#خالاتي_والجارة_السحارة
الحلقه الثانيه
للكاتبه : Salma Elshwehdi
___________________________________________
كانو الخالات مايبوش يوضحو انه الشقه مسحور لان ماعندهن وين يمشو ، ومابيوش يخلو حد يبات عندهم ولما يجو يخلو فيهم يروحو بدري وماينزلوش لوطا .
وكانت الشقه مليانه اسرار
لعند ما في يوم اصرو صغار خواتهم انهم يباتو عندهم
واللي باتو هما ، ياسمين الكبيره ، ومؤيد وموده خوت
ياسمين كانت لما ترقد معش تحس بشي عكس مؤيد وموده لما تكون حركه جنبهم مايعرفوش يرقدو
كان في المطبخ لعبه علي شكل بنت متعلقه علي الساس لما رقدو ناضو يبكو ويرعشو هما الأثنين
موده ومؤيد : يااسمين نوضي بالله عليك اللعبه تتحرك في المطبخ ، نوضييي
ياسمين : لعبة شنو هذي بالله ، كم مره قتلكم معش تتفرجو علي افلام الرعب ارقد انت وهيا هذينا الحاجات يصيرن في الافلام بس
موده : والله ندوي جديات كانت تضحك وتشوفلنا وتتحرك
ياسمين : خلوها انشالله دير عرس انتم قلة النوم مأثر فيكم هلبا ، انا توا بنرقد واللي يحاول ينوضني نهاره اسود ولما رقدت
حلمت انه في حد يبحت فيا لعند ماقريب يخترقني نضت لقيت روحي في حوشنا وجنبي اختي كانت تبتسم بطريقه مريبه وتشوفلي
ياسمين : شن فيه ليش تشوفيلي هكي ؟
اختي بدت تضحك بصوت وأشرتلي علي الباب لما تلفتت لقيت ماما تصلي واختي كل شويا تزيد تضحك لعند مارفعت ماما راسها من السجود وقعدت تشوفلي وتبتسم نفس اختي بالضبط ، وبعد ماصبت من علي الصلايا قعد جسمها كله دم وقعدت ادور علي سريري وتقول في كلام مش مفهوم
وانا من الخوف قعدت نقرا في قرآن واذكار لعند ما الدنيا سقعت والمكان قعد ظلام دامس واختفو من جنبي لكن
وشويا وطلع انسان عباره عن ضوء ضوا المكان كله وحسيت بالدفا ولما رفعت راسي وشفته لقيته يبتسم وحاط يده علي راسي وقتها نضت من الكابوس وياريت مانضت لقيت فوق راسي كائن اسود وطويلل بكل
وعيونه حمر واقف ويبحت فيا وفي غمضت عين اختفاء
قعدت نعيط بصوت عالي ومرعوبه ، جو خالاتي يجرو وناضو موده ومؤيد
قعدن يسألاً فيا شن فيه وشن صارلك قتلهم كل شي مشت خالتي رنت علي الشيخ وقاللهم مسافة الطريق ونكون جنبكم جاء الشيخ ؛حكيتله علي اللي صار كله قالي
الشيخ : هذي محاولة مس والحمدلله طلعتي منها بخير وحاولي انك تحصني روحك يومياً
وفيه سر ثاني في العماره كانو كل الجيران لما يطلعو ويروحو فيه اللي يلقا الرواشن متاع الحوش مفتوحات والحاجات متحركات كأنه في حد مكسد فيه واللي يلقا رمله واميه قدام الباب وفيه حركه غريبه في العماره وكان السبب اثنين اللي هما جارتنا والسبب الثاني هو
قالو من زمان الشقه اللي فوق كان فيها مرا راجلها ديما يهين فيها قدام الجيران ويهزب فيها ويضرب ويسب ويعذب ومافيش حد من الجيران دافع عليها لعند مافي يوم انتحرت وعزقت روحها من فوق السطاح وماتت طول وبعد فترة اسبوع من وفاتها قعدت تطلع لي جارتها العزوز اللي تسكن تحت والجاره تقعد تبكي وتعيط وتقول : تجيني تبكي وتقولي ليش ياعمتي ماساعدتينيش وانا كنت معتبرتك كيف امي ليش خليتيه يضربني ويقتلني ، وانتِ ماتكلمتيش ، عمري اذيتك انا ولا درتلك شي ؟ انا مش مسامحه مش هنسامحك ابداً .
طبعاً ناس العماره القدم اللي حضرو الموضوع مصدقينها لانهم حتى هما يشوفو في خيالها والناس الجدد يقولو عليها عزوز وتخرف
والشقه لعند توا فاضيه لانه قالو لقو راجل المرا مقتول فيها ولعند توا اللي يجي بالكثير يقعد شهر ويطلع
وطبعاً خالاتي كانو يعانو كان مرات الجن اللي متلبس خالتي ريم يبدا يتكلم على لسانها و مره حتى حاول يقتل مؤيد
وانا بعد اللي صار معايا قعدت اسبوع معش مشيت لحوشهم لكن بعدها استقويت وقعدت نقنع في موده تمشي معايا لانه كان ضاربني فضول شور البنبلينه او البنبله هنقول لعبه وخلاص😂وفضول شور الخيال وعياط خالتي لعند مافي يوم وافقت موده
اتفقنا نمشو بدري ونتلاقو غادي مشينا وجت خالتي الثانيه حطت ولدها معانا ومشت ولدها اسمه غيث عمره اربع سنين ، كان الجو حلو تغدينا وهدرزنا وكسدنا شويا علي النت وبعدها صبيت قلت خليني ندير لفه بسيطه علي الشقه وكان الوقت مغرب كنست خذيت المبخره ونبخر ولما وصلت للصالون حسيت برهبه وخفت بكل حسيت كأنه في حد يستنا فيا نقدم في نفس اللحظه حطيت المبخره بهدوء وطلعت نجري لي دار المعيشه مع خالاتي لاحظنا انه غيث مش قاعد قعدنا كلنا ندورو فيه لعند مالقيناها واقف علي حاشية البلكونه وكيف كان يبي ينقز.......
_____________________________________________
#يتبع
