(Unicode)
ညနေ လိုင်းပေါ်တွင် ယနေ့ လုပ်အားပေးသွားကြရာမှ အုပ်စုလိုက်ပုံများကို တမှူးအကောင့်ထဲမှ လုပ်အားပေးအတူလိုက်သော အစ်ကိုတစ်ယောက်က တင်ထားသည်ကို တွေ့လိုက်ရသည်။ စီနီယာ့ကိုပင် Tag တွဲထားသေးသည်။ တမှူးကိုတော့ မရင်းနှီးလို့ထင်၏။ Tag မတွဲ။ တမှူး ဓာတ်ပုံများကို အမှတ်တရ သိမ်းယူထားလိုက်သည်။
ထို့နောက် ဟိုဟိုသည်သည်လျှောက်ကြည့်ရင်း လူကပျင်းရိရိ။ ယနေ့ည Jayy ကလည်း မိုင်ဒေးတောင်မတင် တိတ်ဆိတ်နေသည်။ စီနီယာကလည်း လိုင်းမတက်။ စီနီယာလိုင်းတက်လျှင်တောင် စီနီယာနှင့် စကားပြောလို့ရသေးသည်။
နေ့လည်က ယနေ့ည စီနီယာတို့ ဝိုင်းရှိသည်ဟု ပြောသံကြားခဲ့၏။ စီနီယာတစ်ယောက် အခုလောက်ဆို ကောင်းနေရောပေါ့။ တမှူးကတော့ အသက်မပြည့်သေး၍ အနည်းအကျဉ်းမျှ မြည်းစမ်းကြည့်ဖူးရုံကလွဲ၍ သေချာမသောက်ဖူးချေ။ နောက်တစ်နှစ်ဆိုလျှင်တော့ သောက်လို့ရပါပြီ။
လိုင်းပေါ်တွင် ရေရေရာရာမရှိ ခဏလောက်အချိန်ဖြုန်းနေရင်း ပိုပျင်းလာ၍ လိုင်းဆင်းဖို့ပြင်တုန်း စာဝင်သည့်နိုတီက တောင်ခနဲ တစ်ခုဝင်လာ၏။
"ဟင်"
နိုတီတွင်မြင်လိုက်ရသည့် Jayy ဆိုသည့် အမည်နာမကြောင့် တမှူး မယုံကြည်နိုင်လွန်းစွာ မျက်လုံးနှစ်ဖက်ကို ကပျာကယာ ပွတ်ကြည့်မိ၏။ တဒိန်းဒိန်းခုန်လာသော ရင်ဘက်နှင့်အတူ အလျင်အမြန်ဝင်ကြည့်လိုက်သောအခါ အပြာရောင်လက်မလေးတစ်ခု။
မတော်တဆထိမိတာများလား။ မတော်တဆဆိုလျှင် Jayy က တမှူးနဲ့ စကားပြောတဲ့ ကွန်ဗာဆေးရှင်းထဲကို ဝင်ကြည့်နေတာလား။ ဒါမှမဟုတ် မတော်တဆဝင်ကြည့်မိတာပဲလား။
တီ...တီ...။
"အမေ့…”
မရေမရာအတွေးများဖြင့် လက်မအပြာကြီးအား မင်သက်စွာ ထိုင်ကြည့်နေရင်း ဝင်လာသော ဗီဒီယိုကောလ်တစ်ခုကြောင့် လန့်ဖျပ်ကာ ဖုန်းပင်ပြုတ်ကျသွားရသည်။ ကမန်ကတန်းပြန်ကောက်လိုက်ကာ ကြည့်လိုက်သောအခါမှ ဗီဒီယိုကောလ်မဟုတ်။
ွVoice call ဖြစ်နေ၏။ ခေါ်နေသူ၏နေရာတွင်မူ Jayy ဟုသောအမည်နာမက ထင်းနေသည်။
YOU ARE READING
I ADORE YOU. (COMPLETED)
RomanceI adore you.....💙 Type- Romance,Drama Started date - September 3, 2020. End date -December 6,2020. Cover photo crd from pinterest.