ۅ كلمٱ لملمٺ ٱنكسٱرٱتي ː ۅ ٺظٱهرٺ ﺑ ٱنني ٱصبحٺ ٱﻗۈى ‘$دٱهمتني ٱﺣدى ٱلذكريٱٺ , ۅ جعلتني حطٱمٱ ..!
نروح لماري
ماري وقفت تبي ترجع لبيتها لما انتبهت انها بعدت عنه مسافه بس لفت انصدمت بوجود جراح وبدر ناظرتهم بس مو نظرات ماري القويه لا اليوم غير اليوم ماري ضعفت شافتهم مصدومين بس خلص عارفه مصيرها ليش تدمر نفسها عشان ناس ماتستاهل ناظرتهم وقالت: تبو تخانقوني مو مستعده ابد تبيو الذاكره والله معي بس نسيت وين حطيتها بدورها ووعد مني اول ما الاقيها بعطيكم تبو تضربو اضربو ولا اقلكم اذبحوني يمكن تكبسو فيني اجر ماعاد عندي شي اخاف عليه يالله وشفيكم مو انتم جيتم عشاني عشان تكملو الي كان بيفعله سامي يالله انا بعطيكم السموحه بس تذبحوني مو شي ثاني
جراح: من سامي وايش سوا
ماري: مالك دخل فيه
جراح: ماري وشفيك
ماري ابتسمت بسخريه: هههههههههه حلوه النكته ذي جراح يسأل ماري وشفيها وكنه خايف عليها وهو الي كل يوم يوريها الويل
جراح: بدر روح
بدر: طيب وراح بيته والصدمه مؤثره عليه
اولا: هذه مو ماري الشينه هذه بنت تطيح الطير من السماء بس كلامها وصوتها يقول انها ماري
ثانيا: كلامها الي سمعوه بصراحه حزنهم وخلاهم كرهو انفسهم على الي عملوه فيها
ثالثا جراح وتصرفاته
تنهد وقال: والله ماعدت فاهم شي
نرجع لماري
جراح: ماري تكلمي وشفيك ومن سامي قسم لادفعه ثمن باي غلطه ارتكبها بحقك غالي
ماري نزلت دموعها :جراح ليش تعاملني كذا ترى انا ماري الي مصيركم بيدها
جراح: مايهمني لو تروحي الحين تبلغي بس ابي اعرف وش صار معك وليش كل هذا الضعف ماري قويه مو هذه ماري
ماري: لا انا موقويه انا ضعيفه انا وحده كرهت عمرها ودي اموت وارتاح كافي عذاب اتركوني بحالي ودي اعيش ودي اشوف الدنيا مثلما غيري يشوفها خلص تعبت كافي صدمات كافي
جراح تقطع قلبه عليها وقال: ابوك طلع عايش
ماري كانت واقفه بعدها جلست وحطت راسها على رجولها ماتعرف ليش تكلمه ليش ارتاحت وحبت تخرج ماتبقى من وجع لعدوها الاول يمكن الخوف الي بعيونه دافع عشان يخليها تحكيوقالت: لاتقول ابوي ابوي مات وهو حي ابوي تركني لزمن والزمن زاد من جوره علي
ابوي تركني لذيابه امثالكم تنهش بعضمي
ابوي تخلا عني وتركني بدون قلب ولارحمه ودي اعرف ليش سوا كذا ياجراح
جراح جلس بعيد عنها شوي ويسمعها وحاسس انه المذنب الوحيد بحقها قال :ليش ماتسأليه ماتواجهيه ماتقولي له كل ذا الكلام يمكن تلاقي مبرر لتصرفاته
ماري رفعت عيونها لجراح وكنها عطاها حل للي اهي فيه :تظن بيكون عنده مبرر
جراح: اظن مافي ابي يساوي كذا بدون مبرر
ماري: ولو ماطلع عنده مبرر وش موقفي ساعتها
جراح: خرجي كل الي بقلبك واعطيه درس ماينساه وعيشي عشان امك واخوك
لين تفرج من عند ربي انسي وجوده واعتبريه مات واندفن بأيامك هذه
ماري حست انها ارتاحت بجد جراح ساعدها كثير ماتعرف ليش سوا كذا بس صنع بداخلها احترام له مستحيل تنساه مع انه عدوها كان المفترض يستغل الوضع بس طلع محترم ماتعرف ليش انجر ورى الاعمال الشيئه ناظرته بإمتنان وقالت: جراح ودي اسألك
جراح: عارف السؤال بتقولي ليش ساعدتني مع انك أذيتني كثير
اسمعيني ياماري مو كل شخص سيء خلق بالدنيا سيء انا ماكنت كذا انا كنت شخص محترم بس الايام والزمن والناس خلوني اتغير انا عكسك تماما ابوي كان يحبني كثير كنت لو اطلب لبن العصفور بيجيبه لي بس أمي ماكانت تحب أبي او بالاصح كانت تخونه وفي بيته أكتشفت هالشي وكنت لساتي صغير ماكنت اعرف وش معنى اني أشوف رجال غريب بغرفة نوم ابوي كانت امي تعطيني فلوس عشان اسكت وما اكلم ابوي مع اني ماكنت بعرف وش معنى هالشي
المهم ظلت امي على هالحال لين اكتشف ابوي هالشي وقتل أمي قدام عيوني وصابته ذبحه صدريه قويه ومات بعدها
خلص من هذاك اليوم كرهت حالي والناس مارحمت حالي وقالو صغير مسكين ماتت امه ومات ابوه
لااااااااا زادو على جراحي جراح كل ماكنت أمر من باب احد يقولو هذا ولد حرام ماينعرف ابوه لان امه كانت قذره وياعالم اهو ابوه اولا
والي قال ابوي قاتل وامي قذره والي قال اني مثلهم
والي منع عياله مني
خلص تعقدت وصرت واحد شراني انجريت لطريق الغلط صرت اسرق عشان أكل مين الي رح يعطيني أكل وانا لساتي صغير من رح يقبل يشغلني قررت اسرق واعيش واي شخص يتعدى حدودي امحيه بخنجري مو أقتله بس اجرحه
ماري ترى مو اسمي الحقيقي جراح لا انا اسمي مروان بس غيرته جراح وتعرفت على بدر وانس وصرنا شله والذاكره الي معك فيها مقطع فيديو محاوله قتل شخص تعرفي من هذاك الشخص هذاك نفسه الشخص الي كان يدخل غرفة ابوي وامي تخون ابوي معه ولذلك ماعندي مانع لو قتلته
اما ليش ساعدتك بعترف اني حبيتك من قلبي لاني حسيتك مو مثل كل البنات على فكره انا كرهت البنات وجنس حواء بس انتي غير عنهم قلبي دق لك من اول لقاء كنت اجرحك اضربك بس مو كرها كانت محبه مني ماكان ودي اتعلق. فيك اكثر وانا لو تعلقت بالشي بأخذه غصب ماكان ودي تتعذبي بسببي كنت اضربك عشان انتقم منك مو لان الذاكره معك لا لانك قدرتي تسرقي قلبي الي حلفت ماتؤخذه انثى والحين لاتخافي بقلك شي لاول مره أقوله انا بسلم نفسي واعترف بكل شي وبأخذ جزاتي بس الذاكره لاتعطيها لاحد اكسريها انس وبدر مالهم ذنب بالي صار اهم بس حضرو عشان يبعدوني من الراجل وما اقتله اكسريها ياماري
انا ما استاهلك بروح انسجن واتوب وارجع لربي وكل هذا بسببك انتي ايه انتي الي صحيتي ضميري وعلى فكره لو خرجت من السجن بيوم وانتي تزوجتي بتزوجيني اي على اختيارك اتفقنا
ماري كانت مصدومه من الكم الهائل من الاعترافات جراح عاش اصعب من حياتها ومع ذالك قدر يبتسم فليش اهي تبكي من معاناه بسيطه اما حبه لها احترمته وابتسمت بوجهه وقالت: وعد ياجراح لو خرجت من السجن وانا ماتزوجت ماتتزوجك غيري اما لوكنت تزوجت بزوجك بأحلا مني
جراح ارتاح حس ان هم وانزاح من قلبه وقف وقال: ماري بطلي مشكلجيه ولاتكوني تدخلي نفسك بأشياء اكبر منك ولما تعصبي لاتكوني تخرجي من البيت مهما كانت الظروف وانتبهي لنفسك ويالله قومي اوصلك البيت ترى اعرف بيتك بس ماحبيت امك تعرف بشي
ماري وقفت ومشت معه بصمت لين وصلت البيت وقالت: جراح
جراح: اسمي مروان
ماري: جراح احلا من مروان حبيت اقلك شكراً ومن جد انت انسان محترم الله يوفقك ويسعدك
جراح: امين وياك تصبحي على خير
ماري :وانت بخير
راح جراح وماري دخلت غرفتها فتشت عن الذاكره ولما لقتها كسرتها
واخذت دفترها وكتبت
