السادس عشر
في عالم البشر
استيقظت دانه وهي تشعر بألم كبير في رأسها
دانه بألم: اه هو في ايه ايه الصداع ده ..ثم نظرت حولها فوجدت نفسها في غرفتها
دانه بإستغراب: انا رجعت امبارح امتي وازاي والقلاده ديه جت منين اوووف انا ليه مش فاكره حاجه كده اكيد كن..ثم قطع كلامها تذكرها لما حدث في الأمس ورؤيتها لهذا الشخص الغريب صاحب العيون الفيروزيه
دانه : مستحيل يكون الإنسان ده حقيقي عيونه غريبه اوي انا اخر حاجه فاكراها عيونه لما كنت في الشارع بس مش فاكره ايه اللي حصل بعد كده ..ثم بتساؤل : هي الساعه كام وعندما نظرت الي الساعه قفزت بسرعه كبيره فقد فات نصف ساعه علي معاد عملها ...وقفت دانه وقامت بتغيير ملابسها وخرجت بسرعه كبيره من منزلها وعندما نزلت الي الشارع لم تسلم من كلام الناس الجارح لها الذي تكرهه فسمعت العديد من النساء يتكلمون عنها بسوء وعن والدها ووالدتها ولكنها كالعاده تحزن ولا تتكلم
دانه في نفسها: عمرهم ما هيتغيروا عمرهم ما هيعرفوني علي حقيقتي وكالعاده هيفضلوا يكرهوني ..ثم اكملت سيرها الي عملها وعلي وجهها علامات الحزن ولم تأخذ بالها من تلك العيون التي تراقبها بحقد كبير وتخطط لقتلها بأي طريقه ..
اما في مملكه اتيا مملكه الجليد كان سادن يسير ذهابا وايابا في غرفته وهو يعيد كلام اتيا في رأسه
فلاش باك
سادن بهدوء وتوجس : ازاي وايه هي الخطه ديه
اتيا بمكر: سادن في عيون بتراقب دانه وبتحاول تعمل اي حاجه عشان تقتلها ..
سادن بهدوء: مش معقول تكون ..
اتيا مكمله: ايوه يا سادن سيلين هي اللي عايزه تقتل دانه سيلين مش ماتت في المعركه واحنا كنا فاكرين غلط كنا فاكرين ان بموت راكان سيلين هتموت لأنها بتاخد قوتها من قوته بس في الأخر قبل ما انت تقتل راكان هي سحبت منه كل قوته عشان كده انت قتلته بسهوله وهي لما لقت في خطر عليها اختفت ...
سادن بإستنتاج: وطبعا لما اختفت فقررت ان هي تتأكد من موت دانه ولأنها عندها قوة سحر كبيره قدرت تعرف ان دانه لسه عايشه...
اتيا : وعشان دانه لسه عايشه سيلين مش هتهدي غير لما تقتل دانه ...
سادن بهدوء: بس يبقي عشان كده شوفت عمود النور بيقع علي دانه ولولا وجودي ساعتها كانت دانه ماتت..
اتيا بإيماء: كده انت فهمتني احنا لازم نتخلص من سيلين والأهم ننقذ دانه من ايديها سيلين قويه ومش سهله ودانه مهما كانت ضعيفه وبشريه مش في قوتنا بس انت عرفت مكان دانه بالظبط ازاي..
سادن بهدوء : في صوت في راسي كأن حد كلمني وواضح كده انها القلاده لأني لما شوفت دانه لقيت القلاده ضوئها قليل وده معناه ان هي كانت مضيئه من قبلها ...
اتيا :القلاده عشان سحريه فكلمتك عن طريق التحدث الذهني لما حست بالخطر علي دانه خد بالك يا سادن دانه خلاص بقت ملكه المملكه المعركه قامت بعد ما وضعنا التاج علي رأس دانه فالقلاده هتحمي دانه بأي طريقه بس القلاده بعد ما رجعت دانه لعالمها ابتدت تضعف ولازم القلاده ترجع هنا عشان تبقي قويه تاني انت دلوقتي مطلوب منك تحمي القلاده عشان المملكه وتحمي دانه عشان المملكه وعشان قلبك ...
سادن بحده: سيلين لازم تموت ..
اتيا بهدوء: سيلين مش هتموت بسهوله يا سادن المهم دلوقتي دانه لازم تحميها عشان ترجعها ليك لإلا ساعتها هتبقي فعلا خسرتها للأبد ...
سادن بحده : انا مش هسمح ان حاجه تحصل لدانه بسببي مهما كان...ثم خرج وهو يتوعد لسيلين
باك
سادن بحزن: انا حسيت بخساره دانه مره ومش هسمح اني اخسرها تاني ...فهو حزين جدا عليها واصبح ضعيف بسبب افتقاده لها ولكنه يتصنع الجمود امام الجميع وامام اتيا ..
اما في الأسفل في حديقه القصر
كان ايان يقف وينظر الي ما امامه بشرود وحزن كبير
ايان بحزن علي دانه فهي تعتبر كانت السبب في اقترابه من ليان: ملحقتش انقذها كنت خلاص قربت بس كانت هي خلاص وقعت في البحر ...ثم تنهد بقوه ونظر الي السماء فشعر بمن تقف خلفه وتضع يدها علي يده
ايان بحزن: ليان ..
ليان بهدوء: انت مش الذنب يا ايان في اننا مش لحقناها احنا كلنا زعلانين علي فقدانها دانه دخلت عالمنا فجأه وخرجت منه فجأه دخلت اتيا بشريه عاديه وخرجت منها ملكه عليها ...
فنظر ايان لها فأكملت هي: دانه مش ماتت يا ايان ..
ايان : ايه ..
ليان بإبتسامه هادئه: دانه مش ماتت القلاده انقذتها بس رجعتها العالم بتاعها ...
ايان بفرح: بجد يا ليان يعني انا كده مش الذنب في اللي حصل ...
ليان بفرح: ههه ايوه يا ايان خلاص برائه ...
فنظر لها بشده ثم اقترب منها اكثر
ايان بحب : انا بحبك اوي يا ليان من اول ما شوفتك وانا حبيتك انا اسف علي كل حاجه ضايقتك مني انا اسف علي كلامي الجارح ليكي في الأول انا اسف بحبك ...فنظرت هي له بحب اكبر واحتضنته ...
وفجأه انتفضوا من الخضه بسبب الياس وفيونا الذين يقفون امامهم
الياس بإبتسامه سخريه: المملكه كلها حزينه وانتوا هنا في الرومانسيه ديه ده انتوا مافيش دم خالص ..
ايان بسخريه: يا الياس الحزن في القلب ..ثم شاور علي قلبه ..
فنظرت له ليان بحده: نعم يا ايان لو الحزن في القلب انا فين ..
ايان بقلق : يا حبيبتي انتي في روحي كلها ..فإبتسمت ليان له ...
فنظرت فيونا لهما
فيونا بغيظ: معندهمش دم ولا احساس ..
فإقترب الياس منها
الياس بهمس وابتسامه: ايه رأيك يبقي معندناش احنا كمان دم بس يبقي عندنا احساس ..وهنا كتم الياس فمه بتألم بسبب ان فيونا قد ضربته بشده في قدمه مكان اصابته وعندما رأته قد تألم قلقت عليه
فيونا بقلق: الياس انت كويس ....
الياس بإبتسامه: قلقتي عليا ..
فيونا بإبتسامه ماكره:لازم اقلق علي اي حد في المملكه ..ثم تركته وذهبت فنظر هو لها بغيظ
الياس بغيظ: مفيش كلمه حلوه خالص ده ايه ده بس بحبها ..وهنا سمع صوت ضحكات ايان وليان من خلفه فتمتم بغيظ وذهب اما في غرفه اتيا كانت اتيا تقف في البلكونه وتشاهد ايان وليان والياس وفيونا وتبتسم
ولكنها ايضا كانت حزينه علي دانه وكانت تعلم حزنهم جميعا عليها فكثيرا يكون الحزن في القلب مخفي عن الجميع ولا يظهر سوي في العيون ...
اما في عالم البشر
وصلت دانه الي المقهي وكانت سيلين تنظر لها محاوله ان تخطط الي اي شئ كي تؤذي دانه به والحقد والشر في اعينها وفي رأسها العديد من الخطط لتنفيذها
سيلين بمكر وشر: نهايتك علي ايدي يا دانه هقتلك بس المرادي ببطئ ..ثم ضحكت بشر كبير واختفت .
اما دانه كانت تعد اكواب القهوه وتلك العيون الفيروزيه لا تذهب من عيونها فإبتسمت لوحدها فهي تشعر ان تلك العيون مألوفه عليها وبشده فكم انجذبت الي عيونه ولكنها حتي لا تتذكر بقيه ملامحه ..
فرأت دانه صديقتها تقف بجانبها
لينا بإبتسامه: عامله ايه دلوقتي افضل من امبارح ولا لا ..
دانه بإبتسامه: ايوه احسن كتير وشكرا علي القلاده ..
لينا بإستغراب: قلاده ايه ..
دانه بإبتسامه وقد شاورت علي رقبتها: القلاده ديه ..فنظرت لينا اليها فلم تجد شئ فنظرت الي دانه بتوجس
لينا بقلق: دانه انتي محتاجه ترتاحي شويه مافيش حاجه علي رقبتك..ثم تركتها وذهبت ..
فنظرت دانه الي القلاده وامسكتها
دانه بإستغراب: يعني ايه لينا مش بتهزر اومال القلاده ديه جات منين ولبستها ازاي في حاجه غريبه ..وفجأه انطفئ النور ..فنظرت دانه حولها بقلق فتوسعت عيونها بخوف.
" فيا تري ايه اللي دانه شافته وايه اللي هيحصل بين دانه وسادن وسيلين وهل الحب سيظل في قلوب باقي ابطالنا ولا لا...انتظروا"
أنت تقرأ
"قلادة آتيا ..مملكة الجليد" بقلم نوران جمال
Paranormalماذا سيحدث حين تجد بطلتنا نفسها ودون سابق انذار في مكان غير المكان وزمان غير الزمان وناس مختلفين وعلي رقبتها قلادة لا تستطيع أن تزيلها؟! ماذا سيحدث عندما ترتبط علاقتها بشخص لا تعرفه ولا هو يعرفها؟! وهل سيستسلمون لهذا الوضع أم سيكون لهم ردود افعال م...
