الحياة الرقيه

قصه قصيره

هلوو عيني شلونكم....أن شآء الله اتكونون بخير

قصة واقعيه واحداثها حقيقيه.. راح اكتبها بالعاميه وعلى طريقتي ههههه   مليت من الفصحه لانهو بيني وبينكم حلكي وايدي ينعوجون من اقراه او اكتب فصحه 😂
معليكم بسخافتي واخذو العبره منها....

ـــــــــــــــــــــــــــــــــــــــــــــــــــــــــــــــ

كان في مكان.. اكو بنيه يتيمة الاب من جانت بالابتدائيه من عمرها ..خوش نكمل امها الحبابه ربتها هيه واخوانها..وامها الحبابه اتحب بتها اكثرشي بهل الكون..

كبرت البنيه وصارت صف سادس اعدادي،مع انو ظروفهم الماديه مو زينه،،بس امها اتريدها توصل وتاخذ شهاده ترفع من شئنها بلمجتمع،،بس البنيه ما هما شي وظاربه كلام امها بعرض الحايط ومامهتمه يعني اطبب من هاي الاذن وطلع من الاذن الثانيه،،ودوم تنطي الاعذار والمبررات وهامله الدرستها وعندها مظهرها وشكلها اهم،،وتفضل توكف على المريه ساعات تشوف شكلها على الدرسه...

اييي وامها جانت عدها امل اتصير طبيبه هذا (حلم كل الامهات) ايي وتفتخر بيها وتشوف نفسها كدام الكل،،المهم عيني بتها المصون حبيبت كلبها ما قرت عينها وجابت البنيه معدل عادي دخلها كلية آداب قسم لغه عربيه،هنا غير تنجب وتسكت لا هم رجعت تنطي

المبررات والاعذار وتكول اني شعليه اني  مجاوبه  هذولي المصححين لوتيه ومانطوني حقي بتصحيح (هذا جواب اي واحد يرسب بمتحان بكلوريه واني منهم 😂😂🌚)...

خطيه امها رضت بقسمتها ورضت بقضاء الله وقدره بس ماستسلمت ضلت اتوصي بتها علمود اتحصل على أعلى التقديرات بجامعتها علمود تحصل على وضيفه زينه،، وامها الحبابه تعبت بعد وفات ابوها هوايه،، اشتغلت بالخياطه وانجحت ورادات حياة احسن من حياتها الولدها

ومع العلم امها اميه بس كلش تقدس التعليم. وبتها البومه ماغيرت اطباعها ومستمره بافكرها ومعتقداتها،،

والبومه ماجنت تهتم بحال امها،،وأهم شي عدها انقتها وشكلها وانطباع الناس عنها،، بس اتحب أمها ومداريتها وعطوفه عليها بس متسمع كلامها،،بأول سنه بالجامعه رسبت الحلوه وجانت كسرة ظهر الامها الي رادة اطلع اعلى تقديرات

وهنا اخوها الجبير ظهر وكلها
ولج عوبه تكعدين وتسكتين بلبيت بعد ماكو جامعه وخالي اناقتج وصديقاتج الدايحات يفيدنج،، وراح ازوجج واخلص منج،، بس امها ماقبلت ولصمت اخوها على حلكه وخلتها ترجع تكمل..

وكالت امها الحبابه عود اتوضح وتنطي اعذار هي محد ساعدها بتربيت اولدها وتعليمهم..وكملت البومه درستهاوتخرجت بس رغم هي ذكيه بس ضيعت نفسها بيدها وماحصلت على شهاده زينه

حتى تكدر تتعين بيها وتساعد وامها.. نعرف انو كلشي بهل الحياة قسمه ونصيب بس الله سبحانه وتعالى ميضيع أجر عباده..الكل مجتهد نصيب
  هيج اتعلمنا..

فا بالجامعه انعجب بيها اخو صديقتها وهما من عائله مكانتها الاجتماعيه زينه وهو وكع بحبها وهو الوحيد التلاث خوات 

ورادت امه اتزوجه من وحده وعائله مكانتهم الاجتماعيه زينه..بس هو ميريد غير الي حبها وزعل وسواله طنكوره وبعد مشوار طويل من العركات والمشاكل العائليه وراحو خطبوها اله..

وهما وافقو..

وهنا الحلوه كامت تضرب بلعالي وماتريد اتصير اقل منهم وطاحت براس امها المكروده وكامت سوتهن بلتقسيط واضطرت تدفع اضعاف السعر لان بعد عيني الحلوه متريد تعيش بجو عائلتها البسط بعد،،تعودة على حياة الرفهيه الي وفرتها الها امها مثل متريد،،

وتزوجت البومه عيني،وكامت المشكال تركص عليهم من اهل الولد لان ماقبلين عليها،،واهله ماقصرو بيها ساحليها ومرغليها واذا اتفك حلكها هاي الله الكتبها عليها،،

وهي مجبوره تسكت طبعا،،بس اخينا بالله جان يحبها وميرضه عليه ومعوضها بحنانه عن معاملة اهله الها،، بس المشكال فاقت الحدود بعد وقرور يئجرون شقه واجرو شقه بنفس العماره سبب ابو ماقبل وهيه الشقه جانت مناسبه يعني على كد افلوسه

وبيوم من الأيام اخينا بالله  تغير عليها بمعاملته،،وصار قاسي وصعب وعصبي ومايتفاهم،،شنو اتسوي ميعجبه،، ضاكت بيها الدنيا ومالكت غير نفسها يم بيت اهله الفجر..

وبعد ما هبطت امها حجتلها كلشي وامها قابل شنو بيدها بقت يم اهلها سنه ونص تقريبا،،وكلما يجي اخينا بالله محد يطلعه ولا ياحجي..

بس اخوها هنا كاله ترجعلك بعد الشروط الي جانن صعبات،،واخينا بالله ماعنده غير يقبل لان استوعب هو يحبها وميكدر بدونها..

ورجعو سويه للبيت،،وعاشو عيشه سعيده،،بس شغله وحده وهيه تاخير الحمل،، راحو اطباء اخينابالله ميكدر يخلف،، واقترح عليهم الطبيب يسون طفل انابيب

البومه متردوه بتخاذ مثل هيج قرار،، اتريد يصير عدها اطفال بس من تتذكر شنو سواو بيها وهمه يكدرون يغيرون اخينابالله عليها،، فرفضت الموضوع نهائيا،، وهسه هيه عايشه حياته ومستمره بيها اليومنا هذا....

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يلا كولولي شنو النصيحه المناسبه الها؟؟

وربي حسيت نفسي عجوز ودا اسولف سالفه شهل التناقض الي بيه!!

ممكن دعم ومتابعه للحساب( user53624460)
وعدها قصه اسمها (خفايا القدر) كلش حلوه تابعوها ودعموها كلش هوايه

وبدربكم تابعو بعد هذا الحساب ودعمو البنوته فدوه( hanan_ali_)

وشگراً الكم هوايه ❤❤

بـ❤ـيـبـاي💘...