البارت 2
هند ما قدرتش تتحمل الإهانة والظلم اللي اتعرضتله كانت حاسه بالعجز لأنها مش قادرة تدافع عن نفسها او تثبت براءتها هند خرجت من مكتب العميد وانهارت وفضلت تعيط جامد دموعها كانت زي الشلال ضربات قلبها سريعه مكنتش قادرة تاخد نفسها كانت حاسه انها بتموت وكانت ماشية تقريبا مش شايفة قدامها وفي نفس الوقت نرمين كانت في مكان قريب منها اول ما لمحتها وشافت حالتها جريت عليها
نرمين : هند مالك يا حبيبتي ايه اللي حصل طب اهدي وفهميني
طالبه من اللي كانوا واقفين حكت ل نرمين اللي حصل
هند اول ما شافت نرمين وحست انها قريبة منها اترمت في حضنها زي ما تكون كانت بتدور على الحضن ده علشان تستسلم وفجأه هند اغمى عليها واتجمع عدد من الطلبه وحاولوا يفوقوها بس للأسف مفقتش اتصلوا بالاسعاف وجت خدتها
نرمين كانت مستنيه الدكتور يطلع من عند هند : يارب أقف معاها يا رب انت عالم آنها طيبة وتستاهل كل خير يا رب متورنيش فيها حاجه وحشه ابدا
في الوقت ده وصل احمد وأماني المستشفى
احمد : فين هند ايه اللي حصل بنتي مالها
نرمين : اهدي يا عمو ان شاء الله هتبقى كويسه
اماني : وايه اللي خلي الشملوله تتعب ان شاء الله
احمد بحده وغضب : هيا مش طلباكي يا اماني يا تتكلمي عدل يا إما تسكتي خالص والتفت لنرمين وقالها : قوليلي يا بنتي في حاجه حصلت خلت هند تتعب
نرمين حكت ل أحمد كل اللي سمعته من الطلبه في الجامعه
احمد : انا مش مصدق ازاي يعملوا فيها كدة معقوله محدش شافهم وهما بيضايقوها
نرمين : ولو شافو محدش هيقدر يكذب ابن مدير الجامعة كله هيخاف
وعدت نص ساعه والدكتور خرج من عند هند وقالهم ان هيا جالها هبوط حاد في الدوره الدموية نتيجة ضغط عصبي شديد وان هيا لازم تقعد اسبوع في المستشفى عشان يتابعه حالتها اول بأول وطلب منهم يساعدها ان نفسيتها تتغير علشان ده هيساعدها انها تخف بسرعة احمد : اماني انت هتمشي علشان انا عايز بنتي تخفي بسرعه انت سمعتي الدكتور بيقول لازم حالتها النفسيه تتحسن مش هسمح لاي حاجه تضايقها او تزعلها اظن انت فاهماني كويس
اماني : هو انا كنت قولت هقعد انا اصلا همشي بنتي لوحدها في البيت
نرمين في سرها : ايه الولية الجاحده دي معندهاش ذرة انسانية
احمد بغيظ منها : ماشي اتفضلي روحي
اماني : ماشي يا خويا سلام
#. #. #
سمر اول ما شافت اماني : اي يا ماما كنتي فين وبابا وهند فين انا رجعت ملقتش حد فيكم في البيت
اماني : اسكتي ومتجبيش سيرة اللي اسمها هند ربنا ياخدها ويريحني
سمر : ليه يا ماما حرام عليكي هيا هند عملتلك حاجة دي بتحبك جدا
اماني باستهزاء: حبها برص البعيدة تغور بحبها مش عايزاه
سمر : طيب هما فين
اماني حكت ل سمر كل اللي حصل مع هند
سمر بعياط : يا حبيبتي يا هند حسبي الله ونعم الوكيل في اللي عمل فيها كدة
اماني في سرها : والله كتر خيرة هيريحني منها اسبوع
سمر : ماما انا عايزه اروح لهند انا عايزه اشوفها انا لازم اطمئن عليها يلا يا ماما بالله عليك نروح لها دلوقتي
اماني : ما ينفعش يا سمر الوقت تاخر دلوقت بكره ابقي روح لها
سمر : وانت يا ماما مش هتيجي معي بكره ولا ايه هو انت مش هتروحي الهند
اماني : لا يا اختي ابوك منعني ان انا اروح قال ايه عايزها تخف بسرعه انا اصلا كده كده ما كنتش عايزه اروح لها
سمر في سرها : والله عنده حق
أماني : يلا اهو الواحد هيرتاح منها اسبوع
سمر بصوت واطي : والله هيا اللي هترتاح
اماني : بتقولي حاجة يا سمر
سمر : بقول ربنا يشفيها
اماني : طب قومي يلا شوفي مذاكرتك
سمر : حاضر تصبحي على خير
اماني: وانتي من اهله
بعد ما سمر مشيت
اماني : ربنا ياخذك يا هند طالعه شبه ابوك بالظبط مصيبه في حياتنا ربنا يريحنا منك انا غلطت لما اتبنيتك
#. #. #.
نرمين واحمد فضل مستنيين هندي لحد ما فاقت والدكتور جاء طمنهم عليها ثاني وقال لهم ان هي في تحسن واهم حاجه العامل النفسي وبعد كده نرمين بابا هاجي اخدها لان الوقت كان اتأخر وما ينفعش تروح لوحدها وفضل احمد مع هند في المستشفى
هند : انا اسفه يا بابا بس والله العظيم هو اللي ضايقني و عاكسني
احمد : اسفه على ايه يا بنتي ربنا ياخذهم هما واللي زيهم ان شاء الله ربنا هيقف معاكي وييسرلك امورك ان شاء الله
هند: ان شاء الله يا بابا
احمد : بصي بقى انا مش عايزك تفكري في اي حاجه غير في صحتك وبس مفهوم
هند : حاضر يا بابا ان شاء الله
احمد : ربنا يشفيكي يا بنتي ويسرلك امورك أن شاء الله
وفعلا هند قعدت اسبوع في المستشفى واحمد وسمر ونرمين كانوا على طول معاها ومش بيسيبوها وفعلا قدروا يحسنوا جزء بسيط جدا من نفسيتها بس للاسف موضوع فصلها و الموقف اللي مرت بيه كان مدمر نفسيتها جدا والسنه اللي ضاعت عليها كل ده كانت بتفكر فيه و شايله همه وعدى كمان شهر وهند على نفس الحاله محبطه و متضايقه جدا من كل الامور اللي مرت بيها مش بس طردها من الجامعه كمان موضوع اهلها نفسها تشوف اهلها نفسها تعرفهم كانت طول الوقت حابسه نفسها في اوضتها ومش بتخرج الا قليل جدا والحزن كان مسيطر عليها بدرجه كبيره جدا
الى متى يا قلبي العذاب
فانا اتوق شوقا الى اللقاء
احن الى نبع الحنان
احن الى عطف الوالدان
فمتى يجمع الشمل وتفتح جميع الابواب
الى متى يا قلبي العذاب
فانا مثل كل البشر احن واشتاق
اريد ان اغفو بأمان
واستيقظ على ابتسامه تملؤها الدفء والحنان
الى متى يا قلبي العذاب
(بقلمي رضوى سالم)
#. #. #
الهام : عفاف يا عفاف
عفاف : اؤمريني يا مدام الهام
الهام : اعمليلي قهوه بسرعه دماغي هتتفرتك
عفاف : حاضر يا هانم
عفاف راحت المطبخ عشان تعمل القهوة
صفاء : الهانم صعبانه عليه قوي القهوه اللي بتشربها كتير بضر صحتها جدا
عفاف : هعمل ايه بس مهو ما ينفعش اقول لها لا
صفاء: هو انتي بتشتغلي هنا من امتى يا مدام عفاف
عفاف : انا بقالي 22 سنه بشتغل هنا
صفاء : اه علشان كده الهانم بتعزك قوي وبتثق فيكي
عفاف : ايوه انا شغاله هنا في الفيلا من ساعه ما الهام هانم اتجوزت الاستاذ مراد
صفاء : ايه ده هي الهانم متجوزه طب وفين جوزها وهي عايشه لوحدها ليه
عفاف : ملكيش دعوه وخليكي في اللي يخصك بس خليكي في شغلك احسن
صفاء : حاضر
عفاف عملت القهوه وخذتها ل الهام
عفاف : يا الهام هانم انا خايفه عليكي من القهوه انت ناسيه ان الدكتور مانعك منها
الهام : اعمل ايه يعني انا اتعودت عليها خلاص بتهديلي الصداع اللي كل شويه يجي وبعدين انا خلاص المرض انتشر في جسمي خلاص قربت اموت
عفاف : ما تقوليش كده يا هانم ربنا يديكي طول العمر ان شاء الله
الهام : واعيش لمين طول العمر كفايه عليه 2٢ سنه عايشه لوحدي خلاص بقى عايزه اروح عند حبايبي
عفاف بتأثر: ربنا يرحمهم تامريني بحاجه تانيه يا هانم
إلهام : لا يا عفاف شكرا
#. #. #.
في بيت احمد واماني كانوا متجمعين على الفطار
أحمد : ايه رايكم نخرج كلنا النهارده
سمر بفرحة : الله يا بابا هنروح فين انا نفسي اروح الحسين
احمد : هنروح كل الاماكن اللي انتو عايزين تروحوها وكمان هنروح المول عشان لو عايزين تشتروا حاجات ليكم
هند : معلش يا بابا انا مش هقدر اجي معاكم روحوا انتو
أماني في سرها : والله احسن على الاقل الواحد يرتاح في الخروجة
أحمد : ازاي يا هند هتيجي معانا ومش هقبل بأي أعذار هتيجي يعني هتيجي
هند : حاضر يا بابا
اماني في سرها : ليه كدة ما انتي كنتي ماشيه كويس غيرتي رأيك ليه
احمد : خلاص اتفقنا هنصلي الجمعة ونخرج أن شاء الله
#. #. #
عفاف : اتفضل يا استاذ اسلام الهام هانم مستنياك جوه
اسلام : ايه القمر دا يا خالتو اللي يشوفك يقول انك بنت ٢٠ مش عندك حاجه وأربعين سنه
الهام : اهلا يا حبيبي عامل ايه
اسلام : الحمدلله يا خالتو انتي عامله ايه
الهام : الحمد لله
اسلام : مالك يا خالتو حاسس ان في حاجه مضايقاكي
الهام : تعبت يا اسلام من الوحده الوحيده اللي كانت بتهون عليه هي امك الله يرحمها من ساعه ما ماتت من خمس سنين ما بقاش ليه حد غيرك وانت كمان مش فاضي وراك ماموريات ومجرمين وقواضي ومش فاضيلي
إسلام : معلش يا خالتو حقك عليه انا عارف ان انا مقصر معاكي بس والله الشغل كثير و غصب عني مش فاضي
الهام : ولا يهمك يا حبيبي انا عارفه ان هو غصب عنك ربنا يعينك ويحفظك ويبعد عنك كل شر
اسلام : اللهم امين يا خالتو انت مش هتغديني ولا ايه انا ميت من الجوع
إلهام : حالا يا حبيبي عفاف زمانها حضرت السفره تعال يلا
اسلام : يلا يا حبيبتي
#. #. #.
احمد : ايه لسه مخلصتوش من ساعتين واحنا بنلف
سمر : معلش يا بابا كمان شويه احنا بنلاقي الحاجات اللي احنا عايزينها بصعوبه
احمد : ماشي اما نشوف اخرتها هنخلص ولا لا
وفجاه سمعوا صوت خبطه جامده من وراهم بصوا وراهم لقوا اماني اغمي عليها
هند : ماما ماما انتي كويسه هاتوا ميه بسرعه
والناس اتلمت حواليهم وحاولوا كتير يفوقوا اماني بس للاسف مفقتش احمد شال اماني بسرعه واخذها المستشفى
سمر : ماما هتبقى كويسه يا بابا مش كده
هند : اهدى يا سمر وان شاء الله خير
الدكتور خرج من عند اماني وقالهم انهم لسه محددوش سبب الاغماء بالضبط وهيحتاجوا يعملولها شويه تحاليل عشان يقدروا يحددوا سبب الاغماء
وعندي اربع ساعات و ظهرت نتيجه التحاليل احمد راح عند الدكتور عشان يستفسر عن نتيجه التحليل
الدكتور : بصراحه يا استاذ احمد الاخبار مش كويسه
احمد : خير يا دكتور قلقتني
الدكتور : للاسف المدام جالها ورم على المخ والورم كبير وهتحتاج عمليه وللاسف. نسبه نجاح العمليه 20 %
احمد خرج من عند الدكتور مش مستوعب اللي سمعه ولا حاسس باي حاجه حواليه
هند: طمنا يا بابا الدكتور قالك ايه
احمد حكلهم كل اللي الدكتور قاله عن حاله اماني٠
سمر : يا حبيبتي يا ماما يا رب قومها لينا بالسلامه انا ما اقدرش اعيش من غيرها
هند : اهدى يا سمر ان شاء الله العمليه هتنجح وهتبقى كويسه ان شاء الله
سمر : يارب يا هند
وفاقت اماني وعرفت كل حاجه عن حالتها وكانت منهاره جدا
الدكتور : المدام هتفضل اسبوع تحت المراقبه وبعد الاسبوع ما يخلص هتعمل العمليه ان شاء الله بعد اذنكم مين دي
احمد : اتفضل يا دكتور
وقعدت هند مع اماني في المستشفى بعد جدال كبير مع احمد اللي كان رافض تماما ان هيا تقعد معاها بس في الاخر قدرت تقنعه وخليته يروح هو وسمر وفضلت هي مع اماني في المستشفى
اماني : انت ليه اصريتي انك تقعدي معايا و بتهتمي بيا مع انك ما شفتيش معايا يوم حلو ولا شفتي مني معامله حسنه
هند : علشان انت من يوم ما اخذتيني من الملجا وانا بعتبرك امي وده واجب البنت على امها مهما كان
اماني في سرها : يا الهي انا بجد مكسوفه من نفسي قوي انا ازاي عملت فيها كده يعني بعد ما زلتها وهنتها وعملتها اسوء معامله هي دلوقتي بتهتم بيا و بترعيني و بتعتبريني امها كمان يا رب انا غلطي كبير قوي يا رب سامحني واغفر لي يا رب انا عارفه ان غلطي ما يتغفرش بس كلي امل ورجاء في رحمتك يا رب سامحني انا قلبي اتملي بالحقد والكره وخلاني اغلط كتير قوي يا رب انا حرمتها من احلى حاجه في حياه اي انسان وهي حضن الام.........
وعدى الاسبوع وهند كان طول الوقت مع اماني في المستشفى وبتهتم بها ودا خلى اماني تفوق وتتمنى من ربنا يسامحها على كل اللي عملته مع هند
وقبل ميعاد العمليه بساعه سمر كانت قاعده مع أماني في اوضتها في المستشفى
اماني : سمر هاتيلي ورقه وقلم
سمر : حاضر يا ماما
وكتبت اماني ورقه وادتها لسمر
اماني : سمر انا لو جرالي حاجه
سمر : بعد الشر عليكي يا ماما ان شاء الله هتقوميلنا بالسلامه وتبقي كويسه
اماني : اسمعيني للاخر يا سمر الورقه دي لو جرالي حاجه اديها لهند الورقه دي امانه معاكي اوعي تفتحيها
سمر : ما تخافيش يا ماما ان شاء الله هتقومي بالسلامه وانت تديها الورقه بنفسك
اماني : يا رب يا سمر
ودخلت اماني العمليه والعمليه فضلت 12 ساعه واحمد وهند وسمر كانوا في قلق شديد جدا كانوا مستنيين الدكتور يخرج في اي لحظه يبلغهم باخبار كويسه و لسان احمد ما وقفش عن الدعاء والدموع ما نشفتش من عيون هند وسمر وكلهم امل ورجاء ان الاخبار تبقي كويسة وخلصت العمليه وخرج الدكتور......
يا ترى ايه اللي هيحصل لاماني هتعيش ولا هتموت ويا ترى ايه اللي اماني كتبته لهند في الرساله استنوني في بارتي جديد من ما خلف الستار؟؟؟؟
