البارت ٣
وبعد طول انتظار خلصت عمليه اماني اللي فضلت 12 ساعه وخرج الدكتور من اوضة العمليات
احمد جري على الدكتور بلهفة : طمني يا دكتور العمليه نجحت واماني كويسه
سمر : ماما كويسه يا دكتور مش كده
الدكتور : انا اسف احنا عملنا كل اللي نقدر عليه بس للاسف العمليه ما نجحتش البقيه في حياتكم
سمر بوجع صرخت صرخه هزت قلوب كل اللي موجودين : لااااااااااااااااااا ماما ارجوكي ما تسبنيش انا ما اقدرش اعيش من غيرك الحياه من غيرك مش هيبقى لها معنى ارجوك ما تسيبينيش ياااااارب
هند مقدرتش تتحمل وقعدت في الارض جمنب سمر واخدت سمر في حضنها وفضلت تردد انا لله وانا اليه راجعون فضلت تعيط جامد جدا و تدعي ل أماني بالرحمه
اما احمد كان في صدمه كبيره جدا كان واقف مذهول من اللي حصل دموعه بتنزل من عينيه وهو مش قادر يصدق ولا يستوعب ان اماني خلاص راحت و مش هترجع تاني
أحمد بدموع : انا لله وانا اليه راجعون ربنا يرحمك يا اماني ويغفر لك يا رب ارحمها واسكنها فسيح جناتك
و عدي اسبوع على موت اماني واحمد وسمر وهند كانوا في دوامه حزن كبيره على فراق اماني
سمر كانت طول الوقت حابسه نفسها في اوضتها ومش بترضى تقابل اي حد وطول الوقت منهاره فراق الام صعب جدا سمر كانت علطول بتدعي لاماني بالرحمه وبتدعي ربنا يصبرها على فراقها
احمد كان حزين جدا على موت اماني اي نعم مكنش في بينهم حب ولا تفاهم كانوا دائما مختلفين في الراي بس كان في بينهم ود وعيشره لا يمكن تتنسي في يوم ولا اثنين ولا حتى في شهور
هند كانت حزينه جدا على موت اماني نسيت كل اللي اماني عملته فيها بمجرد ما سمعت الدكتور قال ان حياتها انتهت قررت تنسا اي حاجه حصلت و تدعيلها بالرحمه وقررت ان هي تدفن حزنها جوه قلبها وتبقى قوية علشان خاطر احمد وسمر محتاجين اللي يسندهم ويقف جنبهم في المحنه دي
وعدى شهرين كمان على موت اماني والحزن ابتدا يتبدد من قلوبهم و دي نعمه من نعم ربنا على عباده انعم علينا بالنسيان مش نسيان الشخص اللي فقدناه لا نسيان الحزن وأنعم علينا بنعمه الصبر كمان اللي بيها بنقدر نتغلب على كل الصعاب اللي بنواجها في حياتنا
وطبعا سمر من حزنها على اماني نسيت تدي هند الورقه اللي اماني طلبت منها انها تديها الهند
سمر كانت في اوضتها بتدور على حاجه في درج مكتبها وهي بتقلب بين الورق بتاعها وقعت الورقه اللي اماني اديتها لها
سمر : لا حول ولا قوه الا بالله انا ازاي نسيت ادي هند الورقه دي ماما وصيتي اديهالها ربنا يسامحني على التاخير ده انا لازم اديهالها في أسرع وقت
احمد وهند وسمر كانوا بيفطروا
سمر : بابا كنت عايزاك تيجي معيا مشوار
أحمد : فين يا حبيبتي
سمر : كنت عايزه اطلع صدقه على روح ماما الله يرحمها
احمد بحزن : الله يرحمها حاضر يا حبيبتي هتبقى جاهز على امتي
سمر : بعد العصر ان شاء الله يا بابا
احمد : تمام يا سمر
وبعد ما خلصوا فطار
سمر : هند ممكن تيجي معيا الاوضه عايزه اديلك حاجه مهمه
هند : حاضر يا حبيبتي تعالي يلا
سمر اخذت هند على اوضتهم وادتها الورقه وقالتلها ان اماني سبتهالها قبل ما تموت
هند : ماشي يا حبيبتي شكرا
وخرجت سمر من الاوضه وسابت هند علشان تقرا الورقة
هند : يا ترى ماما كاتبالي ايه في الورقه هي ممكن تكون بتعتذر اكيد يعني بتعتذر على اي حاجه حصلت منها زمان بس انا سمحتها خلاص انا هاروح اخلص اللي ورايا وابقى ارجع اقراها
هند سابت الورقة على المكتب وخرجت بره الاوضه وانشغلت تماما ونسيت موضوع الورقه
بعد العصر
احمد : خلي بالك من نفسك يا هند واحنا ان شاء الله مش هنتاخر
هند : حاضر يا بابا ما تخافش
سمر حضنت هند جامد اكنها بتودعها
سمر: هتوحشيني اوي يا هند خلي بالك من نفسك
هند : ايه يا بنتي في ايه دي كلها ساعه وهترجعي ان شاء الله
سمر ابتسمت بحب ليها وقالت : آن شاء الله
احمد بحب : لا اله الا الله يا هند
هند : محمد رسول الله خلي بالك من نفسك مع السلامه
مشيو احمد وسمر وسابوهند لوحدها في البيت
#. #. #
في فيلا إلهام
الهام كانت بتصلي وبعد ما خلصت صلاه رفعت ايديها وبتدعي
إلهام : يا رب انت القادر على كل شيء ارحمني يا رب اكتبلي كل اللي فيه الخير يا رب يا رب انت مؤنسي في وحدتي يا رب انت اللي عالم بحالي وغني عن سؤالي يا رب لو كان كل اللي مريت بيه في حياتي عقاب ل ذنب انا عملته فاغفرلي وسامحني و لو كان ابتلاء منك انا صبرت وهصبر وهافضل صابره ان شاء الله
يا رب اجمعني بكل حبايبي في الجنه ان شاء الله يا رب انا اتحرمت منهم في الدنيا ما تحرمنيش منهم في الاخره
#. #. #
و بعد سبع ساعات
هند : استغفر الله العظيم استغفر الله العظيم يا رب يا رب انا هتجنن انا مش عارفه راحوا فين يا رب استرها استرها معانا يا رب
نرمين: اهدى يا هند ان شاء الله خير ان شاء الله هيرجعوا بالسلامه
هند : اهدا ازاي يا نرمين دول متاخرين خمس ساعات هما قالوا ليا قبل ما يمشوا انهم ساعه او ساعتين بالكتير وهيرجعو البيت يا ترى ايه اللي اخرهم كده يا رب استرها
سعاد والدة نرمين : سلمى امورك لله يا بنتي ان شاء الله خير
هند : يا رب يا طنط يا رب
طبعا هند لما احمد وسمر اتاخروا مكنتش عارفه تعمل اايه فكلمت نرمين ونرمين راحت هي ومامتها عشان يفضلوا جنبها لحد ما يطمئنوا على احمد وسمر
الوقت بيعدي وسمر واحمد لسه ما رجعوش البيت و هند كانت منهاره جدا ونرمين ومامتها مكنوش عارفين يهدوها ازاي وفجاه الباب خبط
هند بفرحه : ده اكيد بابا وسمر
وراحت هند علشان تفتح الباب بس استغربت لما لقيت ظابط شرطه واقف قدامها
الظابط : ده بيت الاستاذ احمد منصور
هند باستغراب : ايوه
الظابط : انا كنت عايز الانسه هند
هند : ايوة انا هند
الظابط : الاستاذ احمد عمل حادثه وكانت في بنت معاه في العربيه بس للاسف البنت دي ماتت وهو حالته حرجه جدا وطلب ان احنا نجيبك عشان هو عايز يشوفك
هند شهقت بصوت عالي و حطت ايديها على بقها والدموع لا اراديا كانت بتنزل من عينيها نرمين ومامتها جريوعليها ومسكوها
سعاد : لا حول ولا قوه الا بالله ممكن يا ابني توصلنا المستشفى
الظابط : اتفضلوا معيا
هند من اول ما سمعت الخبر وهي مش بتتكلم طول الطريق ساكته الدموع بتنزل من عينيها ونرمين كانت واخذها في حضنها مكنتش عارفه تعمل ايه علشانها
واول ما وصلوا المستشفى خدوا هند اوضة احمد و هند اول ما شافت حاله احمد وكميه الاجهزه اللي متوصله بجسمه جريت عليه وانهارت من العياط
هند : بابا ارجوك رد علي انت كويس صح ارجوك يا بابا ما تسبنيش
احمد بصوت متقطع : هن.... هند خلي با... بالك
هند قاطعته وقالت : ارجوك يا بابا ما تتكلمش ان شاء الله هتبقى كويس و هتقوم بالسلامه
احمد بتعب : اسمعيني يا هند للآخر... خالي بالك م.. من نفسسسك انا سايب.... سايبلك.. رساااااله... في درج مكت.... مكتبي
وفجأه احمد غمض عنيه والجهاز عمل صوت
هند : بابا بابا رد عليا انت سكت ليه فتح عيونك خليك معيا ما تسبنيش ارجوك ارجوك خليك معيا ما تسبنيش يا بابا لاااااااااا باباااااااااا قوم ارجوك انا مقدرش اعيش من غيرك يا باباااااااااا
الدكتور دخل وطلب من الممرضه تخرج اماني وبعد ٣ دقايق خرج من عند احمد
هند : ارجوك ارجوك يا دكتور قلي بابا كويس صح مفيهوش حاجه هو كويس مش كدة
الدكتور بنظرة اسف وحزن ل هند : البقية في حياتك
هند وقعت في الأرض وانهارت تماما
هند : باباااااااااا سمممممممر ارجوكم متسبونيش لوحدي ارجوكم انا ما اقدرش اعيش من غيركم يارب صبرني يا رب يا رب ارحمهم يا رب اااااااااااااااه انا قلبي بيوجعني اووي
نرمين بدموع : هند ردي عليا انت كويسه يا هند رد عليا ارجوك
سعاد : انا لله وانا اليه راجعون لا حول ولا قوه الا بالله بالله ربنا يرحمهم ويصبرك يا بنتي لا اله الا الله
نرمين كانت واخذه هند في حضنها وفجاه حثت بهدوء جسم هند بعدتها شويه بتبصلها لقيتها اغمي عليها
نرمين بصراخ : الحقوني حد يطلب الدكتور بسرعه دكتور حد يلحقني
وجد الدكتور ونقلوا هند الاوضه والدكتور قال ان هي عندها انهيار نتيجه اللي حصل واحنا هنديها مهدئ عشان تقدر ترتاح
وتاني يوم خرجت هند من المستشفى وادفن احمد وسمر
نرمين فضلت قاعده مع هند في بيتها اسبوع وبعد ما الاسبوع خلص اضطرت ان هي تمشي لان هي ما ينفعش تقعد معاها اكثر من كده وطبعا نرمين ومامتها اتحايلوا علي هند انها تروح تعيش معاهم بس هند كانت رافضه تماما ان هيا تسيب البيت وتمشي وقررت ان هيا تعيش لوحدها في البيت
وعدي ٥ شهور على موت احمد وسمر هند كانت في دوامه حزن كبير جدا خسرت كل حاجه ما بقاش عندها اي هدف في حياتها حاسه ان احلامها كلها اتحطمت بموت عيلتها مكنتش عارفه هتعيش ازاي مكنتش عارفه هتشتغل ايه لانها ما اتخرجتش والفلوس اللي هيا كانت محوشاها قربت تخلص
هند : يا رب انا ما ليش غيرك ساعدني و استرها معيا يارب
ايه ده انا ازاي نسيت موضوع الرساله اللي بابا قالي عليها قبل ما يتوفى انا لازم اشوفها
هند راحت دورت في مكتب احمد على الرساله ولقيتها وفتحتها وبدات تقراها
( هند الرساله دي لو في يديك دلوقتي يبقى انا مت انا من بعد موت اماني كان لازم اعمل كده علشان خايف على مستقبلك انتي وسمر انا كان عندي قطعتين ارض في البلد كتبت واحده باسمك واحده باسم سمر لو جرالي حاجه هتلاقوا ورق الملكيه في درج المكتب كل واحده تبيع الارض بتاعتها وتصرف على نفسها بيها خلي بالكم من نفسكم وافتكروني دايما بالخير وسامحوني وادعولي في رعاية الله 😔😔😔)
هند بدموع : حبيبي يا بابا ربنا يرحمك انت وسمر وماما وحشتوني اوووووووي انا مش عارفه اعيش من غيركم حياتي وقفت من بعد موتكم اللهم اأجرني في مصيبتي واخلفني خيرا منها كنت سندي دايما يا بابا كنت حنين اوي عليا عمرك ما حرمتني من اي حاجه حتى لما مت مسبتنيش محتاجه لحد ربنا يرحمك يا اجمل اب يارب ارحمهم كلهم وصبرني على فراقهم 😭😭😭😭
#. #. #
في بيت نرمين
نرمين : بابا كنت عايزه اطلب من حضرتك طلب
امين : اتفضلي يا نور عين بابا
نرمين : والد هند صاحبتي طلع سايب لها ارض باسمها وسايب لها ورق الملكيه بس هي مش عارفه تتصرف ازاي و انت عارف ان هيا ملهاش حد فكنت عايزاك تساعدها
امين : طبعا يا حبيبتي هيا عايزه تبيعها ولا عايزه تعمل فيها ايه بالضبط فهميني
نرمين : ايوه يا بابا هتبيعها
امين : تمام يا حبيبتي هاتيلي منها ورق الملكيه وانا هتصرف وابيعهالها واجبلها الفلوس أن شاء الله
نرمين : تمام يا بابا هجيبه منها
امين : ماشي يا حبيبتي
نرمين : بعد اذنك يا بابا ممكن اروح عند هند النهارده ابيت معاها واجي بكره الصبح وبالمره هجيب منها الورق
امين : ماشي يا حبيبتي بس متتأخريش وانتي راجعه بكرة
نرمين : حاضر يا بابا
#. #. #
هند : بجد يا نرمين انا مش عارفه اشكرك ازاي على وقفتك جنبي ربنا يخليكي ليا وميحرمنيش منك ابدا انتي الوحيده اللي فاضلالي في الدنيا دي
نرمين : تشكريني على ايه يا مجنونه احنا اخوات يا حبيبتي ما فيش بيننا الحاجات دي ربنا ما يحرمنا من بعض ابدا
هند : اللهم امين
وفعلا نرمين بيتت مع هند و روحت تاني يوم و كالعاده هند بقت لوحدها في البيت
#. #. #
هند كانت قاعده لوحدها وزهقانه في قررت ان هي تقوم ترسم وراحت تدور على ورق الرسم بتاعها في درج المكتب وهي بتدور وقعت الرساله اللي اماني كانت سايباها لها وكانت هند ناسيه الرساله دي تماما و اول ما شافتها افتكرت
هند : ياه انا ازاي نسيت موضوع الرساله دي انا لازم اقراها وبدأت هند تقرأ الرساله
( انا عارفه يا هند مهما اقول ومهما اعتذر ومهما اعمل عمرك ما هتقدري تسامحيني على اللي عملته فيكي اانا هحكيلك على السر اللي انا خبيته عليكي واللي كان السبب في اني اعاملك وحش الموضوع ابتدا لما.............
يا ترى ايه اللي هيحصل مع هند وايه السر اللي اماني خبته على هند؟؟؟؟ استنوني في فصل جديد من ما خلف الستار..
# ما خلف الستار
# رضوى سالم
