سامو عليكم اول مره اكتب روايه ع واتباد بس مش اول مره اعمل روايه حق الله كنت بعملها ف عقلي بس صراحه كدا قررت اشاركم بيها يعني
هحاول ع اد ما اقدر اطلع روايه حلوه وصياغة تكون كويسه اكيد مش من الاول يعني هتكون جامده وكدا لا واحده واحده
اهم حاجه اهم حاجه متحكموش علي الروايه من اولها
لأن من اولها مش حلوه زي الي في نص صدقوني يعني..
(ملاحظه صغيره :.. السرد هتلاقوه بالفصحي اما الحوار هتلاقوه بالعامية... ودا مش معناه اننا هنتعامل بالعاميه كتير... لا دا بس عشان الحبكه...
بس بعدين قدام الحوار كله هيبقي باللغه العربيه وهتفهموا ليه.....انا حاليا جايلكم من المستقبل.. وبقول متحكموش عليها من اولها كل الي قرأها وكمل صدقني... وشكرا 😂❤️)
(معلش ملحوظه اخري:فكره الروايه تكاد تكون مبتزله دي صراحه مني.. بس حاولت بكل ما املك ان اخد الفكره المبتزله احولها لشئ يكون احسن علي الاقل لو بحاجه بسيطه... بمعني اخر ادوها حقها وتعمقوا لأن وعهد الله البارتاات الي ف نص احسن)
بتمني تعجبكم واكون عملت حاجه كويسه وطبعا متنسوش النقد بس البناء ها 😂😂
اكتبولي رائيكم ف التعليقات ومتنسووش الفوت وشكرا 🌚❤️
**************
هل هناك اهم من ان تعيش من اجل تحقيق احلامك؟
.. لا اعتقد فما هي الا حياه واحده لتعيشها كما تريد انت لا الاخرين، لذه الحصول علي ما تريد نظره الفخر التي ستنظر بها لمن قال لك
"انسي الامر، لن تستطيع"
يالهم من بشر افاقهم محدودة وسطحيه مقززة بحق
لايهم ما يقال او قيل او سيقال فالتفعل ما تشاء عزيزي
فلن يندم علي انك انصغت الي كلامهم سواك *************
.............
Rovan Bov.
لما يصرون علي ان يقللوا من شأني هل دعمهم لي سيقلل من وزنهم شيئا
انا من يقرر ماذا اريد ان اكون لا هم لما واللعنه كل الاباء يريدون ان يصبح أولادهم اطباء و مهندسون وَمعلمون فقط وماذا عن باقي المهن!! هل ملعونه ام ماذا؟!
أمي تدعمني احيانا واحيانا أخرى لا تتدخل.. عندما تعلو نبره صوت ابي تفضل الصمت بل تدمع عيناها لتبكي يا إلهي كم اكره ضعفها، هل هي تخاف منه ام تتجنب حدوث مشكله.. هي تبكي اسرع من اختفاء النيزك! لا ادري كيف تفعلها هل سهل لهذه الدرجه البكاء
حسنا نعم سهل علي النساء فما تفعله النساء هو البكاء
شئ يجعلني اشك ف كوني انثي!
كم أكره البكاء بحق
لا اتذكر اخر مره نزلت فيها قطره دمع واحده من عيني المتصحره اعتقد عندما كان سيموت ابي
حينها بكيت، بكيت بهستريا حقا، فعلاً أصبح مخيفه. جيد سبب اخر يبرر لما اكره البكاء
رأيت امي تخرج من غرفتها متوجهه للمطبخ
"ماما كلمتي بابا تاني في الموضوع"
نبست بها بقلق لأنني اعلم الرد
"بقولك ايه انتي حلي مشكلتك مع ابوكي انا مليش دعوه بالموضوع دا"
قالتها بغضب جعلت مني استشيط غيظا
ليس لها دخل؟؟ وهل ما اريده ليس قرار مصيري عليها ان تشارك فيه
هل صرخ عليها ام ماذا؟!
ذهبت إلى غرفة ابي لأري ما يمكنني فعله او علي الاقل سأحاول، وجدته يمسك هاتفه يتفحصه
لأقلب عيني بضجر هل كل هذا من أجل ان ادخل القسم الذي اريد!!؟
اقسم ان اصبح مصورتيه مثلما يقول لا يمس بباقي ما اريد فعله.. فما اريده يعتبر مستحيل ولكن لن ايأس ف سأظل احاول
يا إلهي عليّ ان اهدئ من نفسي فإن الصبر ليس من سماتي ولكنني فقط اتودد لهم لأجل الموافقه ليس اكثر، اقسم انني ساتقيأ من ودادتي المصطنعه
"هتفضلي واقفه كتير"
قطع صوته أفكاري ومحاوله تصبير نفسي لأفزع قليلاً
"جعان؟! والله شكلك جعان اعملك تاكل استني هعملك تاكل"
قلتها بتوتر شبه ملحوظ
"هموت من فرط الحنيه مش كدا ايه دا. لا مش جعان شكرا لخدماتك"
قالها بسخريه لأنظر له قليلاً احاول اهدئ من روعي، اللعنه علي احلامي المتسببه لي في ذلك الذل
قلبت عيني بضجر وذهبت إليه لأريه صوري الرائعه بل الفاتنه
" بص أبابا الصور دي لسه مصوراها"
قلتها بحماس
" كويسه"
قالها بعد ان رمق الصور فقط بطرف عينه
مما شعرت بعروقي تبرز من كثره تحمل الغضب
ولكني حاولت تصنع الهدوء
كويسه!!! كويسه!! بل انها رائعه مذهله ليس لأنني انا من صورها ولكن هي تحفه فنيه يا رجل!
" كويسه اه، تعرف الصور الي مش عحباك دي هاا كام حد قالي بعد ما نزلت الصوره دي صوريني عشان عيد ميلادي ولا عشان فرحي ولا ولا حجات كتير اوي دا غير ان في ناس طلبوا مني اعلمهم التصوير" نبثت بها بغيظ لتقليله من شأن صوري
"بجد ماشي برافو عليكي"
قالها ببرود لأرمقه بغضب سوف اعمل لأعيد له كل ما صرف عليّ في الثانويه اقسم ما هذا الذل يا قوم!! كدت اقول ما لا يحمد عقباه حتى بتر كلامي بكلمه جعلتي في حاله صدمه
" موافق"
ليعتدل ويكمل كلامه
" خشي الي انتي عايزاه اما نشوف اخرتها معاكي" نظرت له في حاله صدمه فلتقرصوني احبائي في الله ماذا يحدث
"احلف بجد ونبي بجد بتهزر لا لا بتهزر بجد"
رددت بها وكدت اموت من شدة الصدمه والفرح
"والله مش بهزر امشي بقا قبل ما اغير رأيي"
قالها وهو يبتسم لي اقسم انني سوف اصوم الاثنين والخميس واتبرع بكل ما لدي من فكه اذا وافق علي باقي ما اريد فستكون المعجزة.. لما سقف أحلامي عالي لتلك الدرجه؟!
اللعنه على أحلامي الطموحه
" هتقدمي امتي ولا فين بظبط"
قطع تفكيري وانا احاول ان اجمع كلمات لجمله اعتقد ان قلتها سأمتنع عن التعليم
" مش هتصدق يا بابا هقدم فين هقدم في السفاره" نبثت بها بثقه متصنعه احتدت ملامح وجهه وهو يقول باستفهام
"سفاره؟!"
قلت بابتسامه مصطنعه أكثر من اصطناع الثقه
"اه اصل يا بابا..... انا هقدم.... في منحه عشان اكمل كليتي وتعليمي برا مصر "
***********************
استووووب
اه اول بارت قصير اه بس عشان لسه بشوف مهاراتي وكدا وان شاء الله البارت التاني هيبقي اطول بجد متنسووش تقَولوا رائيكم ولو مفيهاش اسائه يعني اعملوا فوت
احبكم ف الله
اشوفكن البارت الجاي ❤️🌚
أنت تقرأ
Hope ||° امل
Romantikأَنْت دُون عَنْ النَّاسِ أَنْت؟! تمازحني صَحِيحٌ ؟ ! حَظِّي العَثْر تَفَنَّنَ فِي تَعْذِيبِي مُجَدَّدًا . . كَثْرَة الشَّوَائِب الَّتِي بَيْنَنَا واختلافنا ، ستجعل النَّاس تَضْحَك مَنْ فَرَّطَ السُّخْرِيَة .
