العاشر
كانت دانه تجري في غابه كبيره للغايه يسودها اللون الأحمر لون الدماء ويجري خلفها العديد من الذئاب التي تسيل الدماء من انيابهم وكانت تجري بسرعه كبيره برعب وتنادي علي سادن لينقذها ولكن للأسف فهي لا تري سوي الظلام ولا تسمع سوي صوت عواء الذئاب المخيف خلفها ظلت تجري وتجري برعب حتي فجأه وجدت نفسها عند منحدر كبير تحته مياه ذات تيار قوي وامواج عاليه فهذا البحر كان ايضا باللون الأسود لإنعكاس لون السماء عليه وفجأه انزلقت قدمها من علي هذا المنحدر وفي طريقها للسقوط في البحر صرخت بإسم سادن وفجأه فتحت عيونها من هذا الكابوس المرعب ونظرت امامها فوجدت سادن وفيونا والياس وليان يقفون امامها بخوف وقلق
سادن بقلق: دانه أنتي كويسه ده مجرد كابوس متقلقيش..
فنظرت دانه له كثيرا حتي تتأكد بأنه حقيقه امامها وانها اصبحت بأمان ففهمها سادن فقام بإمساك يدها
سادن بهدوء: انا معاكي متقلقيش..
فأومأت دانه بمعني نعم وقامت بإزاله يدها من يده بسرعه وخجل فإبتسم سادن علي خجلها
فيونا بتساؤل: دانه أنتي حلمتي بإيه بالظبط..
فحكت لهم دانه هذا الكابوس فنظر الياس وفيونا وليان إلي بعضهم بعدم فهم أما سادن فهم أن هناك خطر يهددهم جميعا ولكنه لن يقول لهم حتي لا يقلقوا
سادن بهدوء: طيب نخرج احنا وانتي يا دانه قومي جهزي نفسك للفطار .. ثم خرج الجميع تاركين دانه مع دقات قلبها التي زادت عندما مسك سادن يدها
دانه بشرود: عيونه ديه ..، ثم بغيظ: هو ده وقته لسه كنت بحلم بكابوس المفروض اصحي اعيط زي باقيت الناس مش اصحي كده ..ثم وقفت ونظرت إلي نفسها في المرايا
دانه بقلق: بس ايه معني الحلم ده بيقولوا الحاجه الوحشه في الحلم بتتحقق العكس..ثم بفرح: يالا الواحد عايز يفرح..، ثم سمعت صوت ناعم يضحك: ههه مجنونه..
دانه بخوف : ايه الصوت ده طلع منين انا بقيت بتخيل ولا ايه..
اتيا بضحك: ركزي وانتي هتعرفي ..
دانه بخوف : لا بقي ده الجو بقي رعب ..
أتيا بحده: دانه ..
فقفزت دانه من مكانها : عااا مين عفريت عفريت هياكلني..
اتيا بهدوء: انا أتيا اقعدي كده واهدي..
فنظرت دانه حولها فلم تجد احد فخافت أكثر..
اتيا بهدوء: انا أتيا..ثم بغيظ: القلاده يا دانه..
وهنا تذكرت ان اتيا تكون محبوسه داخل القلاده
دانه براحه: اه أتيا افتكرتك..
اتيا بهدوء: طيب اقعدي كده عايزين نتكلم..
فجلست دانه وهنا خرج ضوء كبير من القلاده فأصبح بشكل سيده جميله للغايه بعيون زرقاء جميله وشعر باللون الأصفر وفستان باللون الأزرق
فنظرت دانه إليها بذهول
فضحكت أتيا: علي فكره لولا انك مش بتعرفي الحديث الذهني مكنتش ظهرت ليكي بسبب ان ده هيضعفني قدام..
دانه بإبتسامه: أنتي حلوه اوي ازاي سادن يبقي حفيدك وانتي شكلك مش كبير ..
اتيا بضحك: هههه انتي في عالم مختلف يا دانه فمش تقارني مابين عالمنا وعالم البشر عشان متتعبيش..
دانه بإبتسامه: فرحانه اني شوفتك..
أتيا : وانا علي طول بشوفك عموما لازم تاخدي عليا اكتر من كده...
دانه بإستغراب: ليه..
اتيا بهدوء: دانه الحلم اللي حلمتيه النهارده حاولي تنسيه ومش تفكري فيه تمام..
دانه بإستغراب: حاضر بس ليه ..
اتيا : دانه في حاجات كتير انتي مش تعرفيها وقريب هتعرفيها فإصبري..
دانه: اتيا بس ..
أتيا بهدوء:انا لازم امشي دلوقتي وهحاول اكلمك تاني بس غمضي عيونك عشان الضوء فأغلقت دانه عيونها فقامت اتيا بوضع يدها علي رأس دانه ورشت عليها بعض من الغبار الخفيف وقالت بعض الكلمات الغريبه التي لم تسمعها دانه ثم اختفت
اتيا بتفكير: المفروض الغبار ده يحميكي بس مش هيفضل لفتره طويله ..
اما دانه وقفت ونزلت الي الأسفل فوجدت الجميع علي طاوله الطعام وكان مكانها بجانب سادن فجلست علي كرسيها وبدأت في تناول الطعام تحت نظرات سادن
اما فيونا والياس كانوا ينظرون الي بعضهم ويتهامسون
فيونا بفرح وهمس: لايقين اوي علي بعض صح ..
الياس: جدا انتي شوفتي اتكسفت ازاي لما مسك ايديها..
فيونا : اه كان شكلها حلو اوي كمان وهما الإتنين قاعدين جنب بعض كده حاجه حلوه بشكل..
فنظروا الي بعضهم وضحكوا فنظر سادن ودانه لهما بإستغراب أما ليان كانت تفكر فيما ستفعله مع ايان
انتهوا جميعا من تناول الطعام وذهب كل منهم الي ما يشغله
ذهب سادن الي مكتبه وذهبت معه ليان
داخل المكتب
ليان: سيلين كلمتني امبارح بليل..
سادن بهدوء: قالتلك ايه ..
فبدأت ليان تحكي له ما قالت سيلين لها
فلاش باك
استلقت ليان علي السرير حتي تنام وفجأه استمعت لصوت سيلين عن طريق التحدث الذهني
فوقفت ليان
سيلين بحده: ليان سادن عرف ان انتي بتنقلي ليا الأخبار..
ليان بهدوء: لا مش عرف حتي خلاني مساعده دانه ..
سيلين بفرح : كويس في ترياق عايزاكي تخلي دانه تشرب منه نقطه كل يوم وهو عندك جنب الشباك ..
ليان بإستغراب:جنب الشباك ازاي..
سيلين بضحك:لا خليكي ذكيه كده انتي نسيتي اني ساحره ولا ايه وجيبتهولك بتعويذه..
ليان بقرف: اه فهمت..
سيلين بمكر: واي أخبار جديده تقوليهالي مفهوم..
ليان: حاضر..ثم أغلقت التحدث الذهني مع سيلين ونامت
باك
ليان بهدوء: ده اللي حصل وها هو الترياق..
سادن بهدوء: ماشي يا ليان تقدري تخرجي دلوقتي..فخرجت ليان أما سادن نظر حوله بغضب
سادن: سيلين لازم يكون ليها نهايه لازم..ثم قام بوضع الترياق بجانب مكتبه ونظر الي الأعلي ثم نظر الي يديه فوجد نفسه سيتحول الي مصاص دماء فنزل بسرعه كبيره الي القبو حتي لا يؤذي أحد فيوجد في القبو الكثير من اكياس الدماء التي يحتاجها الأن
اما في الأعلي كانت دانه تبحث عن المطبخ لتشرب بعض من الماء ولكن كيف تجد المطبخ في هذا القصر الكبير للغايه فظلت تبحث عنه حتي ملت وقررت الذهاب الي مكتب سادن لتسأله.
اما في الخارج كانت ليان تسقي الأزهار فرأت ايان يأتي بإتجاهها حتي يكلمها
ايان بهدوء: ليان..
ليان بهدوء: نعم..
ايان : انا اسف ..
ليان : علي ايه..
ايان بحزن: لما كلمتك بطريقه وحشه كان غصب عني ..
فنظرت ليان له بعيونها الجميله: انا نسيت الكلام ده تقريبا نسيت اني كلمتك اصلا عموما مافيش مشكله..
ايان بإستغراب : بجد ..
فلم تنظر ليان له وذهبت من امامه فنظر ايان في مكانها بإستغراب
ايان : ديه غريبه طيب كده سامحتني يعني ولا ايه ..
دخلت ليان القصر وبضحك : هخليه يلف حولين نفسه كده وهعمل زي ما دانه قالتلي بس شكله يضحك اوي وهو مستغرب كده هههه.
اما دانه وصلت الي مكتب سادن وفتحت الباب لكنها لم تجده
دانه بإستغراب: ايه ده هو راح فين ..ثم ظلت تنظر في المكان وتعرف ملامح كل شئ فهي لم تأخذ بالها من جمال غرفه المكتب من قبل ثم جلست علي الكرسي الموجود امام المكتب وفجأه تم فتح باب لم تأخذ بالها منه من قبل وخرج منه سادن وعلي وجهه بعض من الدماء وصدم بشده عندما رأي دانه امامه
سادن بصدمه: دانه ايه اللي جابك هنا..ثم قام بمسح الدماء من علي وجهه..
دانه بخوف: الدم ده منين..
سادن بتنهيده: دانه أنا مستذئب..
دانه : أنا عارفه..
سادن : ومصاص دماء كمان..
دانه بصدمه: ايه مصاص دماء و الدم ده ..ثم وقفت وظلت تبتعد عنه عندما وجدت سادن يقترب منها
سادن بهدوء: دانه افهمي أنا مش..ولكن لم يكمل كلماته بسبب وقوعها بين يديه مغشيا عليها..
فأمسكها سادن بقلق: دانه دانه ..ثم توسعت عينيه عندما رأي القلاده تضيئ بشده
" فيا تري ايه اللي هيحصل وليه القلاده اخرجت الضوء وايه اللي حصل لدانه وايه اللي هيحصل بين جميع أبطالنا..، انتظروا"
أنت تقرأ
"قلادة آتيا ..مملكة الجليد" بقلم نوران جمال
Paranormalماذا سيحدث حين تجد بطلتنا نفسها ودون سابق انذار في مكان غير المكان وزمان غير الزمان وناس مختلفين وعلي رقبتها قلادة لا تستطيع أن تزيلها؟! ماذا سيحدث عندما ترتبط علاقتها بشخص لا تعرفه ولا هو يعرفها؟! وهل سيستسلمون لهذا الوضع أم سيكون لهم ردود افعال م...
