البارت ١٣
الهام : ساكت ليه يا اسلام
اسلام بشرود: خالتو ممكن نتكلم في اوضة المكتب شويه
الهام فهمت اسلام وقالت : ماشي تعالي وبصت لهند وقالت : مش هنتأخر يا حبيبتي
هند : براحتك يا ماما
اسلام في سره : جتك مو يا شيخه عالم نصابه
اسلام والهام دخلوا اوضة المكتب
اسلام بعصبيه : انتي ازاي تصدقي اي حاجه كده يا خالتو هو اي حد يروح يقول انا ابنك تصدقي عالطول
الهام بهدوء : ممكن تهدي وتبطل الداء اللي فيك ده
اسلام : داء ايه دا يا خالتو
الهام : بتحكم على اي حاجه من غير ما تسمع ومبتديش اللي قدامك فرصه يتكلم
اسلام : اتفضلي يا خالتو انا سامعك
الهام حكت ل اسلام كل اللي حصل وحكتله عن رسالة اماني
الهام : ساكت ليه حضرتك مش كنت بتزعق من شويه
اسلام : ماشي يا خالتو معاكي حق بس دا ميمنعش انك تعملي DNA
الهام : مش هعمله يا اسلام لاني متأكده ان دي بنتي بطل تبرر لنفسك
اسلام : اعذريني يا خالتو انا مكنتش اعرف اللي حصل وكل اللي انتي قولتيه وعملت كده عشان انا خايف عليكي
الهام : عارفه يا حبيبي بس لازم تتعود تسمع اللي قدامك أين كان الموقف
اسلام : عندك حق يا خالتو انا اسف
الهام : ولا يهمك يلا ننزلها عشان متزعلش
اسلام : يلا بس انا مش قادر أصدق ان في اخت تعمل في اخوها كده
الهام بحزن : ربنا يرحمها ويسامحها على اللي عملته
اسلام والهام نزلوا عند هند
اسلام بمرح : يعني انتي بنت خالتي يا بوي على الزمن
هند : ههههههههه شوفت بقا
اسلام : تصدقي بالله يا خالتو وانتي بتحكيلي كنت حاسس انك بتحكيلي عن مسلسل بس حلو جو المسلسلات اللي طنط اماني عيشتكم فيه 😂😂
هند والهام : 😂😂😂
هند : ربنا يرحمها هيا وبابا مراد وبابا احمد وسمر
الهام : اللهم امين
اسلام: ايه يا خالتو مش هنتغدي ولا ايه
الهام : انت علطول همك على بطنك
اسلام : طبعا دا الاكل انتي تهزري في كل حاجه الا الاكل مفيهوش هزار ده
هند : بجد 😂😂😂
اسلام : طبعا يا بنتي 😎😎😎
الهام : انا هقوم اروح المطبخ اشوفهم خلصوا الغدا ولا لا
اسلام فضلوا يتكلموا مع بعض وقضوا اليوم كلهم مع بعض وكان من أجمل الايام في حياة الهام وهند
#. #. #
في بيت نرمين
سعاد : لا حول ولا قوة الا بالله العلي العظيم ربنا يرحمها ويسامحها بقا هيا عند اللي خلقها دلوقتي
نرمين : بجد حرام عليها ازاي قدرت تعمل كده في اخوها وبنته هو في ناس كده انا كنت بشوف الحاجات دي في المسلسلات والافلام بس عمري ما شوفتها في الحقيقه
امين : يا بنتي انتي لسه صغيره لسه مشفتيش حاجه من الدنيا عشان كده مستغربه الدنيا مليانه مفاجأت بتظهر قدامك مره واحدة من غير مقدمات
سعاد : ربنا يسترها معاكي انتي واخواتك وأولاد المسلمين ان شاء الله
نرمين : اللهم امين
امين : امتحاناتك امتى يا نرمين
نرمين : كمان ٣ اسابيع ان شاء الله
امين : ربنا معاكي يا حبيبتي
سعاد : اخيرا هتتخرجي يا قلبي
نرمين : آن شاء الله يا مامتي يا عسل
سعاد : طب يلا عشان تتغدوا انا جهزت الاكل
نرمين : انا مش هاكل
سعاد : ليه يا حبيبتي انتي بقالك يومين مكلتيش
نرمين : متقلقيش انا جعانه نوم بس ولما اصحى
اوعدك اني هاكل ان شاء الله
سعاد : ماشي على راحتك يا حبيبتي
بعد ٥ ساعات في اوضة نرمين
نرمين بصوت محشرج من اثر النوم : الو مين معايا
هند : انا هند يا نرمين
نرمين قعدت على السرير : وحشتيني يا هنون
هند : وانتي كمان يا حبيبتي
نرمين : عامله ايه دلوقتي
هند : الحمدلله أفضل
نرمين : دايما يا حبيبتي ان شاء الله
هند : جاهزه للامتحانات
نرمين بحزن : دي اوحش امتحانات هتعدي عليا في حياتي
هند : ليه يا حبيبتي
نرمين : عشان دي اول امتحانات تعدي عليا من غيرك
هند : امممممممم لا متزعليش
نرمين : ازاي بس دا حاسه بإحباط من دلوقتي انتي لما بتكوني معايا بتديني طاقة تفاءل رهيبه 😓😓😓
هند : ما انا هكون معاكي أن شاء الله
نرمين : هاا مش فاهمه
هند : هتحكيلك اللي حصل
فلاش باك
الهام : ازاي يعني يصدق عيل صايع ويكدبك ويفصلك كمان حسبي الله ونعم الوكيل فيه
اسلام : انا مستحيل اسمح المسخرة دي انها تتم اسمعي انتي هتخشي امتحانات السنادي غصب عنهم ولو مقدرتش الغي قرار الفصل يبقى آسيب شغلي واقعد في البيت
هند : بلاش انا مش عايزه يحصلك مشاكل بسببي
اسلام : مشاكل ايه يا ماما انتي لسه متعرفنيش
الهام : سبيه يا هند هو هيتصرف
اسلام : انتي هتيجي معايا يا خالتو نروح البيت اللي هند كانت عايشه فيه نجيب كتبها وكل اللي هيا هتحتاجه وانتي يا هند هتذاكري عشان تخشي الامتحانات
وانا هعمل اتصالاتي واشوف العميد ده
باك
هند : بس وراح هو وماما وجابوا كل حجاتي اللي انا عايزاها والا قدر يوصل للعميد وبصلاته قدر يوقف قرار الفصل
نرمين بذهول : انتي بتتكلمي جد مش بتهزري صح
هند بضحك : اه والله
نرمين قامت وقفت على السرير من الفرحه : اااااااااااااع اخيرررررا الحمد لله
هند : ههههههههه اهدي انتي بتعملي ايه
نرمين : اسكتي بقا انا فرحانه اوي
هند : بجد فرحانه
نرمين : طبعا يا بنتي
هند : ربنا يخليكي ليا يا حبيبتي
نرمين : ويخليكي ليا يا
فجأة الباب اتفتح بسرعه ودخلت سعاد وكانت مخضوضة : نرمين انتي كويسه يا بنتي بتصوتي ليه
ودخل امين ورا سعاد وقال : مالك يا بنتي فيكي ايه
• نرمين كانت متفاجأه من دخول باباها ومامتها عليها بالشكل ده وقلقهم عليها
نرمين : انا كويسه مفيش حاجه
سعاد باستغراب : امال بتصوتي ليه
نرمين بخوف من رد فعل باباها و مامتها : اصلي كنت بكلم هند وقالتلي ان هيا هترجع الجامعه وهتمتحن معايا السنادي فا من فرحتي عملت كده
امين وهو بيخرج من الاوضه : ربنا يهديكي يا بنتي
سعاد بنبره كلها عتاب لنرمين : مش هتكبري بقا وتتحكمي في تصرفاتك مفكرتيش ايه اللي هيحصل لما تصوتي بالطريقه دي انا قلبي وقع في رجليه من الخوف
نرمين : انا اسفه يا ماما والله مقصدش انا من فرحتي مختش بالي من اللي بعمله
سعاد : ربنا يهديكي
سعاد خرجت من الاوضه ونرمين خدت نفس طويل ورجعت تكلم هند
هند : ههههههههههههه مش قادره
نرمين : انتي بتضحكي
هند : اصلي متخيله شكلك وانتي عامله زي الفرخه المبلوله قدام مامتك وباباكي
نرمين : هههههههه عندك حق والله انا كنت خايفه
هند : هههههههههه
نرمين : بس بقي والله صعبوا عليه أوي
هند : معلش هيا اكيد عارفه ان انتي مكنش قصدك استنى تهدي وبعدين كلميها
نرمين : آن شاء الله
هند : اعملي حسابك تجيلي كل يوم تشرحيلي اللي فاتني عشان ننجح ان شاء الله
نرمين : عيوني انتي تؤمري يا عسل
هند : تسلم عيونك يا قمري
وفعلا نرمين بقت تروح كل يوم لهند تشرحلها ويذاكرو سوا
وعدي ٣ أسابيع وجه معاد الامتحانات
وعدت على خير على نرمين وهند
استنوني في بارت جديد من ما خلف الستار ♥️♥️
