الحياة الرقيه

(تقوية علاقتنا بأهل البيت عليهم السلام) الجزء الثاني

السلام عليكم..... أن شآء ﷲ اتكونون كلكم بخير وصحة

رجعتلكم بتكلمه الجزء الثاني من تقويه علاقتنا بأهل البيت-ع-
اقرو وأن اشاء ﷲ  تستفادون ولو شويه تابعو...

ـــــــــــــــــــــــــــــــــــــــــــــــــــــــــــــــ...ـــــــــــــــــــــــــــــــــــــــــــــــــــــــــــــــ...

_ مثل ما اتفقنا بالبارت السابق ( إذا ما حبينة اهل البيت مراح نگدر نقويّ علاقتنا بيهم يعني هسة انتي تقبلين ترتبطين بأحد بس انتي متحبيّ ؟!
اكيد لا إذا ً لازم اول شي نحبهم ، شلون نحبهم ؟

يوجد شي مزروع بداخل كل موالي ّ لأهل البيت إسمه :
" البذرة " 🌿

مرة سمعت انو " أن الامام الذي أنتَ متعلق به وتحبه كثيراً، لم تختره أنت،
بل هوَّ الذي اختارك محباً لهُ 💛" 

شوفوا مو مصادفة أبد انو يميل قلبج لإمام معين
يعني صح كل الائمة لازم نقدرهم ونمشي بكلامهم ونؤمن بيهم ،
بس هنا دنحجي عن هذا الإمام إلي من ينذكر إسمه گبالج تحسين بشعور الحب ،

الإمام الي تتوسلين بيّ من تحتاجين شيء ، الإمام اليّ تبجين ع فاجعته
و تذكرين اسمه هواي بيومج  الامام الي أنتي مستعدة تركين كل ذنب علموده باوعي لگلبج ،

شوفي منو اكثر أمام انتي قريبة عليّ وتحسي يسمعج ويفهمج وصديق مقرب الج ويمشي وياج بكل خطوة بحياتج ، اي لتستغربون ترى الائمة كلش متواضعين وكلش يحبونه وشفنا آثار حبهم ، وهمه دائمآ رعايتهم وعيونهم علينا .💙

هسة انتي عرفتي الإمام المقرب لگلبج ، والي زرع بذرة حُبه بداخلج نجيّ نعرف شلون نكبر هاي البذرة ونسويها شجرة جبيره 🌳🌱!.

عندما تفكرون بالشخص ، تكونوا قد اتصلتم بطاقته . .

واذا اتصلتم بطاقته يؤثر فيكم . .
لذلك لا تكثروا التفكير بالاشخاص السيئين لكي لا تتواصلوا مع طاقتهم . .
عندما تفكروا بالاشخاص الصالحين المتميزين ستتواصلوا مع طاقتهم و تؤثر فيكم . .

فمابالكم لو فكرتم ، و صليتم على النبي صلوات الله و سلامه عليه . . فإنكم ستتواصلوا مع طاقته النيّرة ، و تؤثر فيكم ، و تصلح من حالكم ، و تمدكم بالنور . .

صلاتكم على النبي ليست له ، إنها لكم . .
أنتم المستفيدون من صلاتكم عليه ،
لانكم بصلاتكم عليه ستدخلون قوافل المصلين ، و مدار النور .

( إن الله و ملائكته يصلون على النبي يا آيها الذين آمنوا صلوا عليه و سلموا تسليما ) . .

هذا حدث كوني ، دخولك فيه يمدك بالنور . .
راحه الحرام دقائق وراحه رضا الله تعالى سنوات ..

مهما كنا مذنبين ونسوي ذنوب ومعاصي
لازم نخلي حد لنفسنه كافي ذنوب ونسوي
حاجز مثل الجدار من الذنوب بقلبنا جدار يفصل بينا وبين
الكمال بين الله تعالى ..

كافي ذنوب ومعاصي محتفيدنه ومحتسوي بينه الا الدمار الشامل .. تحبين الله ارجعي الله وشوفي الراحه وانتي بين اديه حسي بالراحه واستمتعي بيها وانتي تقرين قران وانتي تسجدين لله ❤️

الله اقرب من كل شي واحسن من كل شي واحلى من كل شي واحن من كلشي صحيح نذنب بس مو نكول اووو بعد مانكدر نرجع بعد ويني ووين الله و يني ووين  الصلاه بعد اني رحت لالالالا ابدا ابدا لاتفكرين هيج الله انتي عنده مثل الطفل الصغير

يرعاج ويحميج ويوكلج ويشربج وحتلو غلطتي يحاول يصحح خطاج ويقومه من خلال التجارب والصفعات الي تصادفنه بالحياه ..

تتمرضين كولي الحمدلله لان تطلع ذنوبج الغير مستغفره عليهن بالمرض .. كولي الحمدلله ورجعي لله والله يقبل توبتج

لان الله ارحم بحالنه من كل بشر ارحم من امج وابوج وكل قريب عليج الله يحبج وتاكدي من هذا مادام دتقرين هل رسائل الي دتذكرج تاكدي انو الله جابج لهنا لان يحبج ❤️.....

ـــــــــــــــــــــــــــــــــــــــــــــــــــــــــــــــ....

لهنا كمل البارت..كولولي حبيتو المكتوب واستفاديتو منه لو لا

اذا اتحبون انشر هيج شي كولولي

اتمنى استفديتو ولو شويه

واتمنئ اتشاركون البارت وتسون تاكات حتى يستفادون البقيه
شگراً الكم من القلب..💕💕

فـ❤ـي أمـآڹ ﷲ....