البارت 5
ندى : لازم تفضلي قويه عشان خاطر بنتك يا الهام بنتك ما لهاش غيرك دلوقتي
الهام بدموع : مش قادره يا ندى مش قادره استوعب انه خلاص سابني وراح هموت مش قادره صبرني يا رب يا رب انا قلبي بيوجعني قوي يا ندى
ندى بتأثر : معلش يا حبيبتى ربنا يصبرك هو في مكان احسن دلوقتي وانتي لازم تنفذي وصيته وتخلي بالك من بنتك لازم تعيشي عشانها
الهام : ندى التحقيق وصل لحد فين في حادثه مراد انا متاكده ان في حد كان قاصد يبوظ الفرامل بتاعه العربيه بتاعته مراد لازم يجي حقه اللي عمل فيه كده لازم يتحاسب انا مش هاسمح ان دمه يروح هدر
ندى بحزن : للاسف يا الهام القضيه اتقفلت
الهام باستغراب : انتي مالك زعلانه كده ليه مش هما المفروض مسكه اللي قتل مراد عشان كده قفلوها
ندى : للاسف لا ملقوش اي حاجه تدل ان الحادثه كانت مقصوده مكنش في اي بصمات لاي حد على العربيه علشان كدة قفلوا القضيه على أنها حادث عرضي مش متدبر
الهام بدموع : قصدك تقولي ان مراد مكنش في حد عايز يقتله بس ازاي يعني معقوله فرامل العربيه باظت لوحدها كده انا مش مصدقه اكيد في حد قاصد ان يقتله حسبي الله ونعم الوكيل حسبي الله ونعم الوكيل فيه ربنا ينتقم منه ربنا يحرق قلبه زي ما حرق قلبي ان شاء الله حق مراد هيرجع له في الاخره وهيقتص من اللي قتلوا ان شاء الله
ندى : ان شاء الله يا حبيبتي ربنا هيرجعله حقه ان شاء الله في الدنيا وفي الاخره ان شاء الله
الهام : يارب يا ندى يارب
ندى : المهم دلوقتي ان انتي تخلي بالك من صحتك عشانك وعشان بنتك و عشان تقوميلنا بالسلامه ان شاء الله
الهام : آن شاء الله ندى ممكن اطلب منك طلب
ندى : اؤمريني يا روحي
الهام : هو يعني لو لقدر الله حالتي بقت خطيره وانا بولد واضطريتوا تختاره بيني وبين بنتي اختاروا بنتي وخلي بالك منها مش هيبقى ليها حد غيرك بعدي انا ومراد
ندى بدموع : لو سمحت يا الهام ما تقوليش كده ان شاء الله هتقومي انتي وهيا بالسلامه وانتي اللي هتربيها وتهتمي بيها كمان
الهام : آن شاء الله يا حبيبتي
ندى : ممكن بقى تستريحي شويه و تبطلي كلام عشان صحتك تتحسن
الهام : حاضر
#. #. #
في بيت سميه أماني بتكلم احمد علي الفون
أماني : انا عند سمية
احمد بغضب : انا مش عارف ايه سمية اللي كل شوية سايبه بيتك وجوزك وقاعده عندها
