#خالاتي_والجارة_السحارة
الحلقه الخامسه
للكاتبه : Salma Elshwehdi
_____________________________________________
لعند ثاني يوم الصبح ...
نضت ثاني يوم ومشيت نجري للمطبخ لقيتها معلقه علي الساس عادي جداً ، وخالتي جنبها تغسل في المواعين جيت مسكتها وقعدت نعيط ونقول هنقتلها لازم تموت وعزقتها من الروشن
ريم انصدمت : ليش عزقتيها انجنيتي
ياسمين : هيا السبب في كل شي يصير في الشقه هذي
كنت نحسابها خلاص مش هترد من جديد !!؟
الساعه 8
موده : عليك يوم طويل مليت بكل
ياسمين : بطلي نقيق وانتِ مابطلتي شكوه
موده : بنروح خلاص خاطري نعرف شن حببك في حوش خالاتي بس
ياسمين : وليش بنكرها عادي من قبل نجي ماجد عليا شي
موده : واضح ، مش عارفه شاكه انه وراك مصيبه كبيره
ياسمين : مصيبه ؟ كيف شنو مثلاً
موده : اعترفي ، شن وراك
ياسمين : ورايا الساس بس
موده : ماصيري هنعرف وبنروح يا بكرا يا بعد بكرا سادني
ياسمين : خلاص عاد وانتِ زامطه راديو ، صبي معايا نبي نشرب اميه وحاولي تبطلي حركات المحقق كونان
موده : باهي هيا حتي انا عطشانه 😒
خشينا للمطبخ ونشربو لقينا اللعبه مقعمزه علي الكرسي وتبتسم .
موده بخوف : ياسمين مش عزقتيها في الصبح ؟
ياسمين : شنو
موده : شوفي
ياسمين : مش عارفه كيف يفهمو بس مسكتها بقوه وطلعت بيها لخالاتي
ياسمين : مش عزقتها الصبح لييش تجيبو في الهم لعندكم
ريان : ماجبنا شي ولا طلعنا من الشقه اصلاً
انصدمت انا وموده
موده : كيف هذا
ياسمين : والله يعني دارت جناحات وجت
ريم : اكيد يا انتِ ياموده جبتنها
موده : بس انا ماطلعتش والباب مسكر مافيش حد طلع
ياسمين : موده تعالي معايا
موده : علي وين راهو نخاف وانتِ من اول ماجينا مصيبه ورا مصيبه
ياسمين : 🙂 تعالي نحطوها في دولاب خالتي
مشينا انا وموده حطينها في الدولاب وحاولنا نسكرو عليها بالصقه، بيش ماحد يطلعها ولا تطلع ، وطلعنا من الدار انا وموده وولا كأنه صارت حاجه
طبعاً الوحيده اللي ماصارلها الا موقف واحد هيا موده لانها خوافه وديما ياتقعد معايا يا مع خالاتي ولما ترقد ترقد قبلنا فالشي الوحيد اللي ملازمات بيه خالاتي القرآن فلذا الجن ماقربش منهن لكن كيف ماقلت ملتبس الشقه
في الليل
خشينا لدار النوم الصغيره انا وموده وفرشنا لروحنا وكالعاده فيه اصوات تنادي علينا وبعدها اصوات عياط وبعدين تهديد وبعد خمس دقائق هدووووء رقدت شهد وانا كنت علي التلفون طفيته وجيت بنرقد سمعت صوت نفس ورايا عرفت انها مش موده لانها لما ترقد معش تنوض الا الصبح مابيتش نلتفت
والصوت قعد يوشوش وكنت نعسانه بكل وانا النوم عندي بحسابه لما يطير منرقدش بكل غميت راسي بالبطانيه وقعدت نقول : والله لو قعدت توشوش من هنا للصبح بنرقد يعني بنرقد واعلي مافي خيلك اركبه ورقدت
وماسمعتش شي
لقيت روحي مقعمزه في مكان مظلم وفي قطوس سوده تبحت فيا عيونها حمرر وتضحك وكل شويا تزيد تعلي ضحكتها وقاللتلي : انا تعزقيني ؟ كيف جاتك الجرأه انك تفكري تلمسيني اصلاً
وبدت تخبش فيا وتنتش وتعض وانا نعيط لعند ما حسيت ان المكان دفا وطلع نفس الراجل اللي طلعلي المره اللي فاتت كان لابس أبيض ومش باين بكلل من بيااضته ، واول ماشفاته القطوس قعدت تعيط وعياطها كان يخووف وتتواعد فيا وتعيط وتقول : هنرجع وهتشوفوني كلكم واختفت ومزال صوتها قاعد وهيا تتواعد والراجل قعد يقرا عليا في ايات قرآن واذكار وادعيه فجأه نضت منفجعه لقيت خالاتي فوق راسي وموده
ياسمين : شن فيه ليش كلكم فوق راسي
ريم : انتِ اللي شن صايرلك ليش كلك خبوش تقول قطوس مخبشتك وحرارتك عاليه ؟
لما ركزت في كلامها فعلاً لقيت يديا كلهن خبوش وعض وضهري يوجع فيا ، وخطر علي بالي كلام القطوسه
صبيت نجري للدولاب نشوف فيه
_____________________________________________
#يتبع
الحلقه واتيه من امس وكنت بلا نت
مزالو حلقتين طوال بس
