احنا هنتجوز
هند : امال ايه
نرمين :لا انا قرأت وعرفت ان اللي زينا كائنات عسل خسارة فيهم الجواز
هند : هيهيهيهي فصلتيني علي الصبح يا شيخه
نرمين : طب والله انا دمي زي الشربات
هند : اه طبعا انتي هتقوليلي
ليلي: انتو بتضحكوا على ايه مش تضحكوني معاكم
نرمين بصوت واطي: اهو كائن الرزالة شرف
هند : عيب يا نرمين هتسمعك
ليلى : بجد يا هند انتي شخصية مثالية جدا اكيد حياتك مثالية مفيهاش مشاكل ولا هموم ولا اي حاجة
نرمين : طب يا ختي مش تقولي ما شاء الله اصلي سمعت مقولة بتقول العين فلقت الحجر
ليلى : اوعي تفكري ان انا بحسدك لا خالص
هند :لا يا حبيبتي مفيش حاجة
ليلى: طب سلام اشوفكم بعدين عندي محاضرة
هند : مع السلامة
نرمين : روحي يا شيخة اللهي ما ترجعي
هند : خلاص يا نرمين ادعيلها بالهداية احسن ويلا احنا كمان ورانا محاضره
نرمين : يلا يا ختي
نرمين صديقة هند المقربة بيحبوا بعض جدا عارفين كل حاجة عن بعض
نرمين عايشه مع عيلتها مستواهم الاجتماعي كويس زي أحمد وأماني بس عيلة نرمين متفاهمين والرابط اللي بينهم هو المحبة والتفاهم نرمين عايشة مع باباها ومامتها وأخواتها أدهم وشريف
#. #. #
سعاد : يومك كان كويس يا حبيبتي
نرمين : اه يا ماما الحمدلله
سعاد : بس انا حاسه انك زعلانه وفي حاجة مضيقاكي
نرمين : هند صعبانه عليه اوي يا ماما انا الوحيدة اللي عارفة هيا حاسه بإيه هيا قدام الناس بتضحك وتبين ان هيا اسعد واحدة في الدنيا والناس بتحسدها على كده محدش يعرف كمية الحزن والاسي اللي جواها محدش يعرف حاجة عن حياتها
سعاد : تعرفي انا نفسي اقابل هند واقعد معاها
نرمين : ما انتي عارفه مامتها مش بتخليهل تروح اي مكان والاحرى مش بتخلي عندها وقت آنها تروح لحد
سعاد : انا مش عارفه هيا بتفتري على البنت كدة ليه
نرمين : حسبي الله ونعم الوكيل فيها
سعاد : ادعي لصحبتك يا حبيبتي هيا محتاجة دعاءك زعلك مش هيقدم ولا هيأخر
نرمين : بدعيلها والله في كل وقت
سعاد : اضحكي بقى انا مش بحب اشوفك زعلانه ابدا
نرمين : انتي اجمل ام في الدنيا ربنا يخليكي ليا وميحرمنيش منك ابدا
امين : ايه ده مفيش كلام حلو زي دا لبابا
نرمين : ربنا يخليك ليا يا احن واجمل اب في الدنيا
امين : ويخليكي ليا يا حبيبتي عامله ايه
نرمين : كويسة الحمد لله
شريف : هو انا مفيش حد يقولي عامل ايه
امين : عامل مصيبة كالعادة
شريف : عيب عليك يا بابا خلي ثقتك فيا أقوى من كدة
امين : انا لو وثقت فيك هروح عند رب كريم ان شاء الله
سعاد : في ايه براحة على الولد شوية تعالي يا نور عيني
شريف : والله انتي اجمل ام في الدنيا
امين : خليكي مدلعاه لما نشوف اخرتها
شريف : اخرتها خير ان شاء الله يا بابا
نرمين : انت ايه يلا مش بتعرف تسكت علطول رغي صدعتني
شريف : ايه يا نرمين انتي سخنه ولا ايه هو في حد بيرغي في الدنيا اكتر منك
نرمين : بقولك ايه اتقي شري احسنلك عشان مزعلكش
شريف : اسف يا كبير خدي راحتك على الآخر
نرمين : ايوة كدة اتظبط وارجع لاصلك
سعاد : يلا بطلوا مناقرة وتعالوا اتغدوا
بعد ساعه
أدهم : مساء الخير
سعاد : مساء النو يالهوي ايه ده
أدهم : اهدي يا ماما دا جرح سطحي مفيش حاجة
سعاد : هو ايه اللي مفيش حاجة انت مش شايف دراعك
أدهم : والله انا كويس متخافيش بس عايز انام وبعدين انتي لازم تتعودي على كدة عشان دا شغلي
سعاد : اتعود على انك تتوجع انا غلطت لما وافقت انك تدخل شرطة بس هعمل ايه مش بإيدي
امين : انت كويس يا أدهم
أدهم : اه يا بابا الحمد لله خير
امين : طب خير الحمد لله اطلع نام انت واستريح
أدهم : ماشي يا بابا تصبح على خير
امين : وانت من اهله يا حبيبي
سعاد : انا خايفه عليه من شغله اوي
امين : متخافيش ربنا معاه واحنا بندعيله وبعدين مفيش حاجة بتحصل من غير ارادة ربنا سلمي امورك لله
سعاد : ونعم بالله ربنا يحميه ويحفظه من كل سوء
امين : اللهم امين
#. #. #
هند قاعدة في اوضتها بترسم هند موهوبة في الرسم جدا
اماني : انتي يا هانم انتي قاعده بترسمي وناسيه انك محضرتيش العشا
هند : حاضر يا ماما ٥ دقايق وهنزل احضره
أماني : ٥ دقايق ايه لما اقولك قومي تقومي علطول وبعدين ايه اللي انتي بتعمليه ده دي اسمها تفاهه
هند : انا بحب الرسم جدا وفي رسامين كتير مشهورين في العالم يعني مش حاجه تافهه
اماني : انتي بتردي عليه طب اهيه وقطعت اماني رسمت هند
هند : حرام عليكي انا بقالي شهر برسم فيها
أماني : حرمت عليكي عيشتك انزلي اعملي العشا
احمد وسمر سمعوا صوت اماني وهيا بتزعق ل هند وراحوا عشان يشوفوا ايه اللي بيحصل
احمد : في ايه يا اماني صوتك عالي ليه
اماني : الهانم بترد عليه وبتعلي صوتها في وشي
هند : انا اسفه يا بابا والله غصب عني
احمد : خلاص يا هند تعالي يا اماني عايزك
طبعا انتو مستغربين آن هند اعتذرت مع انها مغلطتش وان الغلط كله عند اماني هند مش بترضي تحكي اي حاجة من اللي اماني بتعملها معاها ل أحمد لأنها لو حكت احمد هيتخانق مع اماني وهيا مش عايزه كدة مش عايزه علاقتهم تتدمر ولا يتخانقوا مع بعض هند شخصية طيبة جدا عمرها ما اذت حد حتى الناس اللي بتأذيها عمرها ما اذتهم بالعكس دايما تدعيلهم بالهداية ودي صفات الناس الطيبة فعلا
اماني : بنت مش مؤدبة عايزه تتربي من اول وجديد
احمد : حرام عليكي انتي بتعامليها كدة ليه ايوه متستغربيش انا عارف كل اللي بتعمليه معاها بس ساكت بقول بكره تهدي وتعقل بس انتي مفيش منك فايدة انتي اخوكي اللي كنتي كارهاه ومش طيقاه مكنتيش بتعامليه كدة انتي ايه يا شيخة
اماني : اعملها ايه يعني هيا اللي بترد وقليلة الأدب
احمد : لا هيا محترمة وجدا كمان فوقي لنفسك انتي بتعامليها اكنك بتعطفي عليها علشان معيشنها في مستوي كويس٦
اماني : ما هيا دي الحقيقة فعلا
احمد : هند من يوم ما جبتها من الملجأ وانا بعتبرها بنتي اصلا طيبة قلبها بتخلي اي حد يشوفها يحبها بس انتي للأسف مش شايفه كدة
اماني : خليك انت عايش في جو الدراما وملكش دعوة بيا
احمد : انتي حرة انا زهقت من اللي انتي بتعمليه ده بس اوعدك انك هتندمي ان شاء الله على كل اللي بتعمليه فيها
اماني : اه متقطعش المشيئة انت بس روح يا شيخ بلا هند بلا قرف
نرمين : معلش يا حبيبتي ان شاء الله ربنا هيعوضك خير
هند : يارب يا نرمين انا تعبت في اللوحة دي اوي
نرمين : هيا الحيزبونه اللي انتي عايشة معاها مبتزهقش
هند : حيزبونه انتي جبتي الاسم ده منين
نرمين : اهو ده اللي جه في بالي
هند : ضحكتيني انا مبسوطة جدا اني كلمتك ربنا يخليكي ليا يارب
نرمين : نحن في الخدمة سيدتي
هند : معلش هقفل معاكي دلوقتي واكلمك بعدين ان شاء الله
نرمين : ماشي يا حبيبتي مع السلامه
#. #. #. #
هند كانت ماشية في الجامعة سرحانه جواها هموم كتير محتارة مش عارفه تعمل ايه تعبت من فكرة انها من غير اهل نفسها تعرف مين أهلها نفسها تشوفهم نفسها تحس بحنان الام اللي كل الناس بتحكي عنه نفسها تحس بحب الاب وعطائه مع ان احمد بيعاملها زي بنته بس عمره ما هيكون حبه ليها زي حب الاب الحقيقي
الاب والام نعمه في حياة اي انسان هما عمود البيت ومن غيرهم البيت ينهار هند كانت محرومه من كل الحاجات دي يا ترى هيجي اليوم اللي تحس فيه بده؟؟؟
ابراهيم : بقولك ايه بص المزه دي
حسن : دي صاروخ جامده اوي
ابراهيم : استعنا عشاق بالله تعالي
حسن : ما تيجي اقولك كلمة يا جميل
هند مردتش عليهم وسابتهم ومشيت
ابراهيم عارض طريقها : هو احنا مش بنكلمك بتمشي ليه
هند : لو سمحت ابعد عني عشان مصوتش واجبلك الأمن يرميك برة الجامعة
ابراهيم : يرمي مين يا بت انتي انتي متعرفيش انا ابن مين انا ابن مدير الجامعه دي
هند : ميهمنيش لو سمحت ابعد عن طريقي
ابراهيم مسك هند من ايديها ومش عايز يسيبها هند بصعوبه قدرت تفلت ايديها منه وضربته بالقلم على وشه
إبراهيم : انتي ايه اللي هببتيه ده انتي قد اللي عملتيه
هند : ايوه قده ولو مبعدتش هعملها تاني وتالت
حسن : إحنا لازم نبلغ الأمن وياخدوها عند عميد الكلية وصحابنا اهم شاهدين انها اللي غلطت
وفعلا بلغوا الأمن وخدوها عند العميد هند مكنتش مستوعبه اللي حصل
العميد : انتي ازاي تمدي ايدك عليه انتي ايه جايه من الشارع ملكيش اهل يربوكي
كلام العميد وجع هند جدا كانت بتقول لنفسها ايوة انا من غير اهل بس محترمة ومتربية
هند : والله حضرتك انا مظلومه هو اللي عاكسني ومسك ايدي غصب عني
العميد : يعني كل دول بيكدبوا وانتي اللي صادقة انتي مفصولة السنادي من الكليه بسبب سوء تعاملك مع زمايلك نشوفك السنه اللي جاية اتفضلي برة
طبعا العميد مفكرش يدور على الحقيقة وسمع لشوية أشخاص مفيش بينهم وبين الاحترام اي صله لانه خاف على منصبه لمجرد ان إبراهيم ابن مدير الجامعه واللي زي العميد ده كتير الا من رحم ربي
يا ترى هند هتعمل ايه بعد ما اتفصلت وأماني هتستقبل الخبر ازاي؟؟
استنوني في فصل جديد من ما خلف الستار ️️️️
