الحياة الرقيه

(تقوية علاقتنا بأهل البيت)(عليهم السلام)

السلام عليكم....أن شآء الله اتكونون بخير وعافيه يارب 🌹💘

اقرو المكتوب ونطوني رئيكم هو يعتبر موضوع نقاش ايهمني رئيكم
وان شاء الله تستفدون ولو شويه تابعو...

_ المقدمة

هو احنا ليش نريد نقويّ علاقتنا بأهل البيت-ع- ؟ 💛

قبل كل شي إحنا نعرف انو أهل البيت همّ حجة الله ع خلقه ، وهمة الي نذكروا بالقرآن بالعديد من الآيات ( إنما يريد الله ليذهب عنكم الرجس أهل البيت ) و ( قل لا اسئلكم عليه اجراً الا المودة في القربى) ، وأهل البيت هم اقصر وأسهل طريق لله تعالى لأنهم بساطة حبل الله الممدود من السماء الى الأرض ويمثلون الثقل الإلهي في الأرض ( يُدلون ع الله ) فحب أهل البيت هو حب الله ! 💗

هسة راح نذكر كم أثر يُصاب بهِ من يحب أهل البيت بصورة مختصرة لأن لو ردت اكتب عن آثار حبهم ميخلصن 🥺 :

1_ معرفة الطريق الحق والسلامة من الانحراف والباطل

2_ استكمال الدين الإسلامي : قال رسول ألله ( صل الله عليه واله ) : " حبّ أهل بيتيّ وذريتيّ استكمال للدين "

3_ اطمئنان القلب وطهارتهُ : قال صادق أهل البيت : " لا يحبنا عبد إلا كان معنا يوم القيامة "

4_  الاغتباط عند الموت : حيث يحضر أهل البيت عند من يحتضر ويأتيه الموت

5_ الشفاعة يوم القيامة : قال رسول ألله : " شفاعتي لأمتيّ من أحب أهل بيتي ، وهم شيعتي "

6_ التوبة والمغفرة من الله وقبول الأعمال

7_ نور يوم القيامة و الأمن من اهوال يوم القيامة .
وغيرها الكثير من الآثار المترتبة على حب أهل البيت بس نكتفي بهذا القدر .

_ هسة عرفنا جزء بسيط وقليل من آثار حب أهل البيت ، زين هو شنو حب أهل البيت ، الحب هنا أنو انيّ أحبهم من داخلي واكون معترفة بحقهم و برسالتهم و لازم اقتديّ بيهم واخليهم دائما قدوتيّ ومثلي الأعلى بكل شيء بحياتي ، لأن هذا سر التوفيق الإلهي ✨

اليوم كانت مجرد مدخل بسيط حتى نعرف حب أهل البيت ، لان اذا محبيناهم مراح نگدر نقويّ علاقتنا بيهم ،  بالأيام الجاية راح نشرح طرق و أشياء تساعدنا حتى نكسب رضاهم ونتقرب منهم.🌺

يتبع ...

ــــــــــــــــــــــــــــــــــــــــــــــــــــــــــــــــــــــــــــــــــــــ

بعد اكو تكمله اذا اتحبون كولولي حتى اكمل بارت ثاني..
سويته قسمين حتى ميصير طويل وتملون..

اتمنى استفديتو ولو شويه...

فــي أمـآن الـرحـَمـن..💗💕