في بيت نرمين
سعاد : يا حبيبتي مش أدهم طمنك وقالك انها كويسه بتعيطي ليه بقا
نرمين : انا همووووت من احساسي بالذنب اني سبتها ومشيت في اكتر وقت هيا محتاجاني فيه كفايه لما تعبت كانت لوحدها من غير اي حد انا حاسه بكل اللي مرت بيه انا قلبي بيوجعني عليها اوي انتي متخيله آن هيا قبلت تقعد عند الست دي ليه عشان هيا عارفه ومتأكده ان هيا مش هتقدر تخدم نفسها ولا هتقدر تعمل اي حاجه وهيا لوحدها
سعاد : يا حبيبتي اللي عدي خلآص متفكريش فيه فكري في اللي جاي فكري ازاي هتساعديها وتنسيها اللي حصل تغيري من نفسيتها عياطك مش هيفيد بحاجه
نرمين : انا اكيد مش هسيبها عند الست دي انا هجيبها معايا بعد اذنك يا ماما تعيش معانا هنا علي الاقل لحد ما تخف
سعاد : اكيد يا حبيبتي انا اتكلمت مع ابوكي وهو معندوش اي اعتراض
نرمين : بجد يا ماما
سعاد : اه يا حبيبتي
نرمين حضنت امها بسعادة وقالت : ربنا يخليكم ليا وميحرمنيش منكم ابدا
سعاد : ويخليكي ليا يا حبيبتي
أدهم : اخيرا شفناكي بتضحكي ياختي
نرمين جريت على أدهم وحضنته : ربنا يخليك ليا يا أدهم لولاك مكنتش عرفت عنها حاجه
أدهم : انا تحت امر الشعب وبعدين انتي شكلك دعيتي بضمير عشان كده بالصدفه عرفت كل حاجه
نرمين : طب يلا مش هنروح انا جاهزة بقالي ساعه
أدهم : يلا صاحبي مستني تحت
نرمين : يلا
أدهم : هتعوزي حاجه يا ماما
سعاد : لا يا حبيبي مع السلامه
#. #. #
في فيلا الهام
هند : دا احلى فطار فطرته في حياتي يا مامتي
الهام : بالهنا والشفا يا روحي
هند بحزن : ماما عايزه اتكلم معاكي في موضوع
الهام : قولي يا حبيبتي
هند بدموع : انتي فاكره لما حكتيلي عن موضوع مرضك وكمان قولتيلي انك في مرحله متأخره عشان خاطري يا ماما خلي بالك من صحتك وانا هساعدك وهكون معاكي خطوة بخطوة لحد ما تخفي ان شاء الله بس انتي ساعديني وخلي عند اراده انك تعيشي انا ماصدقت لقيتك متحرمنيش منك تاني الله يخليكي انا خلاص لقيتك ومقدرش اعيش من غيرك والله
الهام : اهدي يا حبيبتي اوعدك والله اني هعمل المستحيل عشانك انتي متخافيش يا روحي ويلا أمسحي دموعك انا مش عايزه اشوفك زعلانه ابدا عايزاكي مبسوطه عالطول
هند حضنت الهام : ربنا يخليكي ليا يا حبيبتي وميحرمنيش منك ابدا
الهام : اللهم امين
الباب خبط
الهام : ادخل
عفاف : اسلام باشا وصل يا هانم وطلب مني اقولك ان هو معاه ضيوف
الهام باستغراب : ضيوف... تمام يا عفاف قوليلوا اني نازله حالا
عفاف : حاضر يا هانم
الهام : خليكي يا حبيبتي اشوف مين الضيوف ولما يمشوا هجيب اسلام ونطلعلك
هند : ماشي يا ماما
الهام باست راس هند وخرجت من الاوضه
هند : يا ترى انتي رجعتي ولا لسه يا نرمين انا هقول لماما وهيا هتساعدني وتعرفها مكاني ان شاء الله
تحت عند اسلام
الهام : اهلا يا حبيبي عامل ايه
اسلام : الحمد لله يا خالتو انتي عامله ايه
الهام : الحمد لله
اسلام : أدهم صاحبي ودي نرمين اخته وصاحبة هند كانت بتدور عليها لما ملقتهاش في بيتها وادهم جالي لما عرف ان انا اللي كانت ماسك قضيتها فقلتله على اللي حصل وعرفتهم ان هيا هنا
الهام : اهلا وسهلا تعالي يا حبيبتي انتي كنتي بتعيطي ولا ايه
نرمين : ايوه اصل هيا وحشاني اوي وانا قلقانه عليها
الهام : متقلقيش يا بنتي هيا كويسه الحمد لله.... يا عفاف عفاف
عفاف : اؤمريني يا هانم
الهام : خدي الانسه نرمين عند هند
عفاف : حاضر يا هانم اتفضلي يا انسه
اسلام : فين المفاجأة بقا يا خالتو 😊😊😊
الهام : مفاجأتي لو فضلت سنين تفكر عمرك ما كنت هتعرفها
اسلام : مش فاهم انت فاهم حاجة يا أدهم
أدهم : بصراحه لا 😂😂
الهام : هطلع اجيب المفاجأة واجي
في اوضة هند
هند كانت سرحانه والباب خبط
هند : ادخل
نرمين: انا جيييييييييييت
هند : ااااااااااااااااااااااااااع
وفضلوا الاتنين حاضنين بعض هند حست بحركة جسم هند عرفت انها بتعيط
هند : اهدي يا نرمين اهدي يا حبيبتي انا كويسه
نرمين : انا اسفه يا هند انا اسفه سامحيني حقك عليا
هند : يا حبيبتي اسفه على ايه هو انتي ذنبك ايه في اللي حصل
نرمين : اسفه اني سيبتك وسافرت في اكتر وقت انتي محتاجاني فيه انا غبيه اوي سامحيني الله يخليكي
هند : انتي غبيه يا بت انتي ولا ايه دا قدر ربنا هو اللي أراد كده وانا مبسوطه اصلا
نرمين : جهزي نفسك بقا عشان هتيجي تقعدي عندنا انا مستحيل اسيبك تقعدي في بيت حد غريب وبابا وماما اصلا موافقين وعايزين كده
هند : امممم هو في حد بيسيب بيت ابوه وأمه ويمشي
نرمين : ها.........
هند بضحك : ايه يا بنتي بلمتي كده ليه هههههههههه
شكلك يضحك
نرمين : لا فهميني انا مش فاهمه حاجه؟؟؟
هند : بصي هحكيلك كل حاجه من البدايه لحد ما ربنا أنعم عليه بالحاجه الوحيده اللي كنت بتمناها
هند حكت على نرمين كل حاجه حصلت من اول رساله اماني لحد ما عرفت ان الهام تبقى امها الحقيقيه
هند : نرمين
نرمين :.........
هند زقت نرمين براحه : انتي يا بنتي روحتي فين
نرمين بذهول : انا مش قادرة أصدق في اخت تعمل في اخوها كده يالهوي على الجبروت
هند : ربنا يرحمها ويغفر لها كل اللي حصل بقا ماضي خلاص خلينا نفكر في اللي جاي
نرمين : انا اسعد انسانه في الدنيا عشان ربنا استجاب دعاءك وجمعك بأمك الحقيقية مبروك يا روحي
هند : حبيبتي يا نرمين الله يبارك فيكي انتي لولا وجودك في حياتي مكنتش عرفت اعدي أزمات كتير ربنا يخليكي ليا وميحرمنيش منك ابدا يا رب
نرمين : يا حبيبتي انتي إيمانك القوي بربنا هو اللي خلاكي صامده وصابره في كل وقت ودا واجبي اني أقف جنبك واساعدك
الهام فتحت الباب ودخلت : خلصتوا عياط انتي وهيا
هند: تعالي يا ماما دي نرمين صحبتي من زمان دي أغلى واحلى حد قابلته في حياتي
الهام : ربنا يخليكم لبعض يارب
نرمين : انا همشي يا هند
هند : لسه بدري يا نرمين دا انتي لسه جايه انتي كنتى وحشاني اوي
نرمين : انتي كمان وحشتيني اوي بس أدهم عنده شغل مهم هستأذن من ماما واجيلك بكره ان شاء الله
هند : ماشي هستناكي آن شاء الله
نرمين : ماشي يا حبيبتي مع السلامة يا طنط
الهام : اتفضلي يا حبيبتي
هند : استنى يا هند هاتي رقمك عشان تيلفوني مش معايا
نرمين : اكتبي..........
نرمين : السلام عليكم
هند والهام : وعليكم السلام
نرمين وادهم مشيوا والهام وعفاف سندوا هند ونزلوا تحت عند اسلام
الهام قاعده جنب هند وبتقول : ايه رأيك في المفاجأة يا اسلام
اسلام : معلش يا خالتو انا مش شايف قدامي حاجه جديده
الهام : اه شاطر تقعد تقولي انتي مفكره يا خالتو ان في حد زيي في الداخليه كلها لا طبعا انا غير الكل انا المفروض اكون ماسك وزير الداخلية بس يلا كله خير
اسلام : اتريقي عليا يا خالتو ماشي انا غبي قولي بقا المفاجأة
الهام : انت عارف اسم هند الكامل ايه
اسلام : لا؟؟؟
الهام : اسمها هند مراد احمد المغربي
اسلام : ايوه فيها ايه دي يعني نعم ايه مش ممكن
الهام : مصدوم صح
اسلام في سره : دي اكيد واحده نصابه اكيد خالتو حكتلها عن الشبه اللي بينها وبين عمو مراد وهيا استغلت كده انا لايمكن اسمح بالهبل ده آن هو يحصل مستحيل اخليها تضحك على خالتو 😡😡😡😡
الهام : ساكت ليه يا اسلام
اسلام :......
يا ترى ايه اللي هيحصل استنوني في بارت جديد
متنسوش التفاعل 😘😘
