#خالاتي_والجارة_السحارة
الحلقه الأولي
للكاتبه : Salma Elshwehdi
___________________________________________
بدت الروايه مع عيله بسيطه من سكان طرابلس ، متكونه من خمس بنات وامهم وبوهم متوفيين ثلاثه من البنات متجوزات وبصغارهم ، وبنتين مازال ماجاهم النصيب
وحوش الجد اللي قعد حوش الخالات كان شقه كبيره في الدور الثالث ، تسكن تحتهم وحده اسمها مريم معروفه انها سحاره كان عندها راس ولد لاخدمه ولا قدمه جتها فتره حاطه عينها علي الخاله الصغيره ريم تبي تجوزها لولدها لعند مافي يوم جتهم ..
مريم : اهلين كيف حالكم
ريم : كويسين الحمدلله تفضلي تبي شي
مريم : والله جايتكم بخبر سمح
وجت ريان : اهلا عمتي تفضلي
ريم : وشنو الخبر !؟
مريم : جيت بنطلب يدك لولدي خالد وخلاص نتفقو نديرو العرس 3ايام ونديرو الخطوبه الأسبوع الجاي
ريم : خااالد؟ بس انا مش موافقه
مريم : كيف مش موافقه انا ولدي يتمناه الكل ولا كيف الكلام ياريان
ريان كانت مزالت تحت تأثير الصدمه : والله ياعمتي الكلمه ليها هيا ولي عمامي
مريم : فكري ياريم وردي عليا وجت بتصبي
ريم : مش موافقه من دون تفكير
مريم : والله ماعاد تشوفي يوم ابيض في حياتك ومانك فارحه بيها
ريان : عيب ياعمتي هذا يعتبر تهديد
مريم : واعتبروه تهديد وصبت وطلعت
ومن هنا بدو احداث الروايه🔥
قعدت مريم كل يوم تبزع في اميه قدام البيبان الاثنين متاع الشقه ، ومرات وهيا تصب في الميه تقول معاها في كلام مش مفهوم والخالات الاثنين ساكنات في الحوش بروحهن .
كانو الخالات مايبوش يوضحو انه الشقه مسحور لان ماعندهن وين يمشو ، ومابيوش يخلو حد يبات عندهم ولما يجو يخلو فيهم يروحو بدري وماينزلوش لوطا .
وكانت الشقه مليانه اسرار
___________________________________________
#يتبع
