التاسع
في غرفه فيونا كانت فيونا تنظر الي الزهور بالأسفل وهي تحاول ان ترسم ولكنها أبدا لم تعرف الرسم
فيونا بضيق: هفضل كده كتير أحاول ارسم شجره او ورده بتطلع معايا سحابه والإتنين ملهمش علاقه ببعض ابدا ..ثم بزفير: انا اسيبني من الرسم واقوم اكل اي حاجه حتي اهتم بصحتي وجائت لتقف فرأت الياس فجأه امامها ..
فيونا بفزع: اععععع انت هنا من امتي ...
الياس بضحك: من ساعة السحابه ...
فيونا بمرح : طب كويس حضرت الموقف من اوله تاكل معايا..
الياس بغيظ: أنتي مش لسه واكله من شويه هتاكلي ايه تاني ..
فيونا بغيظ: خلاص هاكل لوحدي ومش هتاكل معايا انا بجوع بليل عشان مش باكل كويس بالنهار ..
الياس بسخريه: هتقوليلي ده انا ملحقتش اكل بسبب أنك خلصتي طبقك ودخلتي علي طبقي ومخدتيش دقيقتين علي بعض كنتي خلصتي الأكل كله وكنا بالنهار..
فيونا بإبتسامه : كانت الشمس بتغيب يعتبر بليل..ثم تركته وذهبت إلي الثلاجه امامها أما هو نظر إليها وضحك فهي تأكل بشراهه كبيره
الياس بجديه: فيونا ..
فنظرت له فيونا بإستغراب نبره صوته: نعم ..
الياس بجديه: المملكه بقت في خطر عايزين نبقي نزود الحمايه علي القصر وعلي حدود المملكه كلها كمان سادن ودانه ..فقاطعته فيونا بمرح: أيوه بقي ادخل علي سادن ودانه وعرفني في ايه..
الياس بضحك: مجنونه ..
فيونا بغيظ: يالا بس ..
الياس: أنتي اكيد خدتي بالك ان اتيا اختارت دانه لحكم المملكه وبرضه اكيد خدتي بالك ان سادن مش هيرضي بيها وديه حاجه لازم نساعد أتيا فيها ..
فيونا بتفكير: بمعني نحاول نقربهم من بعض ..
الياس: أيوه بالظبط ده هو المطلوب نحاول نقربهم بأي طريقه اولا لمصلحه سادن ودانه انا لاحظت في عيون سادن بدايه حب لدانه ثانيا لمصلحه المملكه كلها خاصه أن سيلين مش هتسكت...
فيونا : عندك حق أحنا نحاول نقربهم من بعض بس هنعمل كده ازاي ..
الياس: نستغل المواقف أي حاجه بس يقربوا من بعض..
فيونا بإبتسامه : تمام وانا حبيت دانه اوي الصراحه ..
الياس بإبتسامه:وانا كمان ..
فيونا بحده: انت كمان ايه ..
الياس بإبتسامه:مالك في ايه ..
فيونا بحده: الياس اخرتك هتبقي علي ايدي ..
الياس بإبتسامه: مانتي لو تديني فرصه يا فيونا بس نعمل ايه معقده زي اخوكي ..وهنا قام سادن بفتح باب الغرفه فوجد الياس يجلس علي السرير وفيونا تجلس علي الكرسي بجانب السرير وفي يدها الطعام
سادن بحده: ايه الي بيحصل هنا ..
الياس بسخريه وضيق: هيحصل ايه يعني اختك بتاكل زي مانت شايف نفسي في مره اشوفها مش بتاكل علي طول كده ..
فيونا بغيظ: وانا مضايقاك في ايه ما اكل براحتي ..
الياس بإبتسامه سخريه: كلي يا فيونا حتي عشان صحتك ..
سادن بسخريه : سيبكم من ده كله انت يا الياس تقريبا كده كنت جايب في سيرتي من شويه كنت بتقول ايه يا تري ايه يا تري اه معقده زي اخوكي مالي بقي يا الياس..
الياس بقلق وسخريه: أنا ازاي انا قلت كده انت تصدق اني اقول عليك كده للدرجادي مش مصدقني...
فيونا وفمها ممتلئ بالطعام: كان بيتكلم عليك يا سادن وبيقول عليك معقد وقال ايه تاني اه قال عليك غبي ..
فنظر الياس إلي فيونا :يا كدابه قلت معقد بس ..
فيونا بإبتسامه : اعترف بنفسه اهو ..
فنظر سادن الي الياس وبإبتسامه ماكره: تعالي اوريك التعقيد نفسه وهنا جري الياس بسرعه كبيره الي الخارج ثم الي غرفته ثم قام بإغلاق الباب جيدا
الياس بغيظ: فيونا ديه اووف منها..، ثم بإبتسامه : بس بحبها ..
اما فيونا وسادن كانوا يضحكون سويا علي الياس
فيونا بضحك: مجنون بس يستاهل..
سادن بضحك: مش بيقعد معاكي لازم يبقي مجنون عموما انا كنت بطمن عليكي ويالا نامي وكفايه اكل ..
فيونا بإبتسامه : حاضر ..
خرج سادن من الغرفه اما فيونا اكملت اكلها ثم نامت وهي تحاول التخطيط لأمر ما
__________
في غرفه ليان كانت تفكر فيما ستفعله مع سيلين وكانت ترتب أنحاء القصر واخيرا بعد انتهائها خرجت الي جنينه القصر فوجدت ايان يقف وينظر الي الزهور بشرود
فكانت ليان ستعود مره اخري الي الداخل فأوقفها ايان
ايان بهدوء: ليان استني ..
ليان بهدوء: نعم ..
ذهب ايان لها ووقف امامها وقال بهدوء: ليان مالك ..
ليان بحزن وحده: عايز ايه ازاي تكلم واحده زيي مش أنا اللي مش ليك الشرف أنك تكلمها بتكلمني ليه دلوقتي ..
ايان بحزن: مكنش قصدي انا كنت ببقي ..، فقاطعته هي : ايان متكملش وسيبني في حالي انت كده بتضيع وقتك وبتتكلم مع واحده خانت مملكتها..، ثم تركته ودخلت بسرعه كبيره إلي القصر ثم الي غرفتها وبكت أما هو في الأسفل كان يشعر بالندم الشديد فهو لم يكن يجب عليه ان يفعل ذلك فهو نادم بشده علي مكالمتها بتلك الطريقه في الأمس فهو لم يكن يعلم أن كلماته قد جرحتها الي هذا الحد ولكنه لا يعلم ان الكلمات يمكن ان تفعل أكثر من ذلك فقرر الذهاب الأن الي بيته لعل يكون هناك خير قادم لهما ولكنه لن يفقد الأمل مهما حدث فهو يحبها ولم يأخذ أحد باله من دانه التي كانت تشاهد كل شئ من شباك غرفتها.
في الأعلي دخلت دانه غرفه ليان فوجدت ليان تبكي بشده فإقتربت دانه منها وجلست بجانبها
دانه : ليان مالك..
فنظرت ليان لها ثم احتضنتها : بحبه ومش حاسس بيا..
دانه بهدوء: اديله فرصه مين قالك ان هو مش بيحبك..
ليان بحزن : من كلامه يا دانه امبارح كلمني وحش اوي ..
دانه: طب والنهارده ..
فسكتت ليان فقالت دانه: هو بيحبك وكان هيقولك لولا ان انتي قاطعتي كلامه ..
ليان بفرح: بجد ..
دانه بفرح: أيوه بس لازم نعلمه الأدب الأول ..
ليان بمرح: يعني اعمل ايه ..
دانه: مثلا يجي يكلمك مترديش ابعدي عنه شويه وهو هيجري وراكي وبعدها هيعترفلك ونهايه سعيده ..
ليان : شايفه كده ..
دانه بفرح: طبعا..
ليان بإبتسامه:انتي هتبقي افضل لونا وملكه لينا ..
دانه بإستغراب: انا ملكه ليه ..
ليان بإبتسامه فهي قد علمت ان لا أحد قال لها حتي الأن: مش عارفه بس انتي شكلك ملكه ..
دانه بإبتسامه: شكرا انا هخرج بقي عشان عايزه انام ...
ليان بضحك:طيب ماشي..، وبالفعل خرجت دانه وذهبت الي غرفتها ونامت .
اما سادن كان في مكتبه يتذكر كلام دانه لليان حسنا فهو قد سمعهم
سادن : قدرت تفرح ليان وتتأقلم مع اللي موجودين وكل اللي بيشوفها بيحبها..، ثم بتنهيده: يمكن فعلا تنفع تكون لونا وملكه للمملكه بس مش عارف افتح قلبي واديله فرصه ولا لا ..ومن كثره تفكيره نام بإرهاق
" فيا تري ايه هو قرار سادن ، وفيونا والياس هيعملوا ايه عشان يقربوا سادن ودانه من بعض ، وسيلين هتعمل ايه ، وايه اللي هيحصل بين ليان وايان ، والقدر ايه رأيه..، انتظروا"
أنت تقرأ
"قلادة آتيا ..مملكة الجليد" بقلم نوران جمال
Paranormalماذا سيحدث حين تجد بطلتنا نفسها ودون سابق انذار في مكان غير المكان وزمان غير الزمان وناس مختلفين وعلي رقبتها قلادة لا تستطيع أن تزيلها؟! ماذا سيحدث عندما ترتبط علاقتها بشخص لا تعرفه ولا هو يعرفها؟! وهل سيستسلمون لهذا الوضع أم سيكون لهم ردود افعال م...
