(Unicode)
ယနေ့ည Jayy update ရှိသည်။ ဝေဝေဝါးဝါးဖြစ်နေသော စိတ်တို့က ဒီလိုအချိန်မှာတော့ Jayy ထံ ပြတ်ပြတ်သားသားအားသာသည်။
လက်က ဖုန်းကို ဖွင့်လိုက်ပိတ်လိုက်ဖြင့် stitch အရုပ်ကြီးကိုဖက်၍ ကုတင်ပေါ်၌ တင်ပလ္လင်ခွေထိုင်ကာ Dream Catcher လေးကို ဘာရယ်မဟုတ် ကြည့်နေမိသည်။ တကယ်တော့ တမှူးကသာ ဘယ်သူရယ်ဘယ်ဝါရယ်လို့ရွေးနေခဲ့မိတာ။ စီနီယာနဲ့Jayy က တမှူးကို ကြိုက်မယ်လို့ဘယ်သူပြောလဲ။
ထိုကဲ့သို့ အတွေးပေါက်တော့ တမှူးရုပ်လက္ခဏာက ချက်ချင်းညိုးနွမ်းသွားသည်။ ဝမ်းနည်းခြင်းတို့က စိတ်အာရုံတွင်ကြီးစိုးလာသည်။
ဒါပေမယ့်...ဘာပဲဖြစ်ဖြစ်ပါ။ ကိုယ်ကသဘောကျလျှင် ကိုယ့်လူပဲ မဟုတ်လား။ တမှူး၏ စိတ်ကူးကမ္ဘာထဲမှာ စီနီယာရော Jayy ရောက တမှူးလူ။
အရုပ်ခေါင်းပေါ် မေးတင်၍ စိတ်က ဟိုရောက်သည်ရောက်ဖြစ်လာပြန်သည်။ မေမေကပြောဖူးသည်။ တမှူးစိတ်က မျောက်စိတ်တဲ့။ ငယ်ငယ်လေးကတည်းက ခုတစ်မျိုး တော်ကြာတစ်မျိုးလုပ်တတ်သူတဲ့။ ဒါပေမယ့် Jayy ကကျတော့ တမှူးကို ယုန်ပေါက်လေးနဲ့တူတယ်လို့ပြောထားတာကို။
ခေါင်းကို ဘယ်တိမ်းလိုက် ညာတိမ်းလိုက်ဖြင့် အရုပ်မှ နူးညံမှုကို မေးစေ့ဖြင့် ပွတ်သပ်ခံစားမိသည်။ တမှူး ကိုယ့်ကိုယ်ကိုယ် ကံကောင်းသော ကလေးများထဲတွင်ပါသည်ဟုထင်သည်။ မွေးကတည်းက လက်ညိုးညွှန်ရာရေဖြစ်သည်မဟုတ်သော်လည်း လိုတိုင်းတ တတိုင်းရသည့်ဘဝမျိုးဖြင့် မေမေတို့က ထားခဲ့သည်။ အရွယ်ရောက်လာတော့လည်း ကိုယ့်ကမ္ဘာနှင့်ကိုယ် အေးအေးဆေးဆေးနေတတ်သူမို့ အပေါင်းအသင်းကြောင့်ရသည့် ဒုက္ခလည်း သိပ်မရှိခဲ့။ ကျောင်းစာ၌လည်း အလယ်အလတ်ရှိသဖြင့် ပညာရေးကြောင့်လည်း သောကမရှိခဲ့။
ထို့ကြောင့် ယခု အချစ်ရေးကြောင့်ရသည့် သောက က သူများတွေအတွက်သေးငယ်လျှင်တောင် တမှူးအတွက်တော့ကြီးသည်။ ကိုယ့်အပိုင်မဟုတ်သေးသည့် လူနှစ်ယောက်အပေါ် ဝေခွဲမရသည့်စိတ်တွေက စိတ်ကစားတတ်သည့်အရွယ်ကြောင့်လားမသိ... ရေရေရာရာအဖြေမထွက်။
YOU ARE READING
I ADORE YOU. (COMPLETED)
RomanceI adore you.....💙 Type- Romance,Drama Started date - September 3, 2020. End date -December 6,2020. Cover photo crd from pinterest.