يارب هل آن الأوان لراحتي
هل آن الأوان لتجف دمعتي
ويجهل الحزن الطريق إلى قلبي
هل سأسلك الطريق يوما نحو سعادتي
ويكون أحبتي برفقتي
هل آن الأوان ليجمع الشمل
وتزاح الغيوم من فوق سماءي
سأنتظر وانتظر فأنا اعلم
بأن رحمتك تطوف بكل العبادي
(بقلمي رضوى سالم)
هند واقفة مكانها ثابته مذهولة من الحاجات اللي عرفتها عقلها مش قادر يستوعب الكلام اللي مكتوب في الرساله وبعد ٥ دقايق هند ابتدت تستوعب وقعدت في الأرض وانهارت وفضلت تعيط جامد لحد ما اغمى عليها
هند فضلت على حالتها لحد تاني يوم الصبح
هند ابتدت تفوق : ايه ده انا ايه اللي نيمني هنا وبصت لقت الرساله في الأرض جمنبها ابتدت تفتكر اللي حصل
هند بدموع : يعني انا كنت عايشه مع عمتي وكمان هيا اللي قتلت بابا واخذتني وبعدتني عن حضن امي كل ده عشان الانتقام وانتقام من غير حق اااااااااااااااه يارب انا تعبانه اوووي يارب انت اللي عالم بحالي انا سمحتها يارب والله من قلبي سمحتها بس طلبي الوحيد ان امي تكون عايشه واقدر اشوفها وانام في حضنها اللي اتحرمت منه سنين يارب انا مش عايزة اي حاجه من الدنيا الا حضن امي نفسي ارتاح يارب انت اللي عالم انا اتعذبت اد ايه في حياتي اللهم فرج قريب اللهم فرج قريب
هند قررت انها متستسلمش وانها تبتدي تستعد عشان حياتها الجديدة وقامت تتوضئ عشان تصلي وتدعي ربنا انه ييسرلها كل عسير 😌😌
#. #. #.
في بيت نرمين
نرمين : صباح الخير يا بابا ويا ماما
امين وسعاد : صباح النور يا حبيبتي
نرمين : ايه يا سوسو مش هنفطر ولا ايه انا جعانه
سعاد : لما أدهم يصحى هنفطر
نرمين : يادي أدهم اللي منعرفش نعمل حاجه الا وهو موجود حتى الاكل😔😔😔😔
سعاد : مش اخوكي الكبير
نرمين : وانا اللي كنت بقول عليكي انك غير الأمهات طلعتي زيهم واكتر
سعاد : مالهم يا ختي الأمهات
نرمين : مهو يا..
امين قاطعها : خلاص يا نرمين مش هتسلكي مع امك انتي عارفه أدهم بالنسبلها ايه وكدة بقى انتي فاهمه عدي عدي
نرمين : عشان خاطرك انت بس يا بابا
سعاد : المفروض اني اخاف دلوقتي مثلا
نرمين عشان الموضوع يخلص : حقك عليا يا مامتي يا حبيبتي 😘😘
سعاد : ماشي روحي صحي أدهم بقا
نرمين في سرها : ما كان من الاول 😔😔😔😔
#. #. #.
في فيلا الهام
عفاف : انتي كويسة يا مدام شكلك تعبانه خالص
الهام : متقلقيش يا عفاف شوية إرهاق بس هطلع اريح شوية وان شاء الله هبقي كويسه
عفاف : لا انا كدة مش هطمن انا هكلم الدكتور يجي يشوفك
الهام : صدقيني يا عفاف انا كويسة متقلقيش
عفاف : على راحتك يا مدام الهام بس اول ما تحسي بأي حاجة اندهيني علطول
الهام : حاضر يا عفاف
عفاف : حضرتك عايزه اي حاجه هروح اكمل شغل في المطبخ
الهام : معلش يا عفاف كلمي اسلام قوليلوا لو فاضي يجي يتغدى معايا انهارده
عفاف : حاضر يا هانم اي أوامر تانيه
الهام : لا يا عفاف تسلمي روحي انتي كملي شغلك
عفاف : بعد اذنك
الهام : اتفضلي
#. #. #
في بيت نرمين
امين : ايه رايكم نروح شرم الشيخ اسبوع نغير جو بما ان أدهم واخد اسبوع اجازه من الشغل
نرمين بفرحه : الله عليك يا بابا وعلى أفكارك انا موافقه طبعا
سعاد : ربنا يخليك ليا يا ابوادهم يارب
شريف : انا هتنازل وهاجي معاكم يلا اي خدمه بس متخدوش على كده 😎😎
أدهم ضرب شريف على قفاه وقاله : يا شيخ اتنيل انت تطول اصلا
شريف : لا طبعا دا يشرفني اني امشي معاك يا باشا احنا تحت امر الحكومه 😁😁😁
أدهم : ايوه كده ارجع لاصلك 😏😏
امين : تمام الكل كده موافق يبقى هنتحرك بكره الصبح بس محدش هياخد التليفون معاه
أدهم : مينفعش لازم تلفوني يكون معايا علطول
امين : خلاص يبقى أدهم بس اللي هياخد تلفونه الباقي لا
سعاد : طب افرض حصل حاجه لا قدر الله
امين : ان شاء الله مفيش حاجه هتحصل احنا هنروح نغير جو ونتبسط ملهاش لازمه التليفونات
الكل وافق على القرار
امين : عالفكره يا نرمين انا لقيت السمسار اللي هيشتري ارض هند واتفقت معاه على السعر
نرمين : هتتباع بكام
امين : ٨٠الف جنيه
نرمين : طيب هو المبلغ ده هيكفي مشروع كويس تقدر تصرف على نفسها منه
امين : بصي انا عندي اقتراح انا اعرف واحد صاحبي بيعمل مشاريع وانا واثق فيه جدا ممكن تديله الفلوس ويدخلها في مشروع من مشاريعه وكل شهر يطلع ليها نسبه ودا هيكون افضل ليها لان هيا مش هتقدر تدير مشروع لوحدها لأنها معندهاش الخبره انها تعمل مشروع
سعاد : فكره حلوه اوي يا آمين وفعلا دا هيكون افضل ليها
نرمين : يعني انتو شايفين كده
سعاد وأمين : ايوه
نرمين : خلاص انا هقوم اكلمها واخد رأيها
نرمين راحت عشان تكلم هند بس لقت تيلفون هند مقفول فقررت انها تتصل بيها بعد شويه
#. #. #.
في بيت هند
هند : ( ولنبلونكم بشيء من الخوف والجوع ونقص من الأموال والانفس والثمرات وبشر الصابرين. اللذين اذا اصابتهم مصيبة قالوا انا لله وانا اليه راجعون. أولئك عليهم صلوات من ربهم ورحمه واولئك هم المهتدون.) صدق الله العظيم
يارب انا صابره وراضية على كل اللي حصلي واللي لسه هيحصل وهستني بكل صبر وإيمان فرجك ان شاء الله
البيت مفيهوش حاجه انا لازم انزل دلوقتي اتسوق واشوف ايه اللي ناقص عشان ارجع قبل المغرب
هند قامت لبست وجهزت نفسها عشان تنزل تتسوق ولما جت تاخد تليفونها لقته فاصل شحن
هند : يووووه انا هسيبه ولما اجي هبقي اشحنه عشان اتأخرت
ونزلت هند وسابت تيلفونها زي ما هو مقفول
وبعد ٣ ساعات هند رجعت البيت وابتدت تظبط كل حاجه وجهزت اكل لنفسها وبعد ما خلصت
هند : انا عايزه اسلي وقتي بأي حاجه اعمل ايه اعمل ايه صح انا هقرا الرواية اللي اشترتها
هند فضلت تقرأ الروايه لحد ما نامت وللأسف نسيت تيلفونها ومشحنتهوش
#. #. #
تاني يوم الصبح في بيت نرمين
سعاد : هيا لسه تيلفونها مقفول
نرمين : اه يا ماما
سعاد : انا كده ابتديت اقلق عليها
نرمين : لا دا العادي بتاع هند بتسيب تيلفونها مش بتركز اذا كان مقفول ولا مفتوح
سعاد : انتي متأكده
نرمين : ايوه يا ماما بس هعمل ايه دلوقتي انا كنت عايزه اقولها على موضوع الفلوس واخد رأيها قبل ما نسافر
سعاد : طيب ما تبعتيلها رساله قوليلها فيها كل حاجه واكتبي رقم أدهم في الرساله بما ان هو الوحيد اللي هياخد تيلفونه وتبقى تكلمك عليه تقولك رأيها في الموضوع
نرمين : فكره حلوه اوي انا هبعتلها الرساله
سعاد : طيب بسرعه وتنزلي عشان هما مستنينك عشان نمشي
نرمين : حاضر يا ماما
#. #. #
في بيت هند
هند صحيت على صوت تخبيط على الباب
هند : اووف هو في حد بيخبط على حد دلوقتي
هند راحت عشان تفتح بصت من العين السحريه لقته عم محمد البواب
هند قبل ما تفتح : ايوه يا عم محمد في حاجه
عم محمد : الزباله يا انسه هند
هند : حاضر يا عم محمد استنى هجبهالك
هند راحت جابت الزباله وادتها للبواب
هند : حرام عليك يا عم محمد صحتني مش هعرف انام تاني بس كويس انك صحتني عشان اصلي الضحى بدري
هند اتوضت وصلت الضحى وفضلت قاعده ساكته مش بتعمل اي حاجه وفجأة افتكرت التليفون
هند : اوبس انا نسيت اشحن التليفون زمان نرمين كلمتني كذا مره اوف بقا
هند راحت فتحت التليفون ولقت رسالة نرمين
هند : هند هيا فكره كويسه جدا ربنا يجازي باباها كل خير بس بس انا هتكسف ارن على تيلفون اخوها انا هستني لما تيجي أن شاء الله وهبلغها اني موافقه بس ايه ده انا هقعد اسبوع مشفش نرمين ولا اسمع صوتها حتى يارب الاسبوع ده يعدي بسرعه عشان انا ماليش غيرها وهيا هتوحشني اوي 😔😔😔😔
#. #. #
في بيت هند كانت الساعه ٩ بليل وقتها وكالعادة قاعده لوحدها
هند بدموع : يارب الوحده وحشه اوي كن مؤنسي في وحدتي يا رب يارب انا وحيده ضعيفه لا حول لي ولا قوة دلني ياربي على الطريق الصحيح يارب ساعدني عشان الاقي امي انا لحد دلوقتي مش عارفه هدور عليها ازاي وهبتدي منين يارب انت القادر على كل شيء اجمعني بأمي في القريب العاجل يارب عجل بفرجك يا كريم
وبعد نص ساعه من الدموع والدعاء
هند : انا زهقااااااااااانه اوي عايزه اعمل اي حاجه انا هنزل اتمشى ساعه كده وهرجع اهو اي تغير جو وخلاص
وفعلا هند لبست ونزلت عشان تتمشى وبعد ساعه هند كانت ماشيه في مكان هادي وفجأة وقفت وحطت ايدها على قلبها
هند : هو انا قلبي اتقبض كده ليه معقول نرمين جرالها حاجه لالا ان شاء الله خير هو يمكن عشان المكان هادي وخايفة خلاص انا هرجع كفايه كده بس انا قلقانه اوي خلاص انا هكلم نرمين على تيلفون اخوها يا ختااااااااااي دا انا نسيته في البيت خلاص هروح واول ما اوصل هكلمها
وفعلا هند غيرت اتجاهها عشان ترجع البيت وعزمت أمرها انها تكلم نرمين عشان تطمن عليها
#. #. #
في فيلا الهام
الهام : متحاولش تصالحني عشان انا زعلانه منك عشان مجتش اتغديت معايا امبارح
اسلام : والله كان غصب عني كان عندي مأمورية وخلصت الساعه ١٢ وبعدين ما انا جيت انهاردة اهو وبقالي ساعتين بصالحك
الهام : هو انت علطول عندك أعذار سيبني ازعل منك مره
اسلام عيب عليكي يا خالتو دا انا اسلام 😎😎😎
الهام : ماشي يا اخويا تعالي نتمشى في الجنينه شويه عشان زهقت
اسلام : تحت امرك يا جميل يلا بينا
الهام وإسلام بيتمشوا في الجنينه
اسلام : ايه يا الهامتي ساكته ليه اوعي تكوني لسه زعلانه
الهام : انا عمري ما ازعل منك يا حبيبي انتي أغلى حاجه عندي في الدنيا انا ماليش غيرك في حياتي
اسلام : وانا كمان من بعد ما ماما وبابا اتوفوا ماليش غيرك في حياتي ربنا يخليكي ليا وميحرمنيش منك ابدا يا رب
الهام : خلي بالك من نفسك واتجوز بقا عشان متبقاش لوحدك
اسلام : انا عمري ما هبقي وحيد طول مانتي معايا
الهام سكتت ومردتش على الهام وفجأة الهام حست بصداع شديد ومكنتش قادره تقف ووقعت على الارض
اسلام : خالتو خالتو انتي كويسه ردي عليا يا حبيبتي
الهام : خلي بالك من نفسك
اسلام : ركزي معايا انتي مش هتمشي وتسبيني
ماشي
عفاف جت على صوت اسلام
عفاف شهقت بصوت عالي : يا لهوي
اسلام : عفاف اطلبي الإسعاف بسرعه اجري يا عفاف
عفاف جريت على جوه وكلمت الإسعاف
اسلام : خالتو انتي سمعاني متخافيش الإسعاف جايه وهتخفي وتبقى كويسه أن شاء الله وكمان هتجوزيني وانتي اللي هتختاريها ماشي
الهام ابتسمت وبصت في عيون اسلام وفي لحظه غمضت عنيها واستسلمت
اسلام بدموع : لا يا خالتو فتحي عنيكي ارجوكي فتحيها ردي عليا يا خالتو ردي عليا ياااااااارب
يا ترى ايه اللي حصل ل الهام؟؟؟
استنوني في بارت جديد من ما خلف الستار
